مشرق وسطیٰ کشیدگی: امریکا، برطانیہ اور چین کی قطر میں اپنے شہریوں کو محفوظ مقامات پر رہنے کی ہدایت
اشاعت کی تاریخ: 23rd, June 2025 GMT
ایران کی جانب سے امریکا کو جوہری تنصیبات پر حملے کے ممکنہ جواب کی دھمکیوں کے بعد امریکا، برطانیہ اور چین نے قطر میں موجود اپنے شہریوں کو الرٹ رہنے اور محفوظ مقامات پر رہنے کی ہدایت جاری کردی۔
یہ بھی پڑھیں روس کھل کر امریکا اور اسرائیل کے خلاف ایران کی مدد کرے، خامنہ ای کی پیوٹن سے اپیل
بین الاقوامی خبر رساں اداروں کے مطابق امریکی سفارت خانے نے قطر میں مقیم اپنے شہریوں کو ای میلز کے ذریعے آگاہ کیا ہے کہ وہ تاحکم ثانی عوامی اجتماعات سے گریز کریں اور محفوظ مقامات پر رہیں۔ یہ اقدام ایران کی ممکنہ جوابی کارروائی کے خدشے کے تناظر میں اٹھایا گیا ہے۔
امریکی سفارت خانے کی جانب سے جاری ہدایت پر قطر کی وزارت خارجہ کے ترجمان ماجد الانصاری نے ردعمل دیتے ہوئے کہاکہ ملک میں سیکیورٹی کی صورتحال مستحکم ہے اور امریکی سفارت خانے نے کسی مخصوص خطرے کی نشاندہی نہیں کی۔
ماجد الانصاری نے مزید کہاکہ قطر اپنے شہریوں اور ملک میں مقیم تمام افراد کی سلامتی کو یقینی بنانے کے لیے تمام ضروری اقدامات لینے کے لیے ہمہ وقت تیار ہے۔
ادھر برطانوی حکومت نے بھی اپنے شہریوں کو محتاط رہنے اور غیر ضروری سرگرمیوں سے گریز کرنے کی ہدایت کی ہے۔ اسی طرح چین نے بھی اپنے سفارت خانے کے ذریعے قطر میں موجود چینی شہریوں کو حفاظتی تدابیر اختیار کرنے کا مشورہ دیا ہے۔
یہ بھی پڑھیں ایران نے شہریوں سے واٹس ایپ اور انسٹاگرام ڈیلیٹ کرنے کا مطالبہ کر دیا، مگر کیوں؟
خیال رہے کہ قطر کی العدید ایئربیس خطے میں امریکی افواج کا سب سے بڑا اڈہ ہے، جہاں قریباً10 ہزار سے زیادہ امریکی فوجی تعینات ہیں، اور کسی بھی ممکنہ ایرانی ردعمل کی صورت میں یہ اڈہ حساس ہدف سمجھا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا امریکی اڈے برطانیہ چین محفوظ مقامات مشرق وسطیٰ کشیدگی ہدایات جاری وی نیوز.ذریعہ: WE News
کلیدی لفظ: امریکا امریکی اڈے برطانیہ چین محفوظ مقامات مشرق وسطی کشیدگی ہدایات جاری وی نیوز اپنے شہریوں کو محفوظ مقامات سفارت خانے
پڑھیں:
امریکی حملے نے مشرق وسطیٰ میں کشیدگی کو مزید بڑھا دیا ہے، چین کا ردعمل
BEIJING:چین نے ایران کی جوہری تنصیبات پر امریکی حملے کی شدید مذمت کرتے ہوئے کہا ہے کہ ایرانی تنصیبات عالمی ایٹمی توانائی ایجنسی (آئی اے ای اے) کی نگرانی تھیں جبکہ امریکی حملے نے مشرق وسطیٰ میں کشیدگی کو مزید بڑھا دیا ہے۔
چینی وزارت خارجہ کے ترجمان ایران کی جوہری تنصیبات پر امریکی حملے پر ردعمل میں کہا کہ امریکی حملے نے اقوام متحدہ کے چارٹر کے مقاصد اور اصولوں کی سنگین خلاف ورزی کی ہے اور مشرق وسطیٰ میں کشیدگی کو مزید بڑھا دیا ہے۔
ترجمان نے کہا کہ چین جلد از جلد جنگ بندی کی اپیل کرتا ہے تاکہ شہریوں کی حفاظت کو یقینی بنایا جائے اور مذاکرات کا آغاز کیا جائے۔
چینی وزارت خارجہ کے ترجمان کا کہنا تھا کہ چین عالمی برادری کے ساتھ مل کر انصاف برقرار رکھنے اور مشرق وسطیٰ میں امن اور استحکام کی بحالی کے لیے کام کرنے کوتیار ہے۔
پشاور میں محرم کمیٹی خیبرپختونخوا کا قومی اجلاس