حیدرآباد سائٹ ایسوسی ایشن کے انتخابات ،زبیر گھانگرا چیئرمین منتخب
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآباد سائٹ ایسوسی ایشن آف ٹریڈ اینڈ انڈسٹری کا سالانہ جنرل باڈی اجلاس سرپرست اعلیٰ اور سابق چیئرمین مظہر الحق کی زیر صدارت منعقد ہوا، ایسوسی ایشن کے آئین آرٹیکل آف ایسوسی ایشن کے مطابق حیدرآباد سائٹ ایسوسی ایشن آف ٹریڈ اینڈ انڈسٹری کے انتخابات برائے مدت 2025ء تا 2027ء شفاف طریقے سے منعقد کیے گئے،اجلاس میں نئے عہدیداران اور منیجنگ کمیٹی کے ناموں کا اعلان کیا گیا۔ جس میں زبیر گھانگرا چیئرمین، عامر شہاب سینئر وائس چیئرمین، ایسر کمار وائس چیئرمین، شاہد قائم خانی جنرل سیکریٹری اور اسلم باوانی فنانس سیکرٹری کے لیے منتخب ہوئے جبکہ پرویز فہیم نوروالا، فاروق شیخانی، محمد خالد، دلیپ کمار، شریف پونجانی اور ذوالفقار صدیقی منیجنگ کمیٹی کے لیے منتخب ہوئے۔ میڈیا سے گفتگو میں نومنتخب چیئرمین زبیر گھانگرا نے کہا میں دل کی گہرائیوں سے اپنے تمام اراکین کا شکریہ ادا کرتا ہوں جنہوں نے مجھ پر اعتماد کیا اور اپنی قیمتی رائے کے ذریعے مجھے اس منصب تک پہنچایا۔ ہم سب بخوبی واقف ہیں کہ حیدرآباد سائٹ اس وقت کئی بنیادی مسائل کا شکار ہے۔ انفراسٹرکچر کی زبوں حالی، سڑکوں کی خستہ حالی، نکاسی آب کا ناقص نظام، بجلی اور گیس کی فراہمی میں رکاوٹیں، صفائی ستھرائی کا فقدان، اور سیکورٹی کی کمزوری جیسے مسائل نے صنعتی ترقی کی راہ میں رکاوٹیں پیدا کر دی ہیں۔ نومنتخب سینئر وائس چیئرمین عامر شہاب، وائس چیئرمین ایسر کمار، جنرل سیکرٹری شاہد قائم خانی نے مشترکہ خطاب میں کہا کہ ہم سب سے پہلے سڑکوں کی مرمت اور نکاسی آب کے نظام کو بہتر بنانے کی کوشش کریں گے تاکہ صنعتکار ایک بہتر ماحول میں کام کر سکیں۔ ہم سوئی گیس، واسا، بلدیہ، ای پی اے، سیپکو جیسے اداروں کے ساتھ قریبی روابط استوار کریں گے تاکہ گیس و بجلی کی فراہمی بلا تعطل جاری رہ سکے۔ ہم سیکورٹی کے نظام کو مستحکم بنانے کے لیے پولیس، رینجرز اور نجی سیکورٹی اداروں کے ساتھ باقاعدہ اجلاس کریں گے۔ حکومتی سطح پر بنائی گئی ورکس کمیٹی سائٹ کے ذریعے زیادہ سے زیادہ کام کرائے جائیں گے۔ اجلاس میں حیدرآباد چیمبر آف اسمال ٹریڈرز اینڈ اسمال انڈسٹری کے صدر سلیم میمن، علی گھانگرا، ندیم صدیقی، سامن مل، حاجی ہارون اور بڑی تعداد میں صنعتکار موجود تھے۔
.ذریعہ: Jasarat News
کلیدی لفظ: وائس چیئرمین ایسوسی ایشن
پڑھیں:
الیکشن کمیشن آف انڈیا کانگریس کی انتخابی شکست کا ذمہ دار ہے، راہل گاندھی
کانگریس کے مرکزی لیڈر و رکن پارلیمنٹ نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ اسلام ٹائمز۔ انڈین نیشنل کانگریس کے لیڈر راہل گاندھی نے ایک بار پھر الیکشن کمیشن کو نشانہ بنایا۔ انہوں نے الیکشن کمیشن پر جانبداری کا الزام لگایا۔ راہل گاندھی نے یہ بات پارٹی کو مضبوط کرنے کی مہم کے تحت کانگریس کے ضلع صدور کے تربیتی کیمپ میں اپنے خطاب کے دوران کہی۔ انہوں نے پارٹی کی ضلعی اکائیوں کے سربراہوں کو یقین دلایا کہ انتخابات کے لئے امیدواروں کا انتخاب کرتے وقت ان کی رائے پر بھی غور کیا جائے گا۔ کانگریس لیڈر نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ آپ کو بتاتے چلیں کہ 2027ء کے ریاستی اسمبلی انتخابات کے پیش نظر کانگریس نے آنند شہر کے قریب ایک ریزورٹ میں ضلع پارٹی کمیٹیوں کے نو منتخب صدور کے لئے ایک کیمپ کا انعقاد کیا ہے۔ کانگریس کے مشن 2027ء کے لئے بلیو پرنٹ تیار کرنے کے مقصد سے منعقد کیا گیا یہ کیمپ 28 جولائی کو اختتام پذیر ہوگا۔
وہیں گجرات کانگریس کے سربراہ امت چاوڑا نے میٹنگ کے بعد بتایا کہ راہل گاندھی نے ضلعی صدور کی رہنمائی کی اور یقین دلایا ہے کہ پارٹی قیادت پوری طرح کارکنوں کے ساتھ ہے۔ اسی سلسلے میں راجکوٹ ضلع کانگریس کے سربراہ راجدیپ سنگھ جڈیجہ نے کہا کہ راہل گاندھی نے عوام سے متعلق مسائل اٹھانے کی ہدایت دی۔ انہوں نے یقین دلایا کہ مختلف انتخابات کے لئے امیدواروں کے انتخاب سے قبل شہر اور ضلعی اکائیوں کے سربراہوں سے بات چیت کی جائے گی۔ اس کے علاوہ ایک اور لیڈر نے کہا کہ راہل گاندھی نے کرکٹ کی اصطلاحات کا استعمال کرتے ہوئے الیکشن کمیشن پر "متعصب امپائر" ہونے کا الزام لگایا، جس کی وجہ سے کانگریس انتخابات ہار رہی ہے۔
ایک دن کشمیر میں آزادی کی اذان ضرور گونجے گی، مشعال ملک