امریکی صدر کی ایران کو دھمکی: مہلک ہتھیار اسرائیل پہنچ رہے ہیں
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن:امریکی صدر ڈونلڈ ٹرمپ نے ایران کوایک بار پھر دھمکی دیتے ہوئے کہا ہے کہ اگلے حملے پہلے سے کہیں زیادہ سفاکانہ اور ہلاکت خیز ہوں گے، امریکا کے دنیا کے مہلک ترین ہتھیاروں کی بڑی مقدار اسرائیل پہنچ رہی ہے اور مزید بھیجے جا رہے ہیں۔
عالمی میڈیا رپورٹس کےمطابق صدر ٹرمپ نے کہا کہ میں نے ایران کو بار بار موقع دیا کہ وہ معاہدہ کر لے اور انہیں انتہائی واضح الفاظ میں کہا ‘بس کر لو’، لیکن انہوں نے بارہا کی کوششوں اور قریب آنے کے باوجود کوئی معاہدہ نہیں کیا۔
انہوں نے ایران کو مخاطب کرتے ہوئے کہا کہ آنے والے لمحات ایران کی توقعات، علم اور سمجھ سے کہیں زیادہ سنگین ہوگا،امریکا دنیا کے سب سے جدید اور مہلک ہتھیار تیار کرتا ہے اور اسرائیل کے پاس ان کی بڑی تعداد موجود ہے، مزید بھی پہنچ رہے ہیں اور اسرائیلی ان ہتھیاروں کو استعمال کرنا بخوبی جانتے ہیں۔
ٹرمپ نے کہا کہ کچھ ایرانی سخت گیر رہنما بہادری سے بولے ضرور، لیکن انہیں اندازہ نہیں تھا کہ ان کے ساتھ کیا ہونے والا ہے اور اب وہ سب مر چکے ہیں اور صورتحال مزید خراب ہوگی، اب تک بہت زیادہ خونریزی اور تباہی ہو چکی ہے، لیکن یہ بھی اشارہ دیا کہ اس “قتل عام” کو روکا جا سکتا ہے،انہوں نے خبردار کیا کہ مستقبل کے حملے کہیں زیادہ تباہ کن ہوں گے۔
صدر ٹرمپ نے ایران پر زور دیا کہ وہ جلدی سے معاہدہ طے کرے “اس سے پہلے کہ کچھ باقی نہ بچے، اور اس تاریخی سرزمین پر جو کچھ بچا ہے، اسے بچایا جا سکے، جسے کبھی فارسی سلطنت کہا جاتا تھا۔
انہوں نے ایران کو مخاطب کرتے ہوئے مزید کہا کہ اب مزید موت نہیں، مزید تباہی نہیں، بس کر لو، اس سے پہلے کہ بہت دیر ہو جائے۔ خدا آپ سب کا حافظ۔
.ذریعہ: Jasarat News
کلیدی لفظ: نے ایران کو انہوں نے کہا کہ
پڑھیں:
امریکی شہریت کا حصول مزید مشکل: ٹیسٹ سخت کر دیا گیا، کیا تبدیل ہوا؟
امریکا کی شہریت کا حصول مزید مشکل ہوگیا کیوں کہ امریکی حکومت نے شہریت کے خواہش مند افراد کے لیے سوک ٹیسٹ کو مزید سخت کر دیا۔
یہ بھی پڑھیے: امریکی شہریت اب صرف پیدائش سے نہیں ملے گی، سپریم کورٹ نے ڈونلڈ ٹرمپ کے حق میں فیصلہ دیدیا
صدر ڈونلڈ ٹرمپ کی انتظامیہ نے امیگریشن کے عمل کو مزید کڑا بنانے کے تحت اس ٹیسٹ میں متعدد نئی تبدیلیاں کی ہیں جس سے شہری بننے کا عمل خاصا مشکل ہو گیا ہے۔
سی بی ایس نیوز کے مطابق یہ نیا سوک ٹیسٹ دراصل سنہ 2020 میں صدر ٹرمپ کے پہلے دور حکومت میں متعارف کروایا گیا تھا جسے بعد میں صدر جو بائیڈن کی انتظامیہ نے انتہائی بوجھل قرار دے کر واپس لے لیا تھا۔ اب ٹرمپ انتظامیہ نے اسی ٹیسٹ کو دوبارہ بحال کر دیا ہے۔
نئے ٹیسٹ میں کیا تبدیلی لائی گئی ہے؟پہلے امیدواروں کو 100 سوالات میں سے صرف 10 پوچھے جاتے تھے جن میں سے 6 کے درست جواب دینا کافی ہوتا تھا۔
مزید پڑھیے: 50 لاکھ ڈالرز کا ’گولڈ کارڈ‘ خریدیں، امریکی شہریت حاصل کریں، ڈونلڈ ٹرمپ کا نیا منصوبہ
اب نئے ٹیسٹ میں امیدواروں کو 128 سوالات پر مشتمل مواد سے تیاری کرنی ہوگی اور ان میں سے 20 سوالات پوچھے جائیں گے جن میں سے کم از کم 12 درست جوابات دینا ہوں گے۔
یہ ٹیسٹ زبانی طور پر لیا جاتا ہے اور سوالات ملٹی پل چوائس والے نہیں ہوتے بلکہ اکثر کے متعدد درست جوابات بھی ہو سکتے ہیں۔
دیگر شرائط کیا ہیں؟شہریت کے لیے درخواست دینے والے افراد کو کم از کم 3 یا 5 سال تک امریکا میں قانونی طور پر مستقل رہائش پذیر ہونا چاہیے (کیس کے مطابق)، انگریزی پڑھنے، لکھنے اور بولنے کی صلاحیت دکھانی ہوگی اور امریکی تاریخ، سیاسی نظام اور قانون کی بنیادی سمجھ بھی ضروری ہے جس کا اندازہ اسی سِول ٹیسٹ سے لگایا جاتا ہے۔
بزرگ افراد کے لیے نرمیجو افراد 65 سال یا اس سے زائد عمر کے ہیں اور امریکا میں 20 سال سے زیادہ عرصے سے مقیم ہیں ان کے لیے صرف 20 سوالات پر مشتمل محدود مواد سے ٹیسٹ دینا ہوگا۔ وہ ٹیسٹ اپنی پسندیدہ زبان میں دے سکتے ہیں۔
امیدوار کو دوسری بار ٹیسٹ دینے کا موقع دیا جاتا ہے۔ اگر وہ دوبارہ بھی ناکام ہو جائے تو اس کی شہریت کی درخواست مسترد کر دی جاتی ہے۔
یہ اقدام ٹرمپ انتظامیہ کی امیگریشن پالیسیوں میں سختی کی ایک اور مثال ہے جس کے تحت قانونی امیگریشن کے عمل کو بھی مزید کٹھن بنایا جا رہا ہے۔
مزید پڑھیں: امریکیوں کی اکثریت نے ٹرمپ کی امیگریشن پالیسیوں کو مسترد کر دیا
ناقدین کا کہنا ہے کہ یہ سختیاں کم تعلیم یافتہ یا بزرگ تارکین وطن کے لیے رکاوٹ بن سکتی ہیں جبکہ حامیوں کے مطابق اس سے امریکی شہریت کا معیار بلند ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی شہریت امریکی شہریت کا حصول مشکل امریکی شہریت کے ٹیسٹ میں تبدیلی امریکی شہریت کے لیے ٹیسٹ
وزیراعظم کا ٹیکس دہندگان کو کاروبار دوست ماحول دینے اور ٹیکس چوروں کو پکڑنے کا حکم