علماء محرم میں امن وامان کیلئے کردار ادا کریں‘ڈاکٹرراغب حسین نعیمی
اشاعت کی تاریخ: 20th, June 2025 GMT
لاہور (اُردو پوائنٹ اخبارتازہ ترین - این این آئی۔ 20 جون2025ء)چیئرمین اسلامی نظریاتی کونسل علامہ ڈاکٹرمحمدراغب حسین نعیمی نے کہاہے کہ علماء محرم میں امن وامان کیلئے کردار ادا کریں ، آئمہ وخطباء اورواعظین محراب ومنبر سے قومی یکجہتی کوفروغ دیں، محرم الحرام ہمیں امن اور صبر کا سبق دیتا ہے،ملک میں فرقہ واریت کو ہوا دینے عناصر پر کڑی نظر رکھنی ہوگی اور ہمیں اپنا کردار ادا کرنا ہوگا ملک پہلے ہی دہشت گردی کی لپیٹ میں ہے مزید ملک میں امن و امان کے قیام کے لیے بہترین حل تلاش کرناہوگا۔
پاکستان کے دشمن ملک میں انتشار اور فرقہ واریت پھیلانا چاہتے ہیں،علماء کرام خطباء اور مصنفین اپنی تقریروں اور تحریروں میں توازن و اعتدال پیدا کریں اور ایسے اشتعال انگیز بیانات اورتحریروں سے پر ہیز کریں جن سے دوسروں کی دل آزاری ہو سکتی ہو۔(جاری ہے)
ان خیالات کااظہار انہوں نے جامعہ نعیمیہ میں جمعة المبارک کے اجتماع سے خطاب کرتے ہوئے کیا۔
انہوں نے مزید کہاکہ محرم الحرام حرمت والا مہینہ ہے اور یہ مہینہ انسانی تاریخ میں عظیم قربانیوں سے عبارت ہے اور ملت اسلامیہ پرمحرم الحرام کا احترام ہر حال میں لازم ہے۔انہوں نے کہا کہ محر م الحرام کا مہینہ مسلم امہ کو مسلکی اور فقہی تضادات میں الجھنے کے بجائے ایک دوسرے کے عقائد اور مسالک کے احترام کا درس دیتا ہے اور محرم الحرام کے مہینے کی حرمت پامال کرنے والے عناصر کسی طرح بھی مسلم امہ کے دوست نہیں ہوسکتے۔دفاع وطن اور قیام امن کے لئے پوری قوم افواج پاکستان اور اداروں کے شانہ بشانہ کھڑی ہے اور وقت آنے پر ہراول دستے کا کردار ادا کرئے گی۔.ذریعہ: UrduPoint
کلیدی لفظ: تلاش کیجئے محرم الحرام ہے اور
پڑھیں:
محرم الحرام 2025ء، ایس ایس پی حیدرآباد کا انتظامات اور سیکورٹی پلان مرتب دینے کے لئے اجلاس
اجلاس سے خطاب میں ایس ایس پی حیدرآباد عدیل حسین چانڈیو نے خطاب کرتے ہوئے کہا کہ محرم الحرام کے دوران عزاداروں کو مکمل سیکورٹی فراہم کی جائے گی اور مجالس، ماتمی جلوسوں، امام بارگاہوں سمیت مساجد اور عبادت گاہوں کی مکمل مانیٹرنگ کرنے کے ساتھ حفاظتی اقدامات کو یقینی بنایا جائے گا۔ اسلام ٹائمز۔ ایس ایس پی حیدرآباد عدیل حسین چانڈیو کی سربراہی میں محرم الحرام 2025ء کے حوالے سے انتظامات اور سیکورٹی پلان مرتب دینے کے لئے اہم اجلاس ہوا، جس میں ضلع کے تمام ڈی ایس پی و ایس ایچ اوز اور انچارج ڈی آئی بی انسپکٹر جنید عباسی و دیگر شریک ہوئے۔ اجلاس میں علماء کرام و رہنماؤں، جلوس و مجالس کے منتظمین، ذمہ داروں نے خصوصی شرکت کی۔ اجلاس میں شریک علماء کرام، رہنماؤں، جلوس و مجالس کے منتظمین و ذمہ داروں نے محرم الحرام کے دوران حیدرآباد پولیس کی جانب سے سیکیورٹی انتظامات کے حوالے سے اظہار خیال کیا اور اپنے مسائل اور مشوروں سے ایس ایس پی حیدرآباد کا آگاہ کیا۔
ایس ایس پی حیدرآباد عدیل حسین چانڈیو نے خطاب کرتے ہوئے کہا کہ محرم الحرام کے دوران عزاداروں کو مکمل سیکورٹی فراہم کی جائے گی اور مجالس، ماتمی جلوسوں، امام بارگاہوں سمیت مساجد اور عبادت گاہوں کی مکمل مانیٹرنگ کرنے کے ساتھ حفاظتی اقدامات کو یقینی بنایا جائے گا۔ عدیل حسین چانڈیو نے کہا کہ محرم الحرام میں سہولتیں فراہم کرنے اور مذہبی ہم آہنگی برقرار رکھنے کیلئے تمام مکاتب فکر کے لوگوں کو مل کر امن وامان کی صورت حال کو برقرار رکھنا ہے، محرم الحرام کا مہینہ ہمیں قربانی، برداشت، بھائی چارہ اور اخوت قائم رکھنے کا درس دیتا ہے۔
ایس ایس پی حیدرآباد نے تمام ایس ڈی پی اوز، ایس ایچ اوز، اور ڈی آئی بی انچارج کو خصوصی ہدایات جاری کی کہ محرالحرام کے دوران تمام ماتمی جلوسوں اور مجالس کے بہترین انتظامات کئے جائیں، محرالحرام کے دوران رینجرز کے ساتھ شہر کے تمام بس اسٹاپز، گیسٹ ہاسز، ہوٹلز اور مسافر خانوں پر سرچ/کومبنگ آپریشن کریں گے۔ ایس ایس پی حیدرآباد نے کہا کہ محرم الحرام کے دوران پولیس کی جانب سے کنٹرول روم قائم کیا جائے گا جہاں کسی بھی مسئلے کے حل کیلئے 24 گھنٹے افسران موجود ہوں گے، امن و امان کی صورتحال کو برقرار رکھنا اور سیکورٹی فراہم کرنا ہماری اولین ترجیحات میں شامل ہے جس پر کوئی سمجھوتہ نہیں کیا جا سکتا۔
ایران پر اسرائیلی حملے میں ہمارا کوئی کردار نہیں: امریکا کی وضاحت