data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) امیر جماعت اسلامی کراچی منعم ظفر خان نے کہا ہے کہ الخدمت کا بنو قابل پروگر ام ملک بھر میں پھیل چکا ہے ،یہ امید سے یقین تک کا سفر ہے ،یہ پروگرام اب ملک کے نوجوانوں کی امید کا مرکز بن چکا ہے ۔کراچی میں الخدمت بنو قابل سے 50ہزار طلبہ وطالبات فری آئی ٹی کورسز کرچکے ہیں،اس تقریب میں بنو قابل 3.
0 کے مزید 5ہزار بچوں نے گریجویشن مکمل کی اور انہیں اسنادی گئی ہیں ۔ ان خیالات کا اظہار انہوں نے ایجوکیشن ایکسپو 2025 میں دو روزہ االخدمت بنو قابل کی گریجویشن تقریبات کی اختتامی تقریب میں طلبہ اور بعد ازاں میڈیا سے گفتگو کرتے ہوئے کیا۔اس موقع پر ایگزیکٹو ڈائریکٹر راشد قریشی ،ڈائریکٹر بنو قابل پروگرام فاروق کاملانی ،سیکرٹری اطلاعات جماعت اسلامی کراچی زاہد عسکری ،کامیڈین ایاز خان موجود تھے ۔ نامور صحافی محمود شام ،مختلف کارپوریٹ اداروں کے ذمہ داران ،سرکاری ادارون کے افسران نے بھی بنو قابل کی گریجویشن تقریب کا دورہ کیا ، طلبہ سے ملاقات کی اور الخدمت کی کاوشوں کو سراہا ۔منعم ظفرخان نے ایجوکیشن ایکسپو 2025 میں مختلف یونیورسٹیز کی جانب سے لگائے گئے اسٹالز کا دورہ کیا اور اسٹالز پرموجود مختلف یونیورسٹیز کے ذمہ دارن سے ملاقات کی ۔ وہ بنوقابل سے کامیاب طلبہ کے اسٹالز پر بھی گئے جہاں طلبہ نے نمایاں پراجیکٹ ڈسپلے کیے تھے ،طلبہ وطالبات نے منعم ظفرخان اور دیگرمہمانوں کو اپنے پروجیکٹس سے متعلق بریف کیا جس پر انہوں نے طلبہ وطالبات کی صلاحیتوں کی تعریف کی ۔وہ الخدمت بنو قابل کے اسٹال پر بھی گئے وہاں طلبہ سے ملاقات کی ۔منعم ظفر خان نے الخدمت بنو قابل کی پوری ٹیم کو شاندار پروگرام کے انعقاد پر اور طلبہ کو گریجویشن کرنے پر مبارک باد دی ۔منعم ظفرخان نے کہا کہ الخدمت نوجوانوں کو 28آئی ٹی کورسز بالکل مفت کروارہی ہے اوراس کیلئے شہر بھر میں 55آئی ٹریننگ سینٹرز قائم کیے ہو ئے ہیں ،جہاں صبح 9 تارات 10بجے تک کلاسز جاری رہتی ہیں ۔انہوں نے کہا کہ بنو قابل پروگرام حافظ نعیم الرحمن کا ویژن ہے، کراچی کے پڑھے لکھے نوجوان روزگار نہ ہونے کی وجہ سے مایوسی کا شکار تھے ،انہیں مایوسی سے نکالنے کیلئے الخدمت کے تحت اس پروگرام کا آغاز کیا گیا، پڑھے لکھے نوجوان آئی ٹی کورسز کرکے اپنا شاندار مستقبل بنا سکتے ہیں ۔الخدمت کے تحت ہزاروں بچے کورسز کرنے کے بعد ملازمتیںیا پھر فری لانسنگ کر رہے ہیں ،یہ نوجوان ملک کے مستقبل کی امید ہیں ۔الخدمت ان نوجوانوں کی امید بنی ہے ۔ نوجوان امید سے یقین کا سفر مکمل کر رہے ہیں ۔الخدمت بنو قابل پروگرام نوجوانوں کو ان کے پیروں پر کھڑا کرنے کیلئے ہے ۔ امیر جماعت اسلامی کراچی نے نوجوانوں سے کہا کہ مایوسی سے نکل آئیں ،بنو قابل ان کیلئے روشنی کی کرن ہے ،وہ یہ آئی ٹی کورسز کر کے اپنی اور اپنے خاندان کی کفالت کر سکتے ہیں ۔الخدمت نے بنوقابل پروگرام کے تحت نوجوانوں کیلئے انکبیوشن سینٹر قائم کیے ہیں جہاں نوجوانوں کو ورک اسپیس فراہم کیا گیا ہے تاکہ وہ اپنی صلاحیتوں کو اپنے کام کے ذریعے نکھار سکیں ۔انہوں نے کہا کہ الخدمت نوجوانوں کو کورسز کروانے کے بعد ان کی ملازمتوں کیلئے بھی جدوجہد کرتی ہے اس کیلئے قابل ڈاٹ جابز qabil.jobs))پورٹل بنایا گیا ہے جہا ں ملک کے آئی ٹی کے مختلف ادارے رجسٹرڈ ہیں اور وہاں بنو قابل کے تمام بچوں کا ڈیٹا موجود ہے ،یہ ادارے درکار اسکلز اور ضرورت کے مطابق ان نوجوانوں کو ملازمتیں آفر کر رہے ہیں ۔منعم ظفر خان نے کہا کہ نوجوان آگے آئیں یہ کورسز کریں اور اپنے ملک کی ترقی اور خاندان کی خوشحالی میں اپنا کردار ادا کریں ۔ڈائریکٹر بنو قابل پروگرام فاروق کاملانی نے کہا کہ الخدمت بنو قابل نوجوانوں کو آئی ٹی کے میدان میں آگے لے جانے کی جستجو کر رہی ہے ،4.0کورسز کے ساتھ ساتھ 4.0کا سمر سیشن بھی شروع کردیا گیا ہے جس کی کلاسز پیرسے شروع ہورہی ہیں ۔انہوں نے کہا کہ ملک بھر میں یہ پروگرام شروع کردیا گیا ہے ،جہاں نوجوان اس پروگرام میں دلچسپی لے رہے ہیں ،ان شااللہ نوجوان آئی ٹی کے میدان میں آگے بڑھ کر ملک کو آئی ٹی کے شعبے میں ترقی دیں گے ۔
ذریعہ: Jasarat News
کلیدی لفظ:
بنو قابل پروگرام
الخدمت بنو قابل
ا ئی ٹی کورسز
نوجوانوں کو
کہ الخدمت
ا ئی ٹی کے
نے کہا کہ
انہوں نے
کورسز کر
نوجوان ا
رہے ہیں
گیا ہے
پڑھیں:
شہید بینظیر بھٹو ہر مظلوم کی آواز اور ہر کمزور کی امید تھیں:مراد علی شاہ
ویب ڈیسک :وزیراعلیٰ سندھ سیدمراد علی شاہ نے کہا ہے کہ محترمہ بینظیر بھٹو صرف ایک سیاستدان نہیں بلکہ ایک نظریہ تھیں۔
بینظیر بھٹوشہید کی 72 ویں سالگرہ کے موقع پر اپنے پیغام میں وزیراعلیٰ سندھ مراد علی شاہ نے کہا کہ مجھے فخر ہے میری سیاسی تربیت بینظیر بھٹو نے کی،انہوں نے اپنی جان دے کر ملک میں جمہوریت بحال کی ۔
انہوں نے کہا کہ بینظیر بھٹو نے پولیو مہم کا آغاز خود اپنی بیٹی کو قطرے پلا کر کیا تھا، وہ ہر مظلوم کی آواز اور ہر کمزور کی امید تھیں،آج بینظیر بھٹو کی قربانیوں، قیادت اور مشن کو یاد کرنے کا دن ہے۔
بجلی صارفین کے لئے بڑی خوشخبری
وزیراعلیٰ سندھ نے مزید کہا کہ ہم شہید بینظیر بھٹو کے مشن کو جاری رکھنے کا عہد کرتے ہیں،ان کا خواب ایک ترقی یافتہ، بااختیار اور جمہوری پاکستان تھا،بینظیر بھٹو کی سالگرہ پر اتحاد، صحت اور تعلیم کے پیغام پر عمل کرنا ہے، ان کی سالگرہ انہیں خراج عقیدت پیش کرنے کا دن ہے۔
ایرانی پارلیمنٹ میں ’پاکستان زندہ باد‘ کے نعروں کی گونج