ہوائی جہاز پر مفت سفر کرنے والا پکڑا گیا، وہ یہ ’کمال‘ دکھاتا کیسے تھا؟
اشاعت کی تاریخ: 16th, June 2025 GMT
ویسے تو آپ نے لوگوں کے ٹرینوں میں مفت سفر کرنے کے بارے میں تو سنا ہی ہوگا لیکن شاید آپ کی نظر سے کوئی شاطر شخص نہ گزرا ہو جس نے فضائی سفر کے فری میں مزے لیے ہوں وہ بھی ایک 2 نہیں بلکہ پورے 120 مرتبہ۔
یہ بھی پڑھیں: سانپوں سے کٹواکر مہلک بیماریوں کا علاج، متنازع معالج کے ہاں مریضوں کی ِبھیڑ
یہ ’کارنامہ‘ ایک 35 سالہ امریکی شخص نے انجام دیا ہے اور 120 مرتبہ ہوائی جہاز میں مفت سفر کیا ہے تاہم اب وہ مشکل میں پڑچکا ہے۔
اس شخص نے ہوائی جہاز کے ٹکٹ کی ادائیگی سے بچنے کے لیے خود کو فلائٹ اٹینڈنٹ ظاہر کیا اور 120 مرتبہ اس کی یہ ترکیب کام کر گئی۔ تاہم اب وہ پکڑا جاچکا ہے اور عدالت سے اس کو اس بات پر کڑی سزا سنائی جانے والی ہے۔
وفاقی استغاثہ نے ٹائرون الیگزینڈر پر الزام لگایا کہ وہ جھوٹے بہانے ہوائی اڈے کے محفوظ علاقے میں داخل ہوتا تھا اور سال 2018 اور سال 2024 کے درمیان اس نے کم از کم 120 بار اس فراڈ کا ارتکاب کیا۔
مزید پڑھیے: پہلوانوں کی طرح کھانے والی یوٹیوبر ایک ماڈل جیسی دبلی پتلی، آخر ماجرا کیا ہے؟
الیگزینڈر نامی اس شخص نے ایک مشترکہ ایئر لائن پالیسی کا فائدہ اٹھایا جو دیگر ایئر لائنز کے فلائٹ اٹینڈنٹ اور پائلٹس کو مفت پرواز کرنے کی اجازت دیتی ہے۔
وہ مختلف ایئر لائن کی ویب سائٹس پر جاتا اور آن لائن چیک ان کے عمل کے دوران فلائٹ اٹینڈنٹ کے آپشن کو چیک کرتا۔ فارم میں درخواست دہندگان کو اپنے آجر، نوکری پر لگنے کی تاریخ اور بیج نمبر فراہم کرنے کی ضرورت پڑتی تھی تاہم وہاں وہ تمام معلومات غلط فراہم کرتا اور جس کو ایئرلائن کی جانب سے چیک بھی نہیں کیا جاتا تھا۔
عدالت میں دکھائے گئے شواہد کے مطابق سنہ 2018 سے سنہ 2024 کے درمیان الیگزینڈر نے اٹلانٹا، ڈیلاس، لاس ویگاس اور لاس اینجلس سمیت دیگر مقامات جانے کے لیے 4 مختلف ایئر لائنز پر 120 سے زائد پروازوں کے مفت مزے لیے۔
مزید پڑھیں: 40 کروڑ سبسکرائبرز رکھنے والے یوٹیوبر ’مسٹر بیسٹ‘ شادی کے لیے پیسے ادھار لیں گے!
آن لائن فارم پُر کرتے وقت اس نے دعویٰ کیا کہ اس نے 7 مختلف ایئرلائنز کے لیے کام کیا ہے اور شناختی نمبروں اور معاہدے کی شروعات کی تاریخوں کے تقریباً 30 مختلف امتزاج کا استعمال کیا۔ الیگزینڈر کو اس فراڈ پر مجموعی طور پر 80 برس کی قید کی سزا جبکہ ہوائی اڈے کے محدود علاقوں تک دھوکا دہی سے رسائی پر 10 سال قید کی سزا سنائی جاسکتی ہے۔ الیگزینڈر کو اس معاملے میں سزا 25 اگست کو سنائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جہاز کا مفت سفر فری سفر مفت سفر.ذریعہ: WE News
کلیدی لفظ: جہاز کا مفت سفر مفت سفر ایئر لائن مفت سفر کے لیے
پڑھیں:
نان فائلرز کے لیے خوشخبری: کیش نکلوانے پر ٹیکس سے متعلق اہم نرمی متعارف
data-id="863a0a8" data-element_type="widget" data-widget_type="theme-post-content.default">
اسلام آباد: نان فائلرز کے لیے بینک سے یومیہ کیش نکلوانے کی ٹیکس فری حد بڑھا دی گئی ہے۔ اب نان فائلرز روزانہ 75 ہزار روپے تک کیش نکلوائیں گے تو اس پر کوئی ایڈوانس ٹیکس نہیں کٹے گا۔ اس سے قبل یہ حد 50 ہزار روپے تھی۔
قومی اسمبلی کی قائمہ کمیٹی برائے خزانہ کے اجلاس میں ایف بی آر حکام نے فنانس بل پر بریفنگ دیتے ہوئے کہا کہ 75 ہزار روپے سے زائد کی رقم نکلوانے پر نان فائلرز کے لیے ایڈوانس ٹیکس کی شرح بڑھا دی گئی ہے، جو اب 0.8 فیصد تک ہو گی۔
ایف بی آر حکام کا کہنا تھا کہ ای کامرس کاروبار پر بھی انکم ٹیکس عائد کر دیا گیا ہے۔ کپڑوں کے آن لائن کاروبار پر 2 فیصد، الیکٹرونکس پر 0.5 فیصد جبکہ دیگر آن لائن کاروباروں پر 1 فیصد ٹیکس لاگو ہو گا۔ رجسٹرڈ آن لائن کاروباری افراد اپنی آمدنی پر انکم ٹیکس ادا کرنے کے پابند ہوں گے اور کسٹمرز کے آرڈر بک کرانے پر ان کی بلنگ تفصیلات کو آن لائن ریٹرن تصور کیا جائے گا۔
حکام کے مطابق بینک یا کورئیر سروس ایف بی آر کے مجاز نمائندے کے طور پر کام کریں گے اور ٹیکس کی رقم وصول کر کے جمع کروائیں گے۔ آن لائن کاروبار کرنے والے افراد انکم ٹیکس کی مد میں کسٹمرز سے اضافی رقم نہیں لیں گے۔
ایف بی آر کی جانب سے مزید بتایا گیا کہ پاکستان میں ڈیجیٹل سروسز فراہم کرنے والی کمپنیوں پر ایڈوانس ٹیکس کی شرح میں بھی اضافہ تجویز کیا گیا ہے۔ گوگل، یوٹیوب اور فیس بک سمیت تمام ڈیجیٹل پلیٹ فارمز پر ایڈوانس ٹیکس 10 فیصد سے بڑھا کر 15 فیصد کرنے کی تجویز ہے، تاکہ ان کمپنیوں کو پاکستان میں اپنے دفاتر قائم کرنے پر آمادہ کیا جا سکے۔ اگر یہ کمپنیاں پاکستان میں باقاعدہ دفاتر قائم کرتی ہیں تو ان پر صرف 5 فیصد ٹیکس عائد کیا جائے گا۔
قوم کی محنت سے ملک اب ٹیک آف کی پوزیشن میں آگیا ہے، شہباز شریف