امریکی حملے کے بعد حکومت صدر ٹرمپ کیلئے نوبل انعام کی سفارش واپس لے،سینیٹ میں قرارداد جمع
اشاعت کی تاریخ: 23rd, June 2025 GMT
امریکی حملے کے بعد حکومت صدر ٹرمپ کیلئے نوبل انعام کی سفارش واپس لے،سینیٹ میں قرارداد جمع WhatsAppFacebookTwitter 0 23 June, 2025 سب نیوز
اسلام آباد (سب نیوز) سینیٹ میں امریکی صدر ٹرمپ کو نوبل انعام کیلئے نامزد کرنے کی سفارش کے خلاف قرارداد جمع کرادی گئی۔ تفصیلات کے مطابق سینیٹ میں امریکی صدر ٹرمپ کو نوبل انعام کیلئے نامزد کرنے کی سفارش کے خلاف تحریک اور قرارداد جمع کرادی گئی۔
قرارداد اور تحریک بلوچستان سے جمعیت علمائے اسلام کے سینیٹر کامران مرتضی نے جمع کرائی۔جس میں کہا گیا کہ ایران پر امریکی حملے کے بعد حکومت صدر ٹرمپ کیلئے نوبل انعام کیلئے کی گئی سفارش واپس لے۔قرارداد کے متن میں کہا گیا کہ امریکی صدر کے احکامات سے ایران پر بمباری کی گئی، ایران پر امریکی حملہ بین الاقوامی قوانین اور انسانی حقوق کی خلاف ورزی ہے۔قرارداد میں کہنا تھا کہ حملے سے متعدد ہلاکتیں ہوئی ہیں، امریکی حملہ ایران کی خودمختاری کی خلاف ورزی ہے۔
دوسری جانب سینٹ میں امریکی صدر کو نوبل انعام کیلئے نامزد کرنے کیخلاف تحریک بھی جمع کرائی گئی۔جس میں کہا کہ وفاقی حکومت نے عوام کی منشا کے خلاف امریکی صدر کو نوبل انعام کیلئے نامزد کرنے کی سفارش کی، امریکی صدر کی نامزدگی کی سفارش کیلئے کسی ایوان سے رائے نہیں لی گئی۔تحریک کے متن میں کہنا تھا کہ ایوان مفاد عامہ کے اس سوال کو فوری طور پر زیر بحث لایا جائے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارتی طیاروں کیلئے پاکستانی فضائی حدود کی بندش میں توسیع، نوٹم جاری بھارتی طیاروں کیلئے پاکستانی فضائی حدود کی بندش میں توسیع، نوٹم جاری ایران پر امریکی حملے کے بعد آبنائے ہرمز میں 2سپر آئل ٹینکرز نے راستہ بدل لیا بانی پی ٹی آئی نے حکم دیا تو ایک منٹ میں اسمبلی ختم کردوں گا، علی امین گنڈا پور غزہ میں اسرائیل کے وحشیانہ حملے جاری، 24گھنٹوں میں مزید 51فلسطینی شہید کوہستان میگا کرپشن اسکینڈل،نیب خیبرپختونخوا کا اعظم سواتی کی عدم پیشی پر دوسرا نوٹس جاری کرنے کا عندیہ حکومت اور اپوزیشن کے درمیان 8 وزارتوں میں کٹوتی پر اتفاقCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: کو نوبل انعام کیلئے نامزد کرنے کی امریکی حملے کے بعد امریکی صدر سینیٹ میں ایران پر کی سفارش
پڑھیں:
ٹرمپ کیلئے امن کے نوبل انعام کی سفارش پاکستانی قوم کی توہین ہے، علامہ مقصود ڈومکی
شکارپور میں پریس کانفرنس کرتے ہوئے علامہ مقصود ڈومکی نے کہا کہ اسلامی جمہوریہ ایران کے خلاف جاری امریکی اور اسرائیلی جارحیت بین الاقوامی قوانین کی کھلی خلاف ورزی اور امریکا کی عالمی بدمعاشی کی عکاس ہے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ اسلامی جمہوریہ ایران کے خلاف شیطان بزرگ امریکہ و غاصب اسرائیل کی جارحیت شرمناک عمل ہے۔ صدر ٹرمپ عالمی دہشت گرد ہے۔ انجمن غلامان امریکا کی جانب سے شیطان ٹرمپ کے لئے امن کے نوبل انعام کی سفارش پاکستانی قوم کی توہین ہے۔ انہوں نے کہا کہ سندھ میں بدامنی عروج پر ہے۔ کچے اور پکے کے ڈاکوؤں کے خلاف پاک فوج رینجرز اور سندھ پولیس فوری مشترکہ آپریشن کا آغاز کرے۔
ان خیالات کا اظہار انہوں نے ضلع شکار پور کے ضلعی صدر اصغر علی سیٹھار، جنرل سیکرٹری شاکر حسین سومرو، تحصیل صدر سید نوید علی شاہ، مولانا نثار علی نجفی اور سعید احمد خروس کے ہمراہ ڈکھن شہر میں ایک ہنگامی پریس کانفرنس سے خطاب کرتے ہوئے کیا۔ علامہ مقصود ڈومکی نے کہا کہ اسلامی جمہوریہ ایران کے خلاف جاری امریکی اور اسرائیلی جارحیت بین الاقوامی قوانین کی کھلی خلاف ورزی اور امریکا کی عالمی بدمعاشی کی عکاس ہے۔ انہوں نے کہا کہ امریکہ عالمی نظام کو قانون و انصاف کے بجائے ظلم، استبداد اور جبر کی بنیاد پر چلانا چاہتا ہے۔
انہوں نے واضح کیا کہ اسلامی جمہوریہ ایران مظلوم فلسطینی عوام کا سچا حامی ہے، جبکہ امریکہ اور اسرائیل انسانیت کے دشمن ہیں۔ رہبر انقلاب اسلامی آیت اللہ سید علی خامنہ ای اور ایرانی قوم، امریکی و اسرائیلی جارحیت کے خلاف پہاڑ کی طرح استقامت کے ساتھ کھڑے ہیں۔ اسرائیل جو مظلوم فلسطینیوں پر ظلم کے پہاڑ توڑ رہا تھا، آج خود نشان عبرت بن چکا ہے۔ انہوں نے کہا کہ اگر امریکہ نے مزید جارحیت کی تو اسے بھرپور اور منہ توڑ جواب دیا جائے گا۔
صدر ڈونلڈ ٹرمپ کو علامہ ڈومکی نے "شیطان صفت اور مجرم انسان" قرار دیتے ہوئے کہا کہ وہ اسرائیلی ظلم و ستم میں برابر کا شریک ہے۔ انہوں نے مزید کہا کہ 60 ہزار بے گناہ فلسطینیوں کے قتل عام میں ٹرمپ کا ہاتھ ہے۔ اس لئے انجمن غلامان امریکا کی جانب سے ٹرمپ کو "نوبل انعام" کے لئے نامزد کرنا شرمناک اور قومی وقار کے خلاف ہے۔ پوری پاکستانی قوم اس عمل کی سخت مذمت اور مخالفت کرتی ہے۔ علامہ ڈومکی نے پاکستانی حکمرانوں سے مطالبہ کیا کہ وہ اس اقدام پر قوم سے معافی مانگیں اور آئندہ ایسے فیصلوں سے گریز کریں جو قومی جذبات اور مظلومین جہان کے خلاف ہوں۔
پریس کانفرنس میں سندھ کی بگڑتی ہوئی امن و امان کی صورتحال پر شدید تشویش کا اظہار کرتے ہوئے انہوں نے کہا کہ شکارپور، کشمور، کندھ کوٹ سمیت پورا سندھ بدامنی اور ڈاکو راج کی لپیٹ میں ہے۔ کالعدم دہشت گرد تنظیموں کی جانب سے شہداد کوٹ اور کندھ کوٹ میں شرانگیز جلسے، شیعہ رہنماؤں کو دھمکیاں اور کافر کافر کے نعرے ناقابل برداشت ہیں۔ علامہ ڈومکی نے حکومت سندھ اور ضلعی انتظامیہ سے مطالبہ کیا کہ کالعدم تنظیم کے ان شرپسند عناصر کے خلاف فی الفور ایف آئی آرز درج کی جائیں اور سخت قانونی کارروائی کی جائے۔
انہوں نے کہا کہ سندھ میں لوگ روزانہ لٹ رہے ہیں۔ موٹر سائیکل چھینی جا رہی ہیں۔ خواتین کے زیورات چھینے جا رہے ہیں۔ ایک دن میں دن کی روشنی میں نیشنل ہائی وے پر 300 سے زائد افراد کو سرعام لوٹا گیا۔ لیکن سندھ پولیس، رینجرز، حکومت اور دیگر ادارے خاموش تماشائی بنے ہوئے ہیں۔ علامہ مقصود علی ڈومکی نے مطالبہ کیا کہ سندھ میں ڈاکوؤں کے خلاف پاک فوج، رینجرز اور پولیس پر مشتمل ایک مشترکہ مؤثر آپریشن کا فوری آغاز کیا جائے جو جرائم کے مکمل خاتمے اور امن کے قیام تک جاری رکھا جائے۔ انہوں نے یہ بھی انکشاف کیا کہ ماضی میں "آپریشن" کے نام پر محض ڈرامہ بازی کی گئی اور فنڈز ہضم کئے گئے، جس کا کوئی حقیقی نتیجہ سامنے نہیں آیا۔
برطانوی ایف 35کی بھارت میں ہنگامی لینڈنگ