حویلی کہوٹہ میں ن لیگ کا پاور شو: آئندہ حکومت ہم بنائیں گے، شاہ غلام قادر
اشاعت کی تاریخ: 15th, June 2025 GMT
آزاد کشمیر کے ضلع حویلی کہوٹہ میں مسلم لیگ ن نے بھرپور سیاسی شو آف پاور کیا، جس میں عوام کی بڑی تعداد نے شرکت کی۔
جلسہ عام سے خطاب کرتے ہوئے صدر پاکستان مسلم لیگ ن آزاد کشمیر شاہ غلام قادر نے کہاکہ مسلم لیگ ن آزاد جموں و کشمیر میں بھاری اکثریت سے کامیاب ہوگی، ریاست سے سیٹیں جیت کر نواز شریف کو تحفہ میں پیش کریں گے۔
انہوں نے کہاکہ آزاد جموں و کشمیر میں آنے والا وقت پاکستان مسلم لیگ ن کا ہے، حویلی کے عوام محسن عزیز کے ہاتھ مزید مضبوط کریں۔
شاہ غلام قادر نے کہاکہ ایل او سی پر کھڑا ہو کر کہتا ہوں بھارت کو ناکوں چنے چبانے کےلیے کشمیری پاک فوج کے ساتھ ہیں۔
انہوں نے مزید کہاکہ اسرائیل کے ایران پر حملے کی مذمت کرتے ہیں، عالمی برادری اس جارحیت کا نوٹس لے۔
انہوں نے مزید کہاکہ کامیاب جلسہ کروانے پر حویلی کے عوام اور محسن عزیز مبارکباد کے مستحق ہیں۔
جلسہ عام سے خطاب کرتے ہوئے شاہ غلام قادر نے حکومت آزاد کشمیر سے صحت کارڈ بحال کرنے کا مطالبہ بھی کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئندہ حکومت حویلی کہوٹہ سیاسی شو آف پاور شاہ غلام قادر محسن عزیز مسلم لیگ ن وی نیوز.
ذریعہ
ذریعہ: WE News
کلیدی لفظ: ا ئندہ حکومت حویلی کہوٹہ سیاسی شو ا ف پاور شاہ غلام قادر مسلم لیگ ن وی نیوز شاہ غلام قادر مسلم لیگ ن
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ