کیمبرج نے 3 امتحانی پرچوں کے کچھ حصے آوٹ ہونے کی تصدیق کردی، رپورٹ وزارت تعلیم کو ارسال
اشاعت کی تاریخ: 19th, June 2025 GMT
---فائل فوٹو
کیمبرج نے امتحانی پرچے لیک ہونے کی تحقیقات مکمل کر کے رپورٹ وفاقی وزارتِ تعلیم کو ارسال کردی جس میں کہا گیا ہے کہ تحقیقات میں بدعنوانی کے کچھ معتبر ثبوت ملے ہیں۔
تحقیقاتی رپورٹ میں کہا گیا ہے کہ تین امتحان کے حصے امتحان سے کچھ دیر قبل شیئر کیے گئے تھے۔ AS&A لیول کا ریاضی کا پرچہ 12 جس کا امتحان سے پہلے ایک سوال لیک ہو گیا تھا۔
اے ایس اور اے لیول کا ریاضی کا پرچہ 42 جس کے دو سوالات کے حصے پہلے لیک ہو گئے تھے۔
اے ایس اور اے لیول کمپیوٹر سائنس پیپر 22 کا ایک سوال کے کچھ حصے لیک ہوئے تھے۔
رپورٹ میں مزید کہا گیا ہے کہ امتحان لینے سے پہلے تینوں صورتوں میں، ہمیں کوئی ثبوت نہیں ملا کہ پورا پرچہ پہلے سے وائرس کر دیا گیا تھا۔
کیمبرج کے امتحانی پرچے آوٹ ہونے کا معاملہ قومی اسمبلی کی قائمہ کمیٹی برائے تعلیم نے اٹھالیا ہے اور اس معاملے پر ایک زیلی کمیٹی قائم کردی ہے۔
رپورٹ کے مطابق تینوں صورتوں میں یعنی منصفانہ نتائج کو یقینی بنانا، دھوکا دہی کو بے اثر کرنے میں کیمبرج پیپرز کو معمول کے مطابق نشان زد کرے گا لیکن سوالات میں رعایت دے گا اور ہم ان سوالات کے لیے تمام امیدواروں کو مکمل نمبر دیں گے جبکہ یہ نقطۂ نظر امیدواروں کے کل نمبروں کو اوپر کی طرف دھکیلنے کا رجحان ہوگا اور اس کا حساب اس وقت لیا جائے گا جب ہم نتائج کا اعلان کریں۔
رپورٹ میں کہا گیا کہ طلبہ کے گریڈز وہ ہوں گے جو ہم دیں گے، یہ اقدام امیدواروں کو ممکنہ پریشانی سے بچائے گا کہ انہیں امتحانات کو دوبارہ دینا یا نتائج کا انتظار کرنا ہے۔
رپورٹ میں کہا گیا کہ پرچے چوری کرنے والوں کے خلاف سخت کارروائی کی جائے گی۔
دوسری جانب کیمبرج سسٹم کی پاکستانی ڈائریکٹر نے کہا ہے کہ بہت سے لوگوں نے مایوسی کا اظہار کیا، اس چوری کا سب سے بڑا شکار نوجوان ہیں جنہیں کافی نقصان اٹھانا پڑا ہے اور وہ پریشان ہوئے ہیں۔
انہوں نے کہا کہ ہم اسکولز، طلبہ اور ان کے اہلخانہ کے بہت مشکور ہیں جنہوں نے کیمبرج کو مکمل تحقیقات کرنے کی اجازت دی اور صبر کیا۔
.
ذریعہ
ذریعہ: Jang News
کلیدی لفظ: میں کہا گیا رپورٹ میں
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
پاکستان نے ورلڈ کپ 2028 کیلیے براہ راست کوالیفائی کر لیا