ڈونلڈ ٹرامپ نے ایران پر عائد کچھ پابندیوں میں نرمی کی ہے، اسٹیو ویٹکاف کا دعویٰ
اشاعت کی تاریخ: 26th, June 2025 GMT
اپنے ایک انٹرویو میں امریکی صدر کے نمائندہ خصوصی کا کہنا تھا کہ ڈونلڈ ٹرامپ کو عوامی رائے اور مختلف مسائل پر لوگوں کے جذبات کو بھانپنے کی خاص صلاحیت حاصل ہے۔ اسلام ٹائمز۔ اسٹیو ویٹکاف نے CNBC نیٹ ورک کو انٹرویو دیتے ہوئے دعویٰ کیا کہ واشنگٹن کی جانب سے ایران پر لگائی گئی پابندیوں میں سے کچھ میں نرمی برتی گئی ہے جس میں چین کو تیل فروخت کرنے کی اجازت شامل ہے۔ انہوں نے کہا کہ پابندیوں میں نرمی کا فیصلہ، امریکی صدر کی جانب سے ایک دانشمندانہ قدم ہے۔ انہوں نے ڈونلڈ ٹرامپ کی جانب سے ایران کے تیل کی برآمدات پر لگائی گئی پابندیاں ہٹانے کے فیصلے کا حوالہ دیتے ہوئے اس اقدام کو چین کے لئے ایک واضح پیغام قرار دیا جس سے ظاہر ہوتا ہے کہ امریکہ، چین کے ساتھ اقتصادی تعاون اور تناؤ کم کرنے کا خواہاں ہے۔ اسٹیو ویٹکاف نے کہا کہ میرے خیال میں یہ صدر کی جانب سے ایک اشارہ تھا۔ انہیں عوامی رائے اور مختلف مسائل پر لوگوں کے جذبات کو بھانپنے کی خاص صلاحیت حاصل ہے۔ درحقیقت، یہ اقدام چینیوں کو یہ پیغام دینے کی کوشش تھی کہ ہم آپ کی معیشت کو نقصان پہنچانے کا ارادہ نہیں رکھتے بلکہ آپ کے ساتھ تعاون کرنا چاہتے ہیں۔
واضح رہے کہ اسٹیو ویٹکاف، امریکی صدر کے نمائندہ خصوصی برائے امور مشرق وسطیٰ ہیں۔ اسٹیو ویٹکاف نے اپنے انٹرویو میں مزید کہا کہ ڈونلڈ ٹرامپ، چین کی طرح ایران کو بھی اسی خیر سگالی کا پیغام دینا چاہتے ہیں اور ہمیں امید ہے کہ یہ پیغام کسی نہ کسی طرح ایرانیوں تک پہنچے گا۔ انہوں نے کہا کہ میں نہیں جانتا کہ یہ واقعی ایک غیر متوقع اقدام تھا یا نہیں، تاہم میں صدر ٹرمپ سے ایسے ہی عقلمندانہ اقدامات کی توقع رکھتا ہوں جو لوگوں کو سوچنے پر مجبور کر دیں اور وہ کہیں کہ یہ واقعی ایک شاندار معاشی چال تھی۔ قابل غور بات یہ ہے کہ ڈونلڈ ٹرامپ نے ایران اور صہیونی رژیم کے درمیان جنگ بندی کا اعلان کرنے کے بعد، ایران پر سخت پابندیوں کے برعکس یہ بیان دیا کہ چین اب ایران سے تیل خرید سکتا ہے۔ جس پر کچھ ماہرین کا خیال ہے کہ ڈونلڈ ٹرامپ نے ایسے بیانات جنگ کو روکنے میں آسانی کے لیے دیے تھے۔ دوسری جانب بعض ذرائع ابلاغ سے گفتگو میں وائٹ ہاؤس کے ایک اعلیٰ عہدیدار نے واضح کیا کہ ایران پر پابندیاں اب بھی برقرار ہیں۔ انہوں نے کہا کہ ڈونلڈ ٹرامپ اب بھی چین اور دیگر ممالک سے مطالبہ کرتے ہیں کہ وہ ایران کے بجائے امریکی تیل درآمد کریں۔
ذریعہ: Islam Times
کلیدی لفظ: کہ ڈونلڈ ٹرامپ اسٹیو ویٹکاف کی جانب سے نے کہا کہ انہوں نے ایران پر
پڑھیں:
پاکستان نے ٹرمپ کے سامنے اپنے پتے بہترین طریقے سے استعمال کیے، بلوم برگ
امریکی جریدے بلوم برگ کا کہنا ہے کہ پاکستان ڈونلڈ ٹرمپ کا پسندیدہ ملک بنا ہوا ہے جبکہ بھارت کو دباؤ کا سامنا ہے، پاکستان نے ٹرمپ کے سامنے اپنے پتے بہترین طریقے سے استعمال کیے ہیں۔
اپنی رپورٹ میں امریکی جریدے نے کہا کہ پاکستان ان چند ملکوں میں شامل ہے جن کا امریکا سے تجارتی معاہدہ طے پایا ہے، ٹرمپ انتظامیہ اور پاکستان کے درمیان رابطوں کا آغاز پاک بھارت جنگ کے دوران ہوا۔
جنگ کے آخری دنوں میں ایران نے اسرائیل کی بہت مار لگائی، امریکی صدر ڈونلڈ ٹرمپڈونلڈ ٹرمپ نے کہا کہ ایران کے بیلاسٹک میزائلوں نے اسرائیل میں کافی تباہی مچائی، بہت عمارتیں تباہ کیں۔
بلوم برگ کا کہنا ہے کہ پاکستان نے ٹرمپ کے جنگ بندی اعلان کا خیر مقدم کیا، بھارت نے جنگ بندی کروانے کی تردید کی۔
امریکی جریدے نے مزید کہا کہ پاکستان کے پاس ایسے اثاثے موجود ہیں جو امریکی مفادات کیلئے مفید ہوسکتے ہیں، پاکستان کے پاس دنیا کے سب سے بڑے سونے اور تانبے کے اب تک دریافت نہ کیے گئے ذخائر موجود ہیں۔
پاک-چین بزنس ٹو بزنس تعاون سے سی پیک کا دائرہ وسیع ہوگا، احسن اقبال