محکمہ موسمیات نے بارش کے حوالے سے بڑی پیشگوئی کردی
اشاعت کی تاریخ: 22nd, June 2025 GMT
محکمہ موسمیات نے ملک بھر میں آندھی اور گرج چمک کے ساتھ بارش کی پیشگوئی کردی۔
تفصیلات کے مطابق اسلام آباد میں آندھی اور گرج چمک کے ساتھ بارش کا امکان ہے، کشمیر، خیبرپختونخوا، گلگت بلتستان میں بھی بارش کی پیشگوئی کی گئی ہے۔
پشاور، مردان، شانگلہ، کوہستان، ایبٹ آباد میں بارش کا امکان ہے جبکہ لاہور، گوجرانوالہ، فیصل آباد، راولپنڈی میں آندھی آئے گی۔
سندھ میں آندھی اور گرج چمک کے ساتھ بارش کا امکان جبکہ بلوچستان میں شدید گرمی، گرد آلود ہواؤں کی پیشگوئی کی گئی ہے۔
خیبرپختونخوا
محکمہ موسمیات کے مطابق خیبرپختونخوا کے بیشتراضلاع میں بارش کا امکان ہے، پشاور میں بونداباندی سے موسم خوشگوار ہوگیا جبکہ درجہ حرارت میں کمی ریکارڈ کی گئی۔
محکمہ موسمیات کا کہنا ہے کہ پشاور سمیت دیگر میدانی اضلاع میں گرج چمک کے ساتھ بارش متوقع ہے، پشاور میں کم سے کم درجہ حرارت 27 ڈگری سینٹی گریڈ ریکارڈ کیا گیا، جہاں دن کے وقت پارہ 38 درجے تک جا سکتا ہے، پشاور میں ہوا میں نمی کا تناسب 74 فیصد رہا، میدانی اضلاع میں شام کے وقت گرد آلود ہوائیں چلنے کا امکان ہے۔
موسم کا احوال بتانے والوں کا کہنا ہے کہ بالائی علاقوں میں تیز ہواؤں کے ساتھ بارش کا امکان ہے، اپر دیر، سوات، چترال، اپر کوہستان، ملاکنڈ، ہزارہ ڈویژن ڈی آئی خان، بنوں، کوہاٹ سمیت جنوبی اضلاع میں گرج چمک کے ساتھ بارش متوقع ہے، بارش سے گرمی کی شدت میں کمی کا امکان ہے۔
گزشتہ 24 گھنٹے میں سب سے کم درجہ حرارت چراٹ اور کالام میں 16 ڈگری سینٹی گریڈ رہا، ڈی آئی خان میں سب سے زیادہ 44 ڈگری سینٹی گریڈ ریکارڈ کیا گیا جبکہ خیبرپختونخوا میں سب سے زیادہ بارش تیمر گرہ میں 38 ملی میٹر ریکارڈ کی گئی۔
بلوچستان
محکمہ موسمیات نے بتایا کہ بلوچستان کے بیشتر علاقوں میں موسم خشک اور گرم رہے گا، کوئٹہ میں زیادہ سے زیادہ درجہ حرارت 35، قلات میں 34سینٹی گریڈ ریکارڈ کیا گیا۔
اس کے علاوہ زیارت میں 28، ژوب میں 38، سبی میں 46، تربت میں 47، نوکنڈی میں 44 ، چمن میں 39، گوادر میں 34 اور جیوانی میں 32 سینٹی گریڈ ریکارڈ کیا گیا۔
Post Views: 3.
ذریعہ
ذریعہ: Daily Mumtaz
کلیدی لفظ: سینٹی گریڈ ریکارڈ کیا گیا گرج چمک کے ساتھ بارش بارش کا امکان ہے محکمہ موسمیات میں آندھی کی گئی
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ