وزیراعظم محمد شہباز شریف سے رکنِ قومی اسمبلی ملک ابرار احمد کی ملاقات
اشاعت کی تاریخ: 16th, June 2025 GMT
اسلام آباد: وزیراعظم محمد شہباز شریف سے رکنِ قومی اسمبلی ملک ابرار احمد نے ملاقات کی۔
ملاقات میں ملک ابرار احمد نے وزیراعظم کو مشکل معاشی حالات کے باوجود ایک عوام دوست اور فلاحی بجٹ پیش کرنے پر مبارکباد دی اور اس کی منظوری کے حوالے سے اپنی مکمل حمایت اور تائید کا یقین دلایا۔
ملک ابرار احمد نے راولپنڈی کینٹ کے عوامی مسائل، بالخصوص پینے کے صاف پانی کی فراہمی اور صحت کی سہولیات کے فقدان کے حوالے سے وزیراعظم کو تفصیلی طور پر آگاہ کیا۔ انہوں نے ان مسائل کے فوری حل کی ضرورت پر زور دیا۔
وزیراعظم شہباز شریف نے ان تمام مسائل کا نوٹس لیتے ہوئے جلد از جلد حل کی یقین دہانی کرائی اور متعلقہ حکام کو ہدایات جاری کرنے کا وعدہ کیا۔
ملک ابرار احمد نے اس اعتماد کا اظہار کیا کہ وزیراعظم کی قیادت میں ملک نہ صرف معاشی اور دفاعی اعتبار سے مستحکم ہو رہا ہے، بلکہ عوامی مسائل کو بھی سنجیدگی سے حل کیا جا رہا ہے۔
Post Views: 2.ذریعہ: Daily Mumtaz
کلیدی لفظ: ملک ابرار احمد نے
پڑھیں:
پاکستان امت مسلمہ کی واحد امید ہے، اسپیکر قومی اسمبلی
اسلام آباد(نیوز ڈیسک)اسپیکر قومی اسمبلی سردار ایاز صادق نے پاکستان اور سعودی عرب کے درمیان حالیہ دفاعی معاہدے کا خیرمقدم کرتے ہوئے کہا ہے کہ یہ معاہدہ دونوں ممالک کے تعلقات میں نئے باب کا آغاز ہے۔ انہوں نے کہا کہ پوری قوم وزیراعظم محمد شہباز شریف اور فیلڈ مارشل عاصم منیر کی بصیرت اور قیادت پر فخر کرتی ہے۔
اسپیکر قومی اسمبلی نے اپنے بیان میں دونوں ممالک کے سربراہان اور عوام کو دل کی گہرائیوں سے مبارکباد پیش کی۔ ان کا کہنا تھا کہ پاکستان کی حکومت اور عوام خادم حرمین الشریفین کو ہمیشہ قدر کی نگاہ سے دیکھتے ہیں اور مقامات مقدسہ کے تحفظ اور سعودی عرب کی سلامتی میں کردار ادا کرنا پاکستان کے لیے باعثِ فخر ہے۔
انہوں نے کہا کہ سعودی عرب نے ہمیشہ پاکستان کے لیے ایک مخلص دوست اور بھائی کا کردار ادا کیا ہے اور حالیہ دفاعی معاہدہ اس دوستی کو مزید مستحکم کرنے کی نشانی ہے۔ اسپیکر نے زور دیا کہ پاکستان اور سعودی عرب اسلام اور امن کی مشترکہ طاقت ہیں اور ان کا اتحاد ناقابلِ شکست ہے، جو ان شاء اللہ ہمیشہ قائم رہے گا۔
سردار ایاز صادق کا کہنا تھا کہ وزیراعظم محمد شہباز شریف نے سعودی ولی عہد و وزیراعظم شہزادہ محمد بن سلمان کے ساتھ اعتماد اور بھائی چارے کی نئی بنیاد رکھی ہے، جو دونوں ممالک کی عوام کے مستقبل کے لیے خوش آئند ثابت ہوگی۔ ان کے مطابق یہ معاہدہ نہ صرف پاکستان کے دفاع کو مضبوط بنائے گا بلکہ خطے میں امن و سلامتی کے فروغ کے لیے بھی ایک تاریخی اقدام ہے۔
انہوں نے مزید کہا کہ پوری پاکستانی قوم اس دفاعی معاہدے پر فخر کرتی ہے اور پاکستان کے دفاع کو ناقابلِ تسخیر بنانے میں فیلڈ مارشل سید عاصم منیر کی کاوشیں قابلِ ستائش ہیں۔ اسپیکر نے کہا کہ امتِ مسلمہ کی واحد امید پاکستان ہے اور یہ ملک ہر قیمت پر امت مسلمہ کا دفاع اور تحفظ یقینی بنائے گا۔
اپنے بیان کے اختتام پر اسپیکر قومی اسمبلی نے کہا کہ وزیراعظم محمد شہباز شریف اور سعودی ولی عہد شہزادہ محمد بن سلمان کی قیادت میں دونوں ممالک ترقی اور خوشحالی کی نئی منازل طے کریں گے۔
Post Views: 5
شاہین آفریدی نے کس کھلاڑی کو مشکل ترین قرار دیا؟