سابق ایرانی ولی عہد رضا پہلوی کا یہودیوں کے مقدس مقام ’دیوار گریہ‘ کا دورہ، ویڈیو وائرل
اشاعت کی تاریخ: 19th, June 2025 GMT
سابق ایرانی ولی عہد رضا پہلوی کی یہودیوں کے مقدس مقام ’دیوار گریہ‘ کے دورے کی ویڈیو وائرل ہوگئی جب کہ سوشل صارفین اس پر رد عمل دیتے ہوئے ایران کے خلاف اسرائیلی جارحیت کو حکومت کی تبدیلی کا حربہ قرار دے رہے ہیں۔
ایران اسرائیل تنازع کے دوران ایران کے سابق ولی عہد رضا پہلوی کی سرگرمیاں اچانک سوشل میڈیا پر سامنے آنے لگی ہیں۔
وائرل ویڈیو میں رضا پہلوی مقبوضہ بیت المقدس کے دورے پر نظر آئے جہاں وہ یہودیوں کے مقدس مقام دیوار گریہ پر بھی پہنچے۔
https://cdn.
بعد ازاں سوشل میڈیا پر جاری اپنے ایک بیان میں رضا پہلوی نے دعویٰ کیا کہ ملک فیصلہ کن مرحلے میں داخل ہو چکا اور موجودہ نظام کے خاتمے کے بعد عبوری حکومت کا خاکہ تیار کر لیا گیا ہے۔ ان کا کہنا ہے کہ ایرانی سپریم لیڈر آیت اللہ علی خامنہ ای نے کنٹرول کھو دیا ہے اور اسلامی جمہوریہ ایران کا خاتمہ قریب ہے۔
ایران کے سابق بادشاہ محمد رضا پہلوی کے صاحبزادے رضا پہلوی نے کہا کہ ایرانی عوام کو اسلامی جمہوریہ کے خاتمے کے بعد کے دور سے متعلق فکر مند ہونے کی ضرورت نہیں، کیونکہ ایک مکمل منصوبہ تیار ہے۔
انہوں نے واضح کیا کہ خامنہ ای کے بعد ملک میں 100 دن کی عبوری حکومت قائم کی جائے گی، جس کے بعد قومی جمہوری حکومت کی تشکیل عمل میں لائی جائے گی۔ ان کا کہنا تھا کہ عبوری دور کے لیے تمام انتظامات مکمل کر لیے گئے ہیں تاکہ ملک کو استحکام کی راہ پر ڈالا جا سکے۔
سابق ولی عہد نے فوج اور قانون نافذ کرنے والے اداروں سے اپیل کی کہ وہ ایسی حکومت کی حمایت نہ کریں جو عوام میں اپنی ساکھ کھو چکی ہے اور جس کا انجام قریب ہے۔
The Islamic Republic has come to its end and is collapsing. What has begun is irreversible. The future is bright, and together we will turn the page of history. Now is the time to stand up; the time to reclaim Iran. May I be with you soon. pic.twitter.com/qrbnDmf8SX
— Reza Pahlavi (@PahlaviReza) June 17, 2025
ذریعہ: Express News
کلیدی لفظ: رضا پہلوی ولی عہد کے بعد
پڑھیں:
ایران میں حکومت کی ممکنہ تبدیلی کے بعد کا نقشہ کیا ہوگا؟ رضا پہلوی کا اہم بیان سامنے آگیا
ایران کے سابق بادشاہ محمد رضا پہلوی کے بیٹے رضا پہلوی نے ایران میں حکومت کے ممکنہ خاتمے کے بعد کے سیاسی منظرنامے کے لیے اپنا منصوبہ عوام کے سامنے پیش کر دیا۔
سماجی رابطے کی ویب سائٹ ’ایکس‘ (سابقہ ٹوئٹر) پر جاری اپنے تازہ بیان میں رضا پہلوی نے کہاکہ ایرانی عوام کو موجودہ نظامِ حکومت کے خاتمے کے بعد کی صورتحال پر فکرمند ہونے کی ضرورت نہیں، کیونکہ ان کے پاس مستقبل کے ایران کے لیے ایک جامع منصوبہ موجود ہے۔
My Fellow Countrymen,
The Islamic Republic has reached its end and is in the process of collapsing. Khamenei, like a frightened rat, has gone into hiding underground and has lost control of the situation. What has begun is irreversible. The future is bright, and together, we… https://t.co/XEyL5IM05t
— Reza Pahlavi (@PahlaviReza) June 17, 2025
انہوں نے کہا کہ ہم نے ابتدائی 100 دنوں کے لیے ایک عبوری حکومت اور اس کے بعد ایک قومی جمہوری حکومت کے قیام کی تیاری کر رکھی ہے تاکہ ملک میں سیاسی استحکام، آزادی اور جمہوریت کی بنیاد رکھی جا سکے۔
رضا پہلوی نے ایرانی فوج اور قانون نافذ کرنے والے اداروں کے اہلکاروں کو بھی پیغام دیا کہ وہ ایسی حکومت کی حمایت میں عوام کے خلاف کھڑے نہ ہوں جس کا اختتام قریب آ چکا ہے۔
ان کا کہنا تھا کہ اب وقت آ گیا ہے کہ ایران کے سپاہی اور اہلکار عوام کا ساتھ دیں، نہ کہ ایک ایسے زوال پذیر نظام کا جو ان کے اپنے ملک کے لیے بھی نقصان دہ بن چکا ہے۔
یہ بیان ایسے وقت میں سامنے آیا ہے جب ایران کے اندرونی حالات کشیدگی کا شکار ہیں اور بیرونی سطح پر بھی دباؤ میں اضافہ ہو رہا ہے۔ رضا پہلوی طویل عرصے سے بیرون ملک سے ایران میں جمہوری نظام کے قیام کے لیے سرگرم ہیں اور حالیہ عرصے میں ان کے بیانات میں ایران کے اندر ممکنہ تبدیلی کے حوالے سے اعتماد میں اضافہ دیکھا جا رہا ہے۔
سیاسی مبصرین کا ماننا ہے کہ رضا پہلوی کا یہ بیان ایران میں عوامی بے چینی اور عالمی دباؤ کے تناظر میں ایک اہم سیاسی پیغام ہے، جس کا مقصد داخلی اداروں کو نئی سمت دکھانا اور ممکنہ عبوری دور حکومت کے لیے ذہن سازی کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران اسرائیل جنگ رضا پہلوی سابق بادشاہ ایران محمد رضا پہلوی ولی عہد وی نیوز
26ویں ترمیم سے پوری عدلیہ کو چھٹی پر بھیج دیا گیا ہے، عالیہ حمزہ