پنجاب: بارشوں کے باعث مختلف حادثات میں 5 اموات، 25 افراد زخمی
اشاعت کی تاریخ: 26th, June 2025 GMT
---فائل فوٹو
صوبۂ پنجاب میں بارشوں کے باعث مختلف حادثات میں 3 بچیوں سمیت 5 افراد جاں بحق جبکہ 25 سے زائد افراد زخمی ہوگئے۔
پنجاب کے مختلف علاقوں میں گزشتہ رات سے جاری مون سون کی پہلی بارش سے درجۂ حرارت میں واضح کمی آ گئی ہے اور موسم سہانا ہونے کے ساتھ ساتھ ٹھنڈی ہوائیں چلنے سے حبس کا بھی خاتمہ ہوگیا۔
دوسری جانب ریسکیو کے حکام کے مطابق چھتیں گرنے سمیت دیگر واقعات میں 5 افراد جاں بحق اور 25 سے زائد افراد زخمی ہوچکے ہیں۔
قصور کے موضع کوٹ پیراں میں چھت گرنے سے 2 بہنیں، 8 سالہ ارفع اور 4 سالہ فروا جاں بحق ہوگئی۔
پنجاب کے ریسکیو حکام کے مطابق اوکاڑہ میں بستی ریاض آباد میں چھت گرنے سے 5 سال کی دعا فاطمہ جاں بحق جبکہ آسمانی بجلی گرنے سے ایک شخص زخمی ہوگیا۔
شہر جہلم اور سوہاوہ میں ایک شخص برساتی نالے میں ڈوب گیا جبکہ 2 زخمی افراد کے بہہ جانے پر سرچ آپریشن جاری ہے۔
ترجمان ریسکیو کے مطابق دیپالپور میں ایک شخص جبکہ شیخ بستی میں چھت گرنے سے ایک لڑکی زخمی ہو گئی۔
اسی طرح جڑانوالہ 240 موڑ کے علاقے میں چھت گرنے سے ایک شخص، ساہیوال کے نواحی گاؤں میں 2 افراد، قصور، کوٹ پیراں اور تلونڈی میں چھت گرنے سے 2 افراد جبکہ لاہور بابو صابو میں ٹریفک حادثے میں ایک شخص زخمی ہو گیا۔
ریسکیو کے ترجمان کے مطابق منڈی بہاؤالدین اور ملکوال میں 2 بچے کرنٹ لگنے سے زخمی ہو گئے۔
وزیرِ اعلیٰ پنجاب کا لاہور کے مختلف علاقوں کا دورہدوسری جانب وزیرِ اعلیٰ پنجاب مریم نواز نے بارش کے دوران لاہور کے مختلف علاقوں کا دورہ کیا ہے اور بارش سے شہر کی صورت حال کا جائزہ لیا۔
وزیراعلیٰ پنجاب نے بارش کے پانی کی بروقت نکاسی پر اطمینان کا اظہار کیا ہے۔
ترجمان پی ڈی ایم اے کا بیاندوسری جانب ترجمان پی ڈی ایم اے پنجاب کے مطابق فیصل آباد میں اب تک سب سے زیادہ 98 ملی میٹر بارش ریکارڈ کی گئی۔ قصور میں 63، لاہور میں 58، شیخوپورہ 50، جوہرآباد 48، سرگودھا 45، چکوال 28، چنیوٹ 22، راولپنڈی 18، نارووال 17، اٹک 12 جبکہ گجرات اور میانوالی میں 10/10 ملی میٹر بارش ہوئی۔
اُدھر قصور، ننکانہ، پھولنگر اور چونیاں سمیت دیگر شہروں میں سڑکیں اور گلیاں ندی نالوں کا منظر پیش کرنے لگیں ہیں۔
ریسکو حکام کے مطابق بارش کے دوران کئی علاقوں کے فیڈرز ٹرپ کر گئے، بارش رکتے ہی بجلی کی بحالی کا کام شروع کر دیا جائے گا۔
پی ڈی ایم اے پنجاب کے ترجمان کا کہنا ہے کہ مون سون بارشوں کا موجودہ سلسلہ یکم جولائی تک جاری رہے گا۔
.ذریعہ: Jang News
کلیدی لفظ: میں چھت گرنے سے پنجاب کے کے مطابق ایک شخص
پڑھیں:
کراچی: کانگو وائرس سے ایک اور شہری جاں بحق، رواں سال اموات کی تعداد تین ہوگئی
data-id="863a0a8" data-element_type="widget" data-widget_type="theme-post-content.default">
کراچی: سندھ میں کانگو وائرس نے ایک اور جان لے لی، رواں سال اس وائرس کے نتیجے میں صوبے میں اموات کی تعداد 3 ہو گئی ہے۔
نجی ٹی وی کی رپورٹ کے مطابق شہر میں کانگو وائرس سے ایک اور موت واقع ہوگئی ہے۔ 28 سالہ زبیر، جو لانڈھی کا رہائشی اور پیشے کے اعتبار سے قصاب تھا، جناح اسپتال میں زیرِ علاج رہنے کے بعد جان کی بازی ہار گیا۔
رپورٹ کے مطابق اسپتال حکام کا کہنا ہے کہ مریض کو دو روز قبل تیز بخار اور پیٹ میں شدید تکالیف کے باعث اسپتال لایا گیا تھا، جہاں آج صبح اس میں کانگو وائرس کی باضابطہ تصدیق ہوئی۔
اس سے قبل جون 2025 میں شہر میں دو شہری کانگو وائرس کے باعث انتقال کرچکے تھے۔ 16 جون کو ملیر کے رہائشی 42 سالہ عبدالرؤف کا انتقال ہوا، جبکہ دو دن بعد 19 جون کو ابراہیم حیدری کا 22 سالہ نوجوان زبیر لکھیو بھی اس مہلک وائرس کا شکار ہو کر جان کی بازی ہار گیا تھا۔
رپورٹ کے مطابق اس طرح صوبے میں رواں برس اب تک اس خطرناک وائرس سے تین افراد جاں بحق ہو چکے ہیں، جولائی 2025 میں بھی 33 سالہ ایک مریض میں کانگو وائرس کی تشخیص کی گئی تھی، تاہم وہ بروقت علاج سے صحتیاب ہوگیا تھا۔
ماہرین صحت کا کہنا ہے کہ کانگو وائرس نہ صرف جانوروں سے انسانوں میں منتقل ہوتا ہے بلکہ یہ متاثرہ مریض کے خون یا جسمانی رطوبات سے قریبی رابطے کے ذریعے انسان سے انسان تک بھی پھیل سکتا ہے۔
عالمی ادارہ صحت (ڈبلیو ایچ او) کے مطابق اس مرض کی علامات اچانک ظاہر ہوتی ہیں جن میں بخار، پٹھوں اور کمر کا درد، چکر آنا، گردن کی اکڑن، سر درد، آنکھوں میں جلن اور روشنی سے حساسیت شامل ہیں۔
شہریوں کو مشورہ دیا گیا ہے کہ عیدالاضحی کے بعد خصوصاً جانوروں کے ساتھ کام کرنے والے افراد خصوصی احتیاط برتیں اور کسی بھی مشتبہ علامت کی صورت میں فوری طور پر اسپتال سے رجوع کریں۔
پاکستان میں پولیو کے اور کیس کی تصدیق، رواں سال کیسز کی تعداد 27 ہوگئی