مریم نواز کل ساہیوال کا دورہ‘ الیکٹرک بس منصوبے کا افتتاح کرینگی
اشاعت کی تاریخ: 21st, September 2025 GMT
ساہیوال (نمائندہ نوائے وقت) وزیراعلیٰ مریم نواز کل 22 ستمبر کوساہیوال کا دورہ کریں گی۔ وہ عوام کی سفری سہولیات کیلئے الیکٹرک بسیں چلانے کے منصوبے کا افتتاح کریں گی۔ پنجاب حکومت ساہیوال میں 26 الیکٹرک بسیں چلائے گی۔ پہلے مرحلے میں ساہیوال کیلئے 16 بسیں فراہم کی جا رہی ہیں۔ ڈپٹی کمشنر شاہد محمود کی ہدایت پر سیکرٹری آر ٹی اے واصف یاسین نے شہریوں کو سفری سہولیات کے مدنظر ان بسوں کو 5 روٹس پر چلانے کا منصوبہ بنایا ہے جن میں ایک روٹ عارف والا بائی پاس سے مائی والی مسجد براستہ پاکپتن بائی پاس، پاکپتن چوک، اندرون بس اڈہ، لائبریری چوک، کالج چوک، مڈھالی روڈ اور سرور چوک ہے۔ دوسرا روٹ کے ایف سی چوک سے نور شاہ براستہ بیرون بس اڈہ، پاکپتن چوک، جوگی چوک، مشن چوک اور ساہیوال ٹیچنگ ہسپتال ہوگا۔ ان آرام دہ ایئر کنڈیشنڈ بسوں کا کرایہ صرف 20 روپے فی مسافر رکھا گیا ہے۔ دیگر تین روٹس جن پر بسیں چلیں گی ان میں تیسرا روٹ اندرون بس اڈہ ریلوے روڈ سے ہڑپہ شہر براستہ اڈہ بوٹی پال اور میر داد معافی، چوتھا روٹ ایڈمور پمپ فرید ٹاؤن سے یوسف والا براستہ مسجد شہداء، بورڈ آفس، کالج چوک، مال منڈی چوک، مشن چوک، گرلز کالج، فریدیہ پارک روڈ، بھٹہ پمپ اور جھال روڈ اور پانچواں روٹ بیرون لاری اڈہ سے کمیر براستہ شریں موڑ اور اڈہ شبیل ہو گا۔
.
ذریعہ
ذریعہ: Nawaiwaqt
پڑھیں:
نوجوانوں کو آسان اقساط پر الیکٹرک بائیکس اور ٹیکسیاں بلا سود دینے کا فیصلہ
صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیے جانے کی توقع ہے۔ اسلام ٹائمز۔ حکومت پنجاب نے نوجوانوں کو آئندہ مالی سال میں الیکٹرک بائیکس اور ٹیکسیاں دینے کا فیصلہ کیا ہے۔ آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود دینے کا فیصلہ کیا گیا ہے۔ ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔
پنجاب کے وزیر ٹرانسپورٹ بلال اکبر خان نے کہا کہ ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت دی جائے گی، رجسٹریشن سمیت دیگر مراعات بھی دی جائیں گی۔ صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیئے جانے کی توقع ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ