غزہ ملین مارچ اور نظام کی تبدیلی کی تحریک شروع کی جائے گی، جماعت اسلامی کا اعلان
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی پاکستان حافظ نعیم الرحمن کاکہنا ہے کہ موجودہ قومی و بین الاقوامی صورتحال میں سب سے بڑا مسئلہ امریکا کی سرپرستی میں اسرائیل کی غزہ پر جارحیت، فلسطینی عوام کی نسل کشی اور مسئلہ فلسطین ہے، انہوں نے اعلان کیا کہ جماعت اسلامی نے فیصلہ کیا ہے کہ قومی اور عالمی سطح پر اسرائیل کے خلاف احتجاج مزید تیز کیا جائے گا۔
ادارہ نور حق میں پریس کانفرنس سے خطاب کرتے ہوئے حافظ نعیم الرحمن نے کہا کہ 4 اکتوبر کو لاہور اور 5 اکتوبر کو کراچی میں عظیم الشان “غزہ ملین مارچ” منعقد کیا جائے گا جبکہ 7 اکتوبر کو عالمی احتجاج کے دن ملک بھر میں عوام سڑکوں پر نکل کر ایک گھنٹے تک اسرائیل کے خلاف احتجاج اور اہلِ غزہ سے یکجہتی کا اظہار کریں گے۔
ان کا کہنا تھا کہ پاکستان کا مؤقف صرف آزاد فلسطینی ریاست ہونا چاہیے، دو ریاستی حل بانی پاکستان قائداعظم محمد علی جناحؒ کے اصولی مؤقف کی نفی ہے، قائداعظم نے واضح کہا تھا کہ اسرائیل کو کسی صورت تسلیم نہیں کیا جا سکتا۔
انہوں نے وزیراعظم اور امریکی صدر کی ملاقات پر تنقید کرتے ہوئے کہا کہ مشترکہ اعلامیے میں فلسطینی نسل کشی بند کرنے کا ذکر تک نہیں، صرف جنگ بندی کی بات کی گئی ہے، انہوں نے گلوبل صمود فلوٹیلا کی مکمل حمایت کا اعلان کرتے ہوئے دنیا بھر کے ان تمام انسانوں کو خراجِ تحسین پیش کیا جو اسرائیل کے خلاف احتجاج کر رہے ہیں، حکومت اور اپوزیشن اسرائیل و امریکا کی مذمت کیوں نہیں کرتے؟
امیر جماعت اسلامی نے کہا کہ تین مرتبہ حماس سے مذاکرات مکمل ہونے کے باوجود اسرائیل نے دھوکہ دیا اور قطر و حماس کی ٹیم پر حملہ امریکا کی مرضی سے کیا گیا، اسرائیل کو کھلی چھوٹ دے دی گئی ہے، گزشتہ روز بھی 83 فلسطینی شہید ہوئے جن میں 50 خواتین اور بچے شامل ہیں۔
انہوں نے وزیراعظم شہباز شریف کی جانب سے امریکی صدر کو نوبیل انعام دینے کی سفارش کو افسوسناک قرار دیتے ہوئے کہا کہ خود امریکا کے 76 فیصد شہری بھی اس کی مخالفت کر رہے ہیں۔
انہوں نے کہا کہ امریکا کسی مسلمان ملک کا دوست نہیں، اسرائیل لبنان، قطر، ایران اور یمن پر حملے کر چکا ہے۔
امیر جماعت اسلامی پاکستان نے ملکی سیاست پر بھی کڑی تنقید کی اور کہا کہ اسٹیبلشمنٹ کی پسندیدہ جماعتیں پیپلز پارٹی اور ن لیگ نورا کشتی میں مصروف ہیں۔ یہ جماعتیں آئینی بحران پیدا کرنے والی اصل قوت ہیں اور عوام کو سیاسی مفادات کے لیے بے وقوف بنا رہی ہیں۔
حافظ نعیم الرحمن نے کہا کہ پیپلز پارٹی وڈیرہ شاہی ذہنیت کی حامل ہے اور کراچی کو صرف “دودھ دینے والی گائے” سمجھ کر اس کے وسائل لوٹ رہی ہے۔ کراچی کے 3360 ارب روپے اے ڈی پی، اوزی ٹی اور پی ایس ڈی پی کے نام پر کھا لیے گئے ہیں جبکہ بلدیاتی اداروں کا حصہ 49 فیصد سے گھٹ کر صرف 5 فیصد رہ گیا ہے۔ انہوں نے کہا کہ اہل کراچی کو تعلیم، روزگار، پانی اور بجلی تک کی سہولت میسر نہیں۔
انہوں نے فارم 47 کی بنیاد پر ن لیگ اور پیپلز پارٹی کو مسلط کرنے کی سخت مذمت کی اور کہا کہ یہ بوسیدہ نظام جس میں بیوروکریسی، جرنیل، وڈیرے، جاگیردار اور سرمایہ دار قابض ہیں، اب مزید نہیں چل سکتا۔ 21، 22 اور 23 نومبر کو مینار پاکستان پر عظیم الشان “اجتماع عام” منعقد کیا جائے گا جو نظام کی تبدیلی کی تحریک کا نقطہ آغاز ہوگا۔
امیر جماعت اسلامی نے حالیہ سیلاب میں الخدمت فاؤنڈیشن اور جماعت اسلامی کے رضاکاروں کے کردار کو بھی اجاگر کیا اور کہا کہ پنجاب کے کسان حکومتی پالیسیوں کی وجہ سے تباہ ہو گئے ہیں۔ انہوں نے کہا کہ کسانوں سے سستی گندم خرید کر مڈل مین کو فائدہ پہنچایا گیا، جس کے نتیجے میں آٹا مہنگا اور کسان بدحال ہوا۔
انہوں نے بے نظیر انکم سپورٹ پروگرام پر بھی سوال اٹھاتے ہوئے کہا کہ اس میں حقیقی مستفید ہونے والوں کی تعداد 25 فیصد سے زیادہ نہیں، باقی رقوم سیاسی جماعتوں کے ایجنٹ ہڑپ کر لیتے ہیں، انہوں نے مطالبہ کیا کہ اس پروگرام کا فوری فارنزک آڈٹ کیا جائے۔
ذریعہ
ذریعہ: Jasarat News
کلیدی لفظ: امیر جماعت اسلامی نے کہا کہ انہوں نے کیا جائے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی