پاکستان اور ایشیائی ترقیاتی بینک کے درمیان ایک ارب ڈالر فنانسنگ کا معاہدہ
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان اور ایشیائی ترقیاتی بینک (اے ڈی بی) کے درمیان ایک ارب ڈالر فنانسنگ کا معاہدہ طے پاگیا۔
وزارت خزانہ کی جانب سے جاری اعلامیے کے مطابق حکومت پاکستان نے پانچ سالہ طویل المدتی فنانسنگ سہولت پر دستخط کر دیے۔
اعلامیے میں کہا گیا ہے کہ وزارتِ خزانہ نے ایک ارب ڈالر کی مشترکہ ٹرم فنانس سہولت پر دستخط کیے، جو ایشیائی ترقیاتی بینک کے پروگرام’امپروڈ ریسورس موبلائزیشن اینڈ یوٹیلائزیشن ریفارم’ کے نظام کے تحت جزوی طور پر ضمانت شدہ ہے۔
وزارت خزانہ کا مزید کہنا تھا کہ دبئی اسلامک بینک نے اس معاہدے میں ’سول اسلامک گلوبل کوآرڈینیٹر‘ کا کردار ادا کیا، جبکہ اسٹینڈرڈ چارٹرڈ بینک ’مینڈیٹڈ لیڈ ارینجر‘ اور ’بُک رنر‘ کے طور پر شامل تھا۔
اسی طرح دیگر مالیاتی اداروں میں ابو ظبی اسلامک بینک (مینڈیٹڈ لیڈ ارینجر)، شارجہ اسلامک بینک، عجمان بینک اور حبیب بینک لمیٹڈ بطور ارینجرز شامل تھے۔
اعلامیے کے مطابق یہ سہولت حکومتِ پاکستان کے لیے ایک اہم اور تاریخی معاہدہ ہے، جو خطے کے ممتاز مالیاتی اداروں کی جانب سے بھرپور اعتماد کا مظہر ہے۔
مزید بتایا گیا ہے کہ یہ پانچ سالہ پروگرام متعدد اقساط پر مشتمل سہولت ہے، جس میں اسلامی اور روایتی (کنونشنل) دونوں طرح کی فنانسنگ شامل ہیں، اسلامی فنانسنگ کو مکمل طور پر ’اکاؤنٹنگ اینڈ آیڈیٹنگ آرگنائزیشن فار اسلامک فنانشل انسٹیٹیوشن کے معیار کے مطابق ترتیب دیا گیا ہے، جو مجموعی فنانسنگ کا 89 فیصد ہے، جبکہ بقیہ 11 فیصد روایتی فنانسنگ پر مشتمل ہے۔
اعلامیے کے مطابق یہ معاہدہ ایشیائی ترقیاتی بینک کی پالیسی پر مبنی ضمانتی سہولت سے معاونت یافتہ پہلا معاہدہ ہے، جو کسی رکن ملک (پاکستان) کی جانب سے کی گئی اصلاحاتی پالیسیوں سے منسلک ہے۔
وزارت خزانہ کا کہنا تھا کہ ایشیائی ترقیاتی بینک کا یہ پروگرام پاکستان کو طویل المدتی مالی استحکام اور مزاحمتی نظام کی تشکیل میں معاونت فراہم کرنے کے لیے ترتیب دیا گیا ہے، اور اس نے پاکستان کی بین الاقوامی کمرشل مارکیٹ میں دوبارہ شمولیت میں مدد کی ہے، جس میں مشرقِ وسطیٰ کے بینکوں کی بھرپور دلچسپی دیکھی گئی۔
اعلامیے کے مطابق تقریباً دو سال اور 6 ماہ بعد پاکستان کی مشرق وسطیٰ کی مالیاتی مارکیٹ میں واپسی اس بات کا مظہر ہے کہ مارکیٹ کا حکومتِ پاکستان پر اعتماد بحال ہو چکا ہے، اور معیشت کے مجموعی اشاریے بہتر ہو رہے ہیں۔
مزید کہا گیا ہے کہ یہ معاہدہ مشرق وسطیٰ کے بینکوں کے ساتھ حکومتِ پاکستان کی نئی شراکت داری کا آغاز بھی ہے۔
.ذریعہ: Jasarat News
کلیدی لفظ: ایشیائی ترقیاتی بینک اعلامیے کے مطابق گیا ہے
پڑھیں:
پاکستان اور امریکا کے درمیان ٹیرف کمی کا معاہدہ خوش آئند ہے: عاطف اکرام شیخ
پاکستان اور امریکا کے درمیان ٹیرف کمی کا معاہدہ خوش آئند ہے: عاطف اکرام شیخ WhatsAppFacebookTwitter 0 31 July, 2025 سب نیوز
اسلام آباد: صدر ایف پی سی سی آئی عاطف اکرام شیخ نے پاکستان اور امریکہ کے درمیان ٹیرف کمی سے متعلق تجارتی معاہدے کو خوش آئند قرار دیا ہے۔ ان کا کہنا ہے کہ یہ معاہدہ دونوں ممالک کے درمیان دوطرفہ تعاون، تجارت اور سرمایہ کاری کے مضبوط تعلقات کی عکاسی کرتا ہے۔
انہوں نے کہا کہ بزنس کمیونٹی معاہدے کیلئے وزیراعظم، وزیر خارجہ، وزیر خزانہ اور دیگر متعلقہ اداروں کے کردار کو سراہتی ہے۔ عاطف اکرام شیخ کے مطابق امریکہ پاکستان کا سب سے بڑا تجارتی پارٹنر ہے اور اس معاہدے سے ملکی برآمدات میں نمایاں اضافہ ہوگا۔
ان کا کہنا تھا کہ معاہدے کے نتیجے میں امریکہ میں پاکستانی مصنوعات پر ٹیرف میں کمی اور منڈیوں تک بہتر رسائی ممکن ہو گی، جو دونوں ملکوں کے درمیان اقتصادی تعاون کے نئے دور کی بنیاد بنے گا۔
عاطف اکرام شیخ نے کہا کہ حکومت کی بہتر معاشی پالیسیوں کے باعث پاکستان کو اہم کامیابیاں حاصل ہو رہی ہیں اور بزنس کمیونٹی ملکی ترقی کیلئے حکومتی اقدامات کی مکمل حمایت جاری رکھے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرراولپنڈی : غیرت کے نام پر 21 سالہ سدرہ کے قتل کیس کی تفتیش میں پیش رفت چین اور امریکہ کو مشاورت کے لیے مزید چینلز قائم کرنے چاہئیں، چینی وزیر خارجہ چین امریکا اقتصادی و تجارتی اختلافات دور کرنے کے لئے ’’90 دن تک توسیع‘‘ کا مطلب ہے کیا؟ اسٹیٹ بینک نے نئے کرنسی نوٹوں کا ڈیزائن منتخب کرلیا آئی ایم ایف کی پاکستان کی اقتصادی شرح نمو حکومتی تخمینوں سے کم رہنے کی پیشگوئی چین کی معیشت اور ترقی کے رجحان پر دنیا کا اعتماد ، سی جی ٹی این کا سروے مزدوروں کی کم ازکم ماہانہ اجرت 40 ہزار روپے مقررCopyright © 2025, All Rights Reserved
رابطہ کریں ہمارے بارے ہماری ٹیم
اسحاق ڈار کا امریکی وزیر خارجہ سے ملاقات میں مسئلہ کشمیر حل کرانے پر زور