ملازمہ یا ملکہ؟ گھر میں کام کرنے والی خاتون کی کروڑوں کی جائیداد کا راز فاش
اشاعت کی تاریخ: 25th, June 2025 GMT
کراچی(نیوز ڈیسک)کراچی کے علاقے خیابان تنظیم میں گھر سے 5 کروڑ روپے کی چوری کا واقعہ پیش آیا جس کے بعد پولیس نے تفتیش کے لیے گھر میں کام کرنے والی خاتون کو حراست میں لیا، تفتیش کے بعد نہ صرف یہ کہ خاتون چوری میں ملوث پائی گئی بلکہ ماسی کی جائیدادوں اور شاہانہ طرز زندگی کے حوالے سے ہوشربا انکشافات بھی سامنے آئے۔
پولیس کے مطابق گرفتار کروڑ پتی ماسی کی جائیدادیں سامنے آگئیں ہیں، ملزمہ 5 گاڑیوں، 3 موٹر سائیکلوں، 3 فلیٹس اور دکان کی مالکن نکلی جبکہ ملزمہ کے بینک اکاؤنٹس میں بھی تقریباً 40 لاکھ روپے موجود ہیں۔
پولیس نے مزید بتایا کہ گرفتار ملازمہ کا رکھا گیا ملازم بھی گرفتار کرلیا گیا ہے، شہناز ماسی حیرت انگیز طور پر شاہانہ طرز زندگی گزار رہی تھی اور بنگلے میں کام کے بعد مال میں شاپنگ، کیفے میں شامیں گزارتی تھیں۔
پولیس نے کہا کہ ملزمہ 15 سال کے دوران 5 کروڑ سے زائد روپے بنگلے کے مخصوص کمرے سے نکالتی رہی اور چوری کے پیسوں سے گاڑیاں، فلیٹس، دکان اور موٹر سائیکلیں خریدیں، ملزمہ خریدی گئی گاڑیاں کرائے پر چلوا کر اچھی خاصی آمدن کما رہی تھی جبکہ زیر استعمال فلیٹس کے علاوہ دیگر 2 فلیٹس بھی کرایہ پر دیے گئے تھے۔
تفتیشی حکام کا کہنا ہے کہ ملزمہ ملازمت کے بعد 65 لاکھ کی گاڑی میں سیر سپاٹے کرتی تھی، گرفتار ملزمہ کو برانڈڈ کپڑوں کا شوق بھی تھا، ماسی نے حماد نامی شخص کو بطور ملازم اپنے پاس رکھا ہوا تھا جو ملزمہ کے ڈرائیور کے طور پر بھی خدمات انجام دیتا رہا۔
پولیس کے مطابق گرفتار ماسی کی گاڑیوں، فلیٹس کی قیمت کروڑوں روپے ہے، ملزمہ نے اپنے بیٹے اور ساتھی ملزم آصف کو دکان بھی کھول کر دی، چوری کیے گئے رقم میں سے 6 لاکھ ملزمہ کے گھر سے برآمد کیے گئے ہیں اور گرفتار ملزمہ کے ساتھیوں کی تلاش جاری ہے جبکہ ملزمہ کےآبائی علاقے میں جائیدادوں کی تفصیلات بھی حاصل کی جارہی ہیں۔
مزیدپڑھیں:اسرائیل کے خلاف پوسٹ پر برطرف ہونیوالی آسٹریلوی خاتون صحافی بارے بڑی خبرآگئی
ذریعہ: Daily Ausaf
کلیدی لفظ: ملزمہ کے کہ ملزمہ کے بعد
پڑھیں:
ملکہ کمیلا کا سوتیلے بیٹے شہزادہ ہیری اور ان کی اہلیہ کو معاف کرنے سے انکار
برطانیہ کی ملکہ کمیلا پارکر نے شہزادہ ہیری اور ان کی اہلیہ میگھن مارکل کے حوالے سے شاہ چارلس کی مفاہمتی کوششوں کو مسترد کر دیا۔
یہ بھی پڑھیں: کیا شاہ چارلس کے چھوٹے بیٹے ہیری اپنا شاہی کردار دوبارہ حاصل کرلیں گے؟
غیرملکی میڈیا نے دعویٰ کیا ہے کہ ملکہ کمیلا نے اپنے شوہر شاہ چارلس کے چھوٹے بیٹے شہزادہ ہیری کی جانب سے ان پر اور شاہی خاندان پر کیے گئے ’ذاتی حملوں‘ کو ناقابلِ معافی قرار دیا ہے۔
امریکی ویب سائٹ ریڈار آن لائن کی رپورٹ کے مطابق 78 سالہ ملکہ کمیلا نے قریبی حلقوں میں واضح طور پر کہہ دیا ہے کہ وہ شہزادہ ہیری کو کبھی معاف نہیں کریں گی کیونکہ انہوں نے اپنے انٹرویوز اور خاص طور پر سنہ 2023 میں شائع ہونے والی کتاب ’اسپیئر‘ میں ان کی شہرت کو شدید نقصان پہنچایا۔
حملے ذاتی نوعیت کے تھےملکہ کے قریبی ذرائع کا کہنا ہے کہ ہیری کے الزامات کمیلا کے لیے بہت ذاتی نوعیت کے تھے۔ وہ اپنی زندگی کے بیشتر حصے میں تنقید برداشت کرتی آئی ہیں مگر یہ کہ شاہی خاندان کے فرد نے جو انہیں چالاک اور خطرناک قرار دیا وہ ان کے لیے ناقابل قبول ہے۔
مزید پڑھیے: بیلجیئم کی شہزادی کی جانب سے پرنس ہیری کی حمایت، کنگ چارلس سے صلح کی کوششوں پر تبصرہ
ملکہ کمیلا سمجھتی ہیں کہ شہزادہ ہیری کی جانب سے کہے گئے الفاظ نے ان کی ساکھ کو ہمیشہ کے لیے نقصان پہنچایا ہے۔
شہزادہ ہیری نے اپنی سوانح عمری ’اسپیئر‘ میں اپنی مرحوم والدہ لیڈی ڈیانا کی سوکن ملکہ کمیلا کو ’ولن‘ قرار دیتے ہوئے دعویٰ کیا تھا کہ انہوں نے اپنی عوامی شبیہ کو بہتر بنانے کے لیے میڈیا سے تعلقات بنائے اور کہانیاں لیک کیں۔
ایک انٹرویو میں ہیری نے کمیلا کو خطرناک قرار دیتے ہوئے کہا تھا کہ مجھے حتیٰ کہ یہ بھی خواہش تھی کہ کمیلا خوش رہیں اور شاید وہ خوش ہوتیں تو اتنی خطرناک نہ ہوتیں۔
مزید پڑھیں: 19 ماہ بعد کنگ چارلس سے ملاقات میں کیا باتیں ہوئیں؟ پرنس ہیری نے تفصیل بتادی
انہوں نے مزید کہا کہ اپنی شبیہ کو بہتر بنانے کی ضرورت نے انہیں میڈیا کے ساتھ ایسی ڈیلز کرنے پر مجبور کیا جو انہیں خطرناک بناتی تھیں۔
شاہی خاندان میں تقسیمان الزامات کے بعد شاہ چارلس اپنے بیٹے ہیری سے تعلقات بہتر بنانے کے خواہاں ہیں مگر ملکہ کمیلا کی جانب سے ملنے والا ردعمل شاہی خاندان میں جاری کشیدگی کو مزید بڑھا سکتا ہے۔
یہ بھی پڑھیے: اپنے والد اور بھائی کو واپس چاہتا ہوں: شہزادہ ہیری
ملکہ کمیلا اس معاملے میں کوئی نرمی دکھانے کے لیے تیار نہیں اور شاہ چارلس کی مفاہمتی کوششیں ملکہ کے سخت مؤقف کی وجہ سے کامیاب ہوتی نظر نہیں آ رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ چارلس شاہی خاندان میں رنجشیں شہزادہ ہیری ملکہ کمیلا میگھن مارکل
لیبیا میں تارکینِ وطن کی کشتی الٹنے سے 61 افراد جاں بحق