ایس آئی یو نے کراچی سے ’را‘ کے 4 ایجنٹ گرفتار کرلیے
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: اسپیشل انویسٹی گیشن یونٹ (ایس آئی یو) نے قائد آباد سے بھارتی خفیہ ایجنسی ’را‘ کے لیے کام کرنے والے چار دہشتگردوں کو گرفتار کر لیا۔
کراچی میں پریس کانفرنس کے دوران ایس ایس پی ایس آئی یو شعیب میمن نے بتایا کہ گرفتار دہشتگرد قائد آباد کے علاقے سے پکڑے گئے اور یہ تمام افراد بھارتی ایجنسی ’را‘ سے منسلک ہیں۔ انہوں نے مزید بتایا کہ یہ دہشتگرد 2024 میں سجاول کے راستے بھارت گئے تھے جہاں انہوں نے دہشتگردی کی تربیت حاصل کی۔
ایس ایس پی کے مطابق گرفتار افراد بھارت میں ایک کرنل سے مسلسل رابطے میں تھے، اور ان کے موبائل فونز سے ملک دشمن مواد بھی برآمد ہوا ہے۔
.ذریعہ: Jasarat News
پڑھیں:
تین وفاقی جامعات کراچی میں آچکیں، حیدر آباد میں بھی یونیورسٹی قائم ہوچکی، خالد مقبول
وفاقی وزیر تعلیم و پیشہ وارانہ تربیت ڈاکٹر خالد مقبول صدیقی نے کہا ہے کہ 10 میں سے تین وفاقی جامعات اب تک کراچی میں آچکی ہیں، جب کہ حیدر آباد میں بھی 70 برس بعد یونیورسٹی قائم ہوچکی ہے۔
انھوں نے کہا ہم مزید جامعات اس شہر میں لیکر آئیں گے، چیرمین ایچ ای سی کے اشتہار میں تاخیر اس لیے ہوئی ہے کہ انٹرنیشنل امیدواروں کے لیے بیرون ملک بھی اشتہار شائع کرنا چاہتے ہیں۔
ڈاکٹر خالد مقبول صدیقی نے کہا وفاقی اردو یونیورسٹی کے لیے اسپیشل گرانٹ سے متعلق سمری بھیج دی ہے، جلد گرانٹ جائے گی۔
انھوں نے ان خیالات کا اظہار جامعہ کراچی کے شعبہ سماجی بہبود کے زیر اہتمام ایک روزہ کانفرنس بعنوان "معذور افراد کے لیے پیشہ ور سوشل ورکرز کا کردار" کی افتتاحی تقریب سے خطاب کرتے ہوئے کیا۔
تقریب سے جامعہ کراچی کے وائس چانسلر ڈاکٹر خالد محمود عراقی نے بھی خطاب کیا۔
اس موقع پر اراکین قومی اسمبلی کشور زہرہ، امین الحق، فرحان چشتی اور وفاقی سرچ کمیٹی کے رکن ڈاکٹر اورنگ زیب بھی موجود تھے۔
وفاقی وزیر نے تعلیم نے کہا کہ یہ شہر چلتا ہے تو یہ ملک چلتا ہیں، جب کہ جامعہ کراچی اس شہر کا مرکز ہے۔
عبدالجوشی کی قیادت میں ملکی کوہ پیماؤں نے تاریخ میں پہلی بار تریچمیر کی چوٹی سر کرلی