اسرائیل نے امریکی صحافی کو ایرانی حملے کی کوریج سے روک دیا
اشاعت کی تاریخ: 14th, June 2025 GMT
اسرائیلی سکیورٹی اہلکاروں نے امریکی میڈیا کے صحافی کو ایران کے میزائل حملے کی تل ابیب میں کوریج سے روک دیا۔
ایران اور اسرائیل کے درمیان جاری کشیدگی نے شدت اختیار کرلی ہے، ایران نے ہفتہ کی صبح اسرائیل پر پانچواں بڑا میزائل حملہ کر دیا۔ تازہ حملے میں درجنوں میزائل داغے گئے، ایران کی جانب سے اسرائیل کے دارالحکومت تل ابیب میں میزائلوں کی بارش کی گئی، ایرانی حملوں کے نتیجے میں 4 اسرائیلی ہلاک اور 63 سے زائد زخمی ہوئے ہیں جب کہ صہیونی ریاست کے 2 جدید ترین ایف 35 اسٹیلتھ جنگی طیارے بھی مار گرانے۔
اس حوالے سے سامنے آنے والی ویڈیو میں دیکھا جاسکتا ہےکہ مذکورہ رپورٹر ایران کی جانب سے کیے گئے حملے کے بعد متاثرہ علاقے کی براہ راست کوریج کرنے کے لیے پہنچا تھا۔
اس موقع پر اسرائیلی سکیورٹی اہلکاروں نے صحافی کو وہاں سے لائیو کوریج میں حملے سے ہونے والے نقصانات دکھانے سے روک دیا۔
WATCH: Iran struck The Kirya compound, which is the Israeli equivalent to the U.
But Israeli forces tried to keep the reporter from filming and showing the truth—like they always do. pic.twitter.com/Bw4SdEfJXk — Fiorella Isabel (@FiorellaIsabelM) June 14, 2025
ذریعہ: Express News
پڑھیں:
آتشزدگی کے باعث اسرائیلی ریلوے اسٹیشن ایک بار پھر تعطل کا شکار
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسلام ٹائمز۔ عبرانی ذرائع ابلاغ کے مطابق اسرائیلی ریلوے کمپنی نے اعلان کیا ہے کہ تل ابیب ریلوے اسٹیشن کے قریب زبردست آتشزدگی کے باعث ٹرینوں کی روانگی میں کئی تاخیر ہوئی ہے اور تل ابیب کے علاقے میں کچھ ٹرینوں کی نقل و حرکت میں تبدیلیاں آئی ہیں۔ مقامی فائر فائٹرز نے کہا ہے کہ فی الحال ان کا بنیادی مقصد ریلوے لائنوں کے نزدیک لگنے والی آگ کو پھیلنے سے روکنا ہے، کیونکہ اس سے ریلوے کے بنیادی ڈھانچے کو بھی نقصان پہنچنے کا امکان ہے۔ آگ کی بڑی مقدار کی وجہ سے دونوں سمتوں میں ٹرینیں روک دی گئی ہیں اور ٹریک 1 کو بند کر دیا گیا ہے۔
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسرائیلی ریلوے کمپنی کا کہنا ہے کہ تل ابیب ہگانہ اسٹیشن کے قریب ٹرین کی پٹریوں کے کنارے میں زبردست آگ لگنے کی وجہ سے تل ابیب کے علاقے میں افراتفری پیدا ہوئی اور تمام ٹرینوں کو ری شیڈول کر دیا گیا ہے، جبکہ حکام نے صورتحال کے معمول پر آنے کا وقت بتانے سے گریز کیا ہے۔ آگ لگنے کے بعد یروشلم سے تل ابیب جانے والی تمام ٹرینوں کو لود اسٹیشن پر روک دیا گیا اور مسافروں کو اتار دیا گیا، انہیں بس کے ذریعے باقی راستے کا سفر کرنا پڑا۔
عبرانی ذرائع ابلاغ نے اعتراف کیا ہے کہ اسرائیل میں ٹرین کی آمدورفت گزشتہ ایک ماہ کے دوران بری طرح متاثر ہوئی ہے، جیسا کہ کچھ عرصہ قبل جب ایک مال بردار ٹرین نے دو مختلف علاقوں میں ٹرینوں کی برقی پریشر کیبلز سے ٹکرا کر لائن پر ٹرینوں کی نقل و حرکت کو مکمل طور پر روک دیا تھا، اور تکنیکی ماہرین کو ٹرینوں کے انجنوں میں سینکڑوں میٹر بجلی کی ترسیل کی کیبلز کو دوبارہ نصب کرنا پڑا اور ان کی مرمت کرنا پڑی۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے