نیپرا نے کے الیکٹرک صارفین کو بڑے ریلیف سے محروم کردیا
اشاعت کی تاریخ: 23rd, June 2025 GMT
اسلام آباد (نیوز ڈیسک) نیپرا نے کے الیکٹرک صارفین کیلئے فی یونٹ 4 روپے 69 پیسے کا بڑا ریلیف مؤخر کردیا، کے ای نے اپریل کے ماہانہ فیول پرائس ایڈجسٹمنٹ کی مد میں کمی مانگی تھی۔
تفصیلات کے مطابق کے الیکٹرک کی اپریل کے ماہانہ فیول پرائس ایڈجسٹمنٹ کی مد میں درخواست پر سماعت ہوئی، کے الیکٹرک نے ایک ماہ کیلئے 4 روپے 69 پیسے کی کمی مانگی ہے۔
سماعت کے آغاز میں پاور ڈویژن نے درخواست پر سماعت کو مؤخر کرنے کی استدعا کرتے ہوئے کہا کہ کے الیکٹرک بارے میں ایک نظرثانی درخواست دائر کی ہوئی، ایف سی اے کی درخواست میں ریلیف سے یونیفارم ٹیرف نہیں رہے گا، اس وقت تک وفاقی حکومت ایف سی اے کی مد میں 21 ارب کی سبسڈی دے چکا۔
پاور ڈویژن کا کہنا تھا کہ آئی ایم ایف پروگرام میں ہیں اس طرح کے اقدامات مشکلات پیدا کریں گے، ایڈجسٹمنٹ کیلئے مالی گنجائش نکالنے کی کوشش ہوگی، جس پر چئیرمین نیپرا نے جواب دیا ایف سی اے کی سماعت عوامی ہوتی ہے ، آپ کی درخواست کا وقت انتہائی نا مناسب ہے، ایف سی اے کا سبسڈی کے ساتھ کیا تعلق ہے ؟ سبسڈی ایف سی اے کی بیچ میں کہاں سے آگئی ؟
پاور ڈویژن نے کہا کہ ہم معزرت خواہ ہیں تجزیہ کرنے میں وقت لگ گیا تو چیئرمین نیپرا کا کہنا تھا کہ یہ کونسا طریقہ ہے کہ سماعت کے دوران درخواست آئے ، جس پر پاور ڈویژن نے بتایا کہ سہ ماہی ایڈجسٹمنٹ میں اصل ریفرنس سے ہٹ کر فیصلہ بھی آتا ہے۔
چئیر مین نیپرا نے سوال کیا سہ ماہی اور ماہانہ ایڈجسٹمنٹ کا آپس میں تعلق کیا ہے یہ بتائیں ؟ ساری تکنیکی بحث ہے ہم اس پر یہاں نہیں بات کر سکتے تو پاور ڈویژن نے کہا کہ ریگولیٹر کا کوئی فیصلہ بھی آتا ہے تو ٹیرف کیلئے رکھی گئی رقم کا تعین ہوتا ہے، یونیفارم ٹیرف کیلئے ایف سی اے کو بھی شامل کرنے سمری تیار کی ہے۔
حکام نے کہا کہ سمری کابینہ میں جائے گی منظور ہو جاتی ہے تو آج کی سماعت غیر مؤثر ہو سکتی ، ابھی بھی اسطرح کے اقدامات کیلئے 125 ارب روپے رکھے گئے ہیں۔
جس پر چئیرمین نیپرا نے سوال کیا کتنا عرصہ آپ یہ ریلیف روک سکتے ہیں دو چارہ چھ ماہ بعد کیا کریں گے ، سماعت کیلئے ریگولیٹر نے ایک طریقہ کار طے کر رکھا ہے، اخبارات میں اشتہار ہوتا ہے سماعت میں شہری شریک ہوتے ہیں، عوامی سماعت کا تاثر انتہائی غیر مؤثر کرنے کی کوشش کی جارہی۔
پاور ڈویژن کی درخواست مؤخر کرنے کی استدعا پر سی ای او کے الیکٹرک نے ردعمل دیتے ہوئے کہا کے الیکٹرک وہی پاس آن کرے گی جو نیپرا اتھارٹی دے گا، کے الیکٹرک کا گزشتہ سالوں ایف سی اے پازیٹو ہوتا تھا، باقی ڈسکوز کا تب ایف سی اے نیگیٹو ہوتا تھا ، جب کے الیکٹرک کے صارفین کو مہنگی بجلی ملتی تھی تب ٹیرف پر اثر کیوں نہیں پڑتا تھا، انصاف کے تقاضوں کو برقرار رکھ کر ریگولیٹر جو فیصلہ کرے ہمیں قبول ہے۔
کے الیکٹرک صارفین کے لئے 4 روپے 69 پیسے کا بڑا ریلیف موخر کر دیا گیا ، پاور ڈویژن کی درخواست پر نیپرا اتھارٹی نے سماعت مؤخر کر دی گئی۔
کے الیکٹرک کی ماہانہ ایڈجسٹمنٹ سے متعلق ریلیف کی درخواست ایک ہفتے کیلئے مؤخر کی گئی، وفاقی حکومت نے سماعت موخر کرنے کہ درخواست کی تھی۔
نیپرا نے وفاقی حکومت کا خط عوامی آراء کیلئے نیپرا ویب سائٹ پر جاری کرنے کا فیصلہ کیا اور کہا سماعت آئندہ ہفتے رکھی جائے گی تمام شراکت دار اپنی آراء جمع کروایں۔
مزیدپڑھیں:پر اسرار بالوں والی غار دریافت،سوشل میڈیا پر ویڈیو وائرل
ذریعہ: Daily Ausaf
کلیدی لفظ: پاور ڈویژن نے ایف سی اے کی کے الیکٹرک کی درخواست نیپرا نے کہا کہ
پڑھیں:
گوگل کروم نے یوزرز کیلئے انتہائی مفید فیچر شامل کردیا، براؤزنگ مزید آسان
data-id="863a0a8" data-element_type="widget" data-widget_type="theme-post-content.default">
گوگل کروم کے آٹو فل فیچر کو مزید بہتر بنایا جا رہا ہے جس کے بعد صارفین پاسپورٹ، ڈرائیونگ لائسنس اور گاڑی کی لائسنس پلیٹ جیسے حساس ڈیٹا کو بھی صرف ایک کلک میں فارم میں درج کر سکیں گے۔
کمپنی کے مطابق یہ فیچر بائی ڈیفالٹ بند ہوگا اور صارف کو خود اسے آن کرنا ہوگا۔
کمپیوٹر اور لیپ ٹاپ استعمال کرنے والے صارفین روزمرہ کی انٹرنیٹ سرگرمیوں میں آٹو فل کے عادی ہو چکے ہیں۔ یہی فیچر فارم بھرنے کے دوران صارفین کو وقت بچانے میں مدد دیتا ہے کیونکہ انہیں نام، پتے، یوزر نیم یا پاس ورڈ بار بار ٹائپ نہیں کرنا پڑتا۔ اب گوگل کروم نے اس فیچر کو ایک قدم مزید آگے بڑھاتے ہوئے اسے enhanced آٹو فل کے نام سے اپ گریڈ کرنے کا فیصلہ کیا ہے۔
کمپنی کے مطابق نئے ورژن میں صارف پاسپورٹ نمبر، ڈرائیونگ لائسنس، گاڑی کی لائسنس پلیٹ سمیت ایسی معلومات بھی محفوظ کر سکے گا جو عام طور پر سرکاری دستاویزات میں استعمال ہوتی ہیں۔ تاہم یہ فیچر خودکار طور پر فعال نہیں ہوگا بلکہ کروم سیٹنگز میں جا کر “Autofill and Passwords” کے اندر enhanced آٹو فل کو ہینڈ سے آن کرنا ہوگا۔ گوگل کا کہنا ہے کہ اب کروم پیچیدہ فارمز اور مختلف فارمیٹس کو بھی زیادہ بہتر طریقے سے پہچان سکے گا۔
گوگل نے واضح کیا ہے کہ یہ فیچر تمام زبانوں میں دستیاب ہوگا اور آنے والے مہینوں میں مزید ڈیٹا کیٹیگریز بھی شامل کی جائیں گی۔ کروم دنیا بھر میں سب سے زیادہ استعمال ہونے والا ویب براؤزر ہے جس کا مارکیٹ شیئر تقریباً 73 فیصد ہے اور یہی وجہ ہے کہ کمپنی مسلسل نئے فیچرز شامل کرتی رہتی ہے تاکہ صارفین کو براؤزر بدلنے کی ضرورت محسوس نہ ہو۔
کے پی کی نئی صوبائی کابینہ نے حلف اٹھالیا، وزراء اپنے عہدوں پر فائز