محکمہ داخلہ پنجاب نے محرم الحرام میں مانیٹرنگ کیلئے خصوصی ای پورٹل تشکیل دیدیا
اشاعت کی تاریخ: 13th, June 2025 GMT
ڈسٹرکٹ انٹیلی جنس کمیٹیوں کے اجلاس بلا کر ایمرجنسی پلان کو حتمی شکل دی جائے۔ اشتعال انگیز مقررین کی زباں بندی اور ضلع بندی کیلئے تازہ فہرست مرتب کی جائے۔ پولیس اور انتظامیہ حساس مقامات کا تعین کرکے فول پروف انتظامات یقینی بنائیں۔ یکم سے 10 محرم تک تمام مکاتب فکر کی تقریبات کیلئے الگ سکیورٹی پلان تشکیل دیا جائے۔ اسلام ٹائمز۔ محکمہ داخلہ پنجاب نے محرم الحرام مانیٹرنگ کیلئے خصوصی ای پورٹل تشکیل دیدیا ہے۔ پنجاب بھر میں جلوس، مجالس، حساس مقامات، زباں بندی و ضلع بندی سمیت تمام معلومات پورٹل پر دستیاب ہونگی۔ تمام اضلاع کے ڈپٹی کمشنرز 5 یوم میں تمام معلومات ای پورٹل ڈیش بورڈ پر درج کریں گے۔ پنجاب بھر میں پولیس اور انتظامیہ کو محرم الحرام سکیورٹی کیلئے اہم ہدایات جاری کی گئی ہیں۔ محکمہ داخلہ نے کہا ہے کہ آئی جی پنجاب محرم سکیورٹی میں مدد کیلئے فوج اور رینجرز کی مطلوبہ تعداد بارے مطلع کریں، صوبہ بھر کے حساس مقامات پر موبائل سگنل بند کرنے کے حوالے سے بھی سفارشات طلب کی گئی ہیں۔ لاؤڈ سپیکر کے غیرقانونی استعمال کو روکنے کیلئے خصوصی مانیٹرنگ ٹیمیں تشکیل دینے کی ہدایت کی گئی ہے، پنجاب ساؤنڈ سسٹم ریگولیشن ایکٹ 2015 کی خلاف ورزی پر سخت کارروائی ہوگی۔ محکمہ داخلہ نے ہدایت کی ہے کہ تمام ڈپٹی کمشنرز ہنگامی حالات سے نمٹنے کا پلان تیار کریں۔
ڈسٹرکٹ انٹیلی جنس کمیٹیوں کے اجلاس بلا کر ایمرجنسی پلان کو حتمی شکل دی جائے۔ اشتعال انگیز مقررین کی زباں بندی اور ضلع بندی کیلئے تازہ فہرست مرتب کی جائے۔ پولیس اور انتظامیہ حساس مقامات کا تعین کرکے فول پروف انتظامات یقینی بنائیں۔ یکم سے 10 محرم تک تمام مکاتب فکر کی تقریبات کیلئے الگ سکیورٹی پلان تشکیل دیا جائے۔ محرم الحرام کے دوران فرقہ وارانہ کشیدگی کی روک تھام کیلئے انتظامات کرنے کی ہدایت کی گئی ہے۔ محکمہ داخلہ نے ہدایت کی ہے کہ محکمہ اوقاف قیام امن کیلئے ڈویژنل سطح پر اتحاد بین المسلمین کمیٹی کے اجلاس منعقد کرے، صوبہ بھر میں جلوس کے روٹس پر بجلی کے لٹکتے تاروں کو فوری سمیٹاجائے۔ محکمہ داخلہ کا کہنا ہے کہ طے شدہ روٹس اور مقامات کے علاوہ کسی اور مقام پر جلوس، مجلس کی اجازت نہیں ہوگی، تمام مجالس اور جلوسوں کی مکمل مانیٹرنگ یقینی بنائی جائے۔
ذریعہ: Islam Times
کلیدی لفظ: حساس مقامات محکمہ داخلہ محرم الحرام کی گئی
پڑھیں:
اسرائیل کے انسانیت کیخلاف جرائم کو روکنے کیلیے عرب ٹاسک فورس تشکیل دی جائے، وزیراعظم
دوحہ: وزیراعظم شہباز شریف نے کہا ہے کہ اسرائیل نے ثالث ہونے کے باوجود قطر پر حملہ کر کے خومختاری کی خلاف ورزی کی اور امن کی کوششوں کو سبوتاژ کیا۔
قطر کے دارالحکومت دوحہ میں منعقدہ عرب اتحاد ہنگامی اجلاس سے خطاب کرتے ہوئے وزیراعظم نے کہا کہ اسرائیل نے قطر کی خودمختاری کی خلاف ورزی کی، پاکستان دوحہ پر حملے کی کھلی مذمت کرتا ہے۔
انہوں نے کہا کہ یہ حملہ مشرق وسطیٰ میں امن کی کوششوں کو سبوتاژ کرنے کیلیے کیا گیا، ہم قطر کے حکام اور اپنے قطری بہن بھائیوں، کے ساتھ مکمل اظہار یکجہتی کرتے ہیں۔ جنگ کے دوران امن کی بات کرنے اور ثالث کا کردار ادا کرنے کے باوجود بھی اسرائیل نے حملہ کیا۔
وزیراعظم کا کہنا تھا کہ غزہ میں خون کی ندیاں بہہ کرہی ہیں۔ وزیراعظم نے اس موقع پر دس سالہ فلسطینی بچے کاذکر کیا جس نے خوراک کیلیے کئی کلومیٹر پیدل سفر کیا اور پھر اُسے اسرائیلی فوج نے شہید کردیا تھا۔
شہباز شریف نے کہا کہ اسرائیل غزہ میں نسل کشی کررہا ہے، اس بربریت کو اب فوری طور پر رکنا چاہیے، اسرائیل کو انسانیت کیخلاف جنگی جرائم پر احتساب کے کٹہرے میں لانا چاہیے، بربریت کو روکنے کیلیے عرب ٹاسک فورس تشکیل دی جائے اور اسرائیل کے خلاف فوری طور پر اقدامات کیے جائیں۔
وزیراعظم نے کہا کہ غزہ میں فوری طور پر جنگ بندی کروائی جائے، فلسطینیوں کی رہائی اور مغیوں کی بازیابی کیلیے کاوشیں کی جائیں۔
انہوں نے واضح کیا کہ غزہ کا معاملہ دو ریاستی حل سے ہی ممکن ہے، فلسطین ایک علیحدہ ریاست ہو جس کا دارالحکومت القدس ہو اور ہم اسے تسلیم کرتے ہیں۔
وزیراعظم کا کہنا تھا کہ اسرائیلی جارحیت کو سب مسترد اور اس کی مذمت کرتے ہیں، اگر ہم نے اتحاد نہیں کیا تو اسرائیل انسانیت کیخلاف اسی طرح اقدامات کرتا رہے گا۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ