پاکستان کا عالمی یوم حمایت متاثرینِ تشدد پر ظلم و ستم کے شکار افراد سے اظہارِ یکجہتی
اشاعت کی تاریخ: 26th, June 2025 GMT
عالمی یوم حمایت متاثرینِ تشدد کے موقع پر پاکستان نے دنیا بھر میں تشدد کا شکار افراد سے یکجہتی کا اظہار کرتے ہوئے انسانی وقار کے تحفظ اور تشدد کے خاتمے کے عزم کا اعادہ کیا ہے۔
دفتر خارجہ کی جانب سے جاری کردہ ایک بیان میں کہا گیا کہ اسلام ہر انسان کی حرمت اور وقار کو مقدم رکھتا ہے اور تشدد یا غیر انسانی و توہین آمیز سلوک اسلامی تعلیمات میں عدل، رحم اور ہمدردی کے بنیادی اصولوں کے منافی ہے۔
یہ بھی پڑھیں:
پاکستان نے اس موقع پر واضح کیا کہ وہ نہ صرف اسلامی اقدار بلکہ اپنی بین الاقوامی ذمہ داریوں کے تحت بھی تشدد کے خاتمے اور تمام افراد کے تحفظ کے لیے پرعزم ہے۔
’اس مقصد کے لیے پاکستان میں قانونی اصلاحات، ادارہ جاتی تحفظات اور نگرانی کے نظام کو مضبوط کیا جا رہا ہے، جب کہ متاثرین کو طبی، قانونی اور نفسیاتی مدد فراہم کرنے کے لیے اقدامات جاری ہیں۔‘
مزید پڑھیں:
ترجمان دفتر خارجہ نے دنیا بھر میں بالخصوص مقبوضہ فلسطینی علاقوں اور بھارت کے زیر قبضہ جموں و کشمیر میں ریاستی تشدد اور غیر انسانی سلوک پر شدید تشویش کا اظہار کرتے ہوئے کہا کہ قابض طاقتیں کشمیریوں اور فلسطینیوں کے حق خود ارادیت کو دبانے کے لیے بدترین تشدد اور اذیت ناک سلوک روا رکھے ہوئے ہیں۔
پاکستان نے عالمی برادری سے مطالبہ کیا کہ وہ ان قابض قوتوں کے مظالم کی مذمت کرے، ان کا احتساب کرے اور متاثرین کی داد رسی کے لیے عملی اقدامات کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادارہ جاتی تحفظات انسانی وقار پاکستان جموں و کشمیر دفتر خارجہ ریاستی تشدد غیر انسانی سلوک قانونی اصلاحات متاثرینِ تشدد مقبوضہ فلسطین یوم حمایت.ذریعہ: WE News
کلیدی لفظ: ادارہ جاتی تحفظات پاکستان دفتر خارجہ ریاستی تشدد غیر انسانی سلوک قانونی اصلاحات متاثرین تشدد مقبوضہ فلسطین یوم حمایت کے لیے
پڑھیں:
بجٹ کی منظوری میں حکومتی اتحاد کی یکجہتی پر وزیراعظم شہباز شریف کا اظہارِ اطمینان
کابینہ اجلاس سے خطاب کرتے ہوئے وزیراعظم شہباز شریف کا کہنا تھا کہ رواں مالی سال کے بجٹ پر بھرپور محنت پر وزیر خزانہ اور ان کی پوری ٹیم قابلِ تحسین ہے، انہوں نے بجٹ کی منظوری کے عمل میں حکومت، اتحادی جماعتوں اور نائب وزیراعظم کی سنجیدہ کاوشوں کو بھی سراہا۔
وزیراعظم نے کہا کہ اس بار قومی اسمبلی میں حکومتی ارکان کی تعداد اطمینان بخش ہے اور تمام ارکان بجٹ کی منظوری کے لیے بہترین انداز میں کام کر رہے ہیں۔ انہوں نے صدر مملکت آصف علی زرداری اور پیپلز پارٹی کے چیئرمین بلاول بھٹو زرداری کا بھی شکریہ ادا کیا جنہوں نے بجٹ کی تیاری اور منظوری میں فعال کردار ادا کیا۔
یہ بھی پڑھیں: بجلی کی قیمتوں میں کمی کے جامع پیکج کا جلد اعلان کیا جائے گا، وزیر اعظم شہباز شریف
بین الاقوامی امور پر گفتگو کرتے ہوئے وزیراعظم نے ایران اور اسرائیل کے درمیان حالیہ جنگ بندی کو خوش آئند قرار دیا۔ انہوں نے کہا کہ ایران نے پاکستان کا کھلے دل سے شکریہ ادا کیا اور ہماری عسکری، سیاسی اور عوامی حمایت کی جو پذیرائی ملی، اس کی ماضی میں مثال نہیں ملتی۔
وزیراعظم نے مزید بتایا کہ آرمی چیف فیلڈ مارشل عاصم منیر نے استنبول میں ایرانی وزیر خارجہ سے اہم ملاقات کی، جس سے دونوں ممالک کے تعلقات مزید مضبوط ہوئے۔
مزید پڑھیں: بلوچستان کی ترقی کے لیے ہر ممکن تعاون کیا جائے گا، وزیر اعظم شہباز شریف
وزیراعظم شہباز شریف نے کہا کہ فیلڈ مارشل عاصم منیر کی قائدانہ صلاحیتوں کے نہ صرف ہم معترف ہیں بلکہ امریکی صدر نے بھی ان کی تعریف کھلے دل سے کی ہے۔ انہوں نے کہا کہ پاک فوج ’فتنۃ الخوارج‘ کو مؤثر انداز میں کاری ضرب لگا رہی ہے، جو ملک کے امن و استحکام کے لیے نہایت ضروری ہے۔
محرم الحرام کی آمد کے تناظر میں وزیراعظم نے تمام شہریوں سے مجالس اور جلوسوں میں امن و بھائی چارے کا مظاہرہ کرنے کی اپیل کی۔ انہوں نے کہا کہ بجٹ کی منظوری کے بعد ملک کو اقتصادی ترقی کی راہ پر مزید گامزن کیا جائے گا۔
وزیراعظم کا کہنا تھا کہ نئے مالی سال میں معیشت کو مزید بہتر بنانے کے لیے ٹھوس اقدامات کیے جائیں گے، تاکہ عوام کو ریلیف فراہم کیا جا سکے اور ترقی کا سفر جاری رکھا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف بجٹ حکومتی اتحاد خطاب شہباز شریف وزیر اعظم وفاقی کابینہ
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی