26 نومبر احتجاج؛ تھانہ کراچی کمپنی کے مقدمے میں 3 ملزمان پر فرد جرم عائد
اشاعت کی تاریخ: 25th, June 2025 GMT
اسلام آباد:
انسداد دہشت گردی عدالت اسلام آباد نے 26 نومبر احتجاج پر درج تھانہ کراچی کمپنی کے مقدمے میں 3 ملزمان پر فرد جرم عائد کر دی۔
اے ٹی سی کے جج طاہر عباس سپرا نے پی ٹی آئی رہنماوں اور ورکرز کے خلاف 26 نومبر احتجاج پر درج مقدمات سے متعلق کیس پر سماعت کی۔
عدالت نے کیس کی اگلی سماعت پر استغاثہ کے گواہان کو طلب کر لیا۔ استغاثہ کے گواہان کی جانب سے اپنے بیانات ریکارڈ کروائے جائیں گے۔
بشریٰ بی بی اور علی امین گنڈا پور بھی متعلقہ مقدمہ میں نامزد ملزمان ہیں، دونوں ملزمان میں عبوری ضمانت پر ہیں۔ علی امین گنڈا اور بشریٰ بی بی کی حد تک تاحال مقدمے کا چالان پیش نہیں ہوا۔
سردار محمد مصروف خان وار آمنہ علی ایڈووکیٹ عدالت میں پیش ہوئے۔ عدالت نے کیس کی مزید سماعت 13 جولائی تک ملتوی کر دی۔
پی ٹی آئی رہنماوں اور کارکنان کے خلاف تھانہ کراچی کمپنی میں مقدمہ درج ہے۔
.ذریعہ: Express News
پڑھیں:
لاہور ہائیکورٹ نے درخت کاٹنے پر پابندی عائد کردی
لاہور ہائیکورٹ نے لاہور میں درخت کاٹنے سے روک دیا اور نجی بیکری کے باہر درخت کاٹنے کی تفصیلات طلب کرلیں۔ عدالت نے حکم دیا کہ سرکاری وکیل درخت نہ کاٹنے کے عدالتی حکم پر عملدرآمد کروائیں۔
جسٹس شاہد کریم نے گزشتہ سماعت کا تحریری حکم نامہ جاری کردیا۔
یہ بھی پڑھیے لاہور ہائیکورٹ کا اسموگ کیس میں تحریری حکم نامہ جاری، درختوں کے تحفظ اور ماحولیاتی بہتری پر زور
تحریری حکم کے مطابق، موٹر وے پولیس نے عدالت کو بتایا کہ ماحولیاتی تحفظ ایجنسی (EPA) کے ساتھ معاہدہ ہوچکا ہے۔ مزید کہا گیا کہ موٹر وے پر گاڑیوں کی چیکنگ کے لیے پوائنٹس مقرر کیے گئے ہیں، جہاں گاڑیوں کا باقاعدہ معائنہ کیا جائے گا۔
عدالت میں موٹر وے پولیس کی جانب سے عملے کی ڈیوٹیوں کا روسٹر بھی پیش کیا گیا۔
دوسری جانب، پی ایچ اے (پارکس اینڈ ہارٹیکلچر اتھارٹی) کے وکیل نے عدالت کو بتایا کہ غالب مارکیٹ میں پارک کی تعمیر فی الحال روک دی گئی ہے۔
مزید پڑھیں:اسموگ تدارک کیس، لاہور ہائیکورٹ کے فیصلے میں اہم بات کیا ہے؟
عدالت نے پارک کی تعمیر سے متعلق معاہدہ اور دیگر دستاویزات بھی طلب کرلی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس شاہد کریم لاہور ہائیکورٹ
کراچی، عمرہ ویزے کی آڑ میں اٹلی جانے کی کوشش ناکام، 5 مسافر گرفتار