غنیٰ علی نے کم عمری میں شادی کیوں کی؟ اداکارہ نے وجہ بتا دی
اشاعت کی تاریخ: 19th, June 2025 GMT
پاکستان شوبز کی اداکارہ غنیٰ علی نے کم عمری میں شادی کو تحفظ کی علامت قرار دے دیا۔
اداکارہ غنیٰ علی نے حال ہی میں ایک پوڈکاسٹ میں شرکت کے دوران اپنی ذاتی زندگی اور شادی سے متعلق خیالات کا اظہار کیا۔ انہوں نے کہا کہ شوبز انڈسٹری سے تعلق رکھنے والے افراد کے لیے شادی ایک قسم کا تحفظ فراہم کرتی ہے، کیونکہ شادی کے بعد انہیں معاشرتی طور پر زیادہ عزت دی جاتی ہے۔
اداکارہ کے مطابق وہ 26 سال کی عمر میں تنہائی محسوس کرنے لگی تھیں اور دل سے کسی ہمسفر کی دعا کرتی تھیں۔ غنیٰ علی نے بتایا کہ اللّٰہ نے ان کی دعا سن لی اور انہیں ایسا جیون ساتھی عطا کیا جس کے ساتھ وہ خوشی سے زندگی گزار رہی ہیں اور خود کو بےحد محفوظ محسوس کرتی ہیں۔
انہوں نے مزید کہا کہ ان کے شوہر ہمیشہ انہیں اس بات کی تلقین کرتے ہیں کہ اگر عورت اپنی حدود کا خیال رکھے تو معاشرہ بھی اس کی عزت کرتا ہے۔ اداکارہ کے مطابق خواتین کو اپنی عزت خود بنانی پڑتی ہے اور ہر وقت ہر تقریبات یا محفلوں میں شرکت کرنا ضروری نہیں ہوتا۔
غنیٰ علی نے اس بات پر زور دیا کہ وقار اور اخلاقیات ہر عورت کی پہچان ہونی چاہیے، یہی طرزِ زندگی عزت اور تحفظ کا باعث بنتا ہے۔
Post Views: 2.ذریعہ: Daily Mumtaz
کلیدی لفظ: علی نے
پڑھیں:
لاہور میں پسند کی شادی کرنے پر میاں بیوی کو قتل کر دیا گیا
data-id="863a0a8" data-element_type="widget" data-widget_type="theme-post-content.default">
لاہور کے علاقے کاہنہ میں پسند کی شادی کرنے والے جوڑے کو گھر میں گھس کر بے دردی سے قتل کر دیا گیا۔
پولیس کے مطابق آہلو روڈ پر واقع ایک کرائے کے مکان میں یہ افسوسناک واقعہ اس وقت پیش آیا جب نامعلوم حملہ آوروں نے میاں بیوی پر اندھا دھند فائرنگ کر کے موقع پر ہی ہلاک کر دیا اور فرار ہو گئے۔
مقتولین کی شناخت سفینہ اور پیر محمد کے نام سے ہوئی ہے، جو حال ہی میں یہاں منتقل ہوئے تھے۔ ابتدائی تفتیش میں انکشاف ہوا ہے کہ دونوں نے اپنی مرضی سے شادی کی تھی، جس پر اہل خانہ کی جانب سے ناراضگی کا سامنا تھا۔
پولیس حکام کا کہنا ہے کہ واردات کے محرکات جاننے کے لیے مالک مکان سے پوچھ گچھ کی جا رہی ہے، جب کہ شبہ ظاہر کیا جا رہا ہے کہ یہ قتل پسند کی شادی کے باعث دشمنی کا شاخسانہ ہو سکتا ہے۔
حکام نے ملزمان کی تلاش کے لیے علاقے میں سی سی ٹی وی فوٹیج سمیت دیگر شواہد اکٹھے کر لیے ہیں اور تفتیش کا دائرہ مزید وسیع کر دیا گیا ہے۔
اینٹوں کے بھٹے میں موجود پانی والے گڑھے میں گر کر ایک شخص جاں بحق