سانپوں سے کٹواکر مہلک بیماریوں کا علاج، متنازع معالج کے ہاں مریضوں کی ِبھیڑ
اشاعت کی تاریخ: 12th, June 2025 GMT
فلپائن سے تعلق رکھنے والا ایک معالج کئی برسوں سے بیماروں کو زہریلے سانپوں سے کٹواکر ان کا علاج کر رہا ہے۔
یہ بھی پڑھیں: برازیل کا جزیرہ جہاں دنیا کے زہریلے ترین سانپوں کا راج ہے
منڈاڈو کا ایک متنازع معالج روزالیو کلِٹ مختلف بیماریوں کے علاج کے لیے پٹ وائپر سانپ کے زہر کا استعمال کرتا ہے۔
اس کا دعویٰ ہے کہ کئی سال قبل اپنے پالتو وائپرز میں سے ایک نے اسے کاٹا لیا تھا جس کی وجہ سے اس نے سانپ کے زہر کی شفا بخش خصوصیات حادثاتی طور پر دریافت کیں۔
اس کا کہنا ہے کہ اس وقت وہ کئی بیماریوں سے لڑ رہا تھا لیکن سانپ کے ڈسنے کے کچھ ہی دنوں بعد اسے کافی بہتر محسوس ہوا تو اس نے اندازہ لگایا کہ اس کے کاٹنے سے وہ ٹھیک ہو گیا ہے۔
اس کے بعد سے روزالیو شمالی فلپائن کے پٹ وائپر کے فوائد کا پرچار کر رہا ہے اور خود کو ’اسنیک ہیلر‘ کہلاتا ہے۔
مزید پڑھیے: انسان کے کاٹے سے سانپ ہلاک، یہ عجیب و غریب واقعہ کہاں پیش آیا؟
روزالیو حال ہی میں ایک ویڈیو میں اپنے غیر معمولی شفا یابی کے عمل کو ظاہر کرنے کے بعد وائرل ہوا لیکن وہ ایک دہائی سے زیادہ عرصے سے معجزاتی علاج کے متلاشی افرادکو سانپ سے کٹواکر ان سے پیسے وصول کر رہا ہے۔
سنہ 2014 میں ایک ٹی وی نیٹ ورک نے روزالیو اور اس کے پٹ وائپرز کے بارے میں لکھا تھا جن میں سے اکثر اس کے گھر میں آزادانہ گھومتے ہیں۔ اس وقت بھی اس کے پاس اکثر ایسے مریض ہوتے تھے جو دل کی بیماریوں یا پیشاب کی نالی کے انفیکشن سمیت مختلف حالات کا علاج کرنے کے لیے خود کو اس کے پالتو سانپوں سے کٹواتے تھے۔
روزالیو مریضوں کو زہر سے بھری ہوئی خمیر شدہ شراب بھی تجویز کرتا ہے جسے وہ بڑے بڑے مرتبانوں میں خود تیار کرتا ہے لیکن ان دعووں کے باوجود ماہرین کا کہنا ہے کہ ان سانپوں کے زہر میں علاج کی خصوصیات ہونے کا کوئی ثبوت نہیں ہے بلکہ یہ خطرناک بھی ثابت ہوسکتا ہے، خصوصاً ان لوگوں کے لیے جو اس سے الرجک ہوں۔
مزید پڑھیں: چین میں سانپوں کی نئی انوکھی قسم کیسے دریافت ہوئی؟
معالج کی بیٹی جووی ٹیرو نے میڈیا کو بتایا کہ شمالی فلپائن کے مندر کے پٹ وائپر محفوظ سانپ ہیں جن کا زہر مہلک نہیں ہے اور ان کے کاٹنے کے ارد گرد کا گوشت بھی نہیں سڑتا۔ اس کی وجہ یہ ہے کہ سانپ کا زہر بنیادی طور پر نیوروٹوکسک ہوتا ہے جس میں ہیموٹوکسک زہر پیپٹائڈز کا تناسب بہت کم ہوتا ہے۔
واضح رہے کہ پٹ وائپرز کے کاٹے کو محفوظ قرار دینا بلاشبہ ایک مبالغہ آرائی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پٹ وائپرز زہریلے سانپ سانپ کے زہر سے علاج فلپائن.
ذریعہ
ذریعہ: WE News
کلیدی لفظ: پٹ وائپرز زہریلے سانپ سانپ کے زہر سے علاج فلپائن سانپ کے کے لیے کے زہر
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ