کراچی: بارش کی پیشگوئی، اقدامات کا آغاز، 60 پروازوں کو تاخیر کا سامنا
اشاعت کی تاریخ: 25th, June 2025 GMT
— فائل فوٹو
بارشوں کی پیشگوئی پر کراچی ایئرپورٹ انتظامیہ کی جانب سے اقدامات کا آغاز کر دیا گیا ہے۔
پاکستان ایئرپورٹس اتھارٹی نے کراچی ایئرپورٹ پر تمام اداروں کو مون سون کے دوران چوکس رہنے کی ہدایت جاری کر دی ہے۔
ایئرپورٹس اتھارٹی کے مطابق بارش کے دوران کیڑوں کی افزائش سے پرندوں کی سرگرمی بڑھنے کا خدشہ ہے لہٰذا ایئر سائیڈ پر انسپکٹرز اور برڈ کنٹرول اہلکاروں کی تعیناتی یقینی بنائی جائے۔
پاکستان ایئرپورٹس اتھارٹی نے ہدایت جاری کرتے ہوئے کہا ہے کہ کھلی اشیاء اور سازو سامان کو محفوظ طریقے سے باندھنے یا ذخیرہ کرنے، ہلکے طیارے محفوظ جگہ منتقل یا باندھنے کے اقدامات اور بارش کے پانی کی مؤثر نکاسی کے لیے باڑ کے باہر رکاوٹیں دور کی جائیں۔
ایئرپورٹس اتھارٹی نے تمام بیکن لائٹس اور پولز محفوظ اور آپریشنل رکھنے، ایئر فیلڈ لائٹنگ ٹیم کو تمام روشنیوں کی درستگی یقینی بنانے کی ہدایت کی ہے۔
قومی ایئر لائن کا بھی خلیج کے لیے فلائٹ آپریشن بحال ہوگیا تاہم پروازوں میں 4 سے 13 گھنٹے تاخیر ہے۔
دوسری جانب خلیج بحران کے بعد پاکستان کے فلائٹ آپریشن میں بہتری آنے کے بعد آج کوئی پرواز منسوخ نہیں ہوئی۔ تاہم کراچی، لاہور، اسلام آباد سمیت مختلف ایئرپورٹس کی 60 پروازوں کو تاخیر کا سامنا ہے۔
موسمی خرابی پر مسقط سے سیالکوٹ آنے والی پرواز او وی 505 کو ملتان لینڈ کرایا گیا جبکہ اسلام آباد کی 17، لاہور کی 16، کراچی کی 14 پروازوں کی آمد و روانگی میں تاخیر کا امکان ہے۔
اس کے علاوہ پشاور کی 5، سیالکوٹ کی 3، فیصل آباد، کوئٹہ، ملتان کی دو دو پروازوں میں تاخیر متوقع ہے۔
اسلام آباد سے دوحہ، دمام، شارجہ، ریاض کی پروازوں میں 6 سے 9 گھنٹے تاخیر کا خدشہ ہے۔
متبادل لینڈنگ کی وجہ سے سیالکوٹ سے مسقط جانے والی پرواز او وی 506 میں 7 گھنٹے تاخیر کا سامنا ہے جبکہ قومی ایئر کی جدہ سے کراچی کی پرواز پی کے 731 میں 7 گھنٹے تاخیر کا سامنا ہے۔
.
ذریعہ
ذریعہ: Jang News
کلیدی لفظ: ایئرپورٹس اتھارٹی تاخیر کا سامنا گھنٹے تاخیر
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی