مجالس، جلوسوں کی ڈرون کوریج پر پابندی، خلاف ورزی پر کارروائی ہوگی، مریم نواز
اشاعت کی تاریخ: 27th, June 2025 GMT
لاہور میں اپنے ایک بیان میں وزیراعلیٰ پنجاب کا کہنا تھا کہ محرم الحرام ہمیں نواسہ رسولؐ حضرت امام حسینؓ کی عظیم قربانی کی یاد دلاتا ہے، حضرت امام حسینؓ کا پیغام ہر دور کے مظلوم کو حوصلہ دیتا ہے اور ظالم کو للکارتا ہے، عوام سے اپیل ہے کہ محرم الحرام کے مقدس مہینے میں اختلافات اور تفرقہ بازی سے گریز کیا جائے۔ اسلام ٹائمز۔ وزیر اعلیٰ پنجاب مریم نواز نے کہا ہے کہ محرم الحرام کے دوران مجالس اور جلوسوں کی ڈرون کوریج پر مکمل پابندی ہے، خلاف ورزی پر کارروائی ہوگی۔ امن و امان کے حوالے سے حکومتی اقدامات پر روشنی ڈالتے ہوئے وزیراعلیٰ پنجاب مریم نواز شریف نے بتایا کہ پنجاب حکومت نے محرم الحرام کے دوران امن و امان کو یقینی بنانے کیلئے غیر معمولی انتظامات کئے ہیں، سوشل میڈیا پر فرقہ واریت اور نفرت انگیزی پھیلانے والوں کے خلاف سخت کارروائی کی جائے گی اور ان سے آہنی ہاتھوں سے نمٹا جائے گا۔ مریم نواز شریف نے واضح کیا کہ مجالس اور جلوسوں کی ڈرون کوریج پر مکمل پابندی عائد کی گئی ہے اور خلاف ورزی پر قانونی کارروائی کی جائے گی، ہم دشمن کے ہر حربے سے باخبر بھی ہیں اور متحد بھی۔
دوسری جانب وزیر اعلیٰ پنجاب مریم نواز شریف نے محرم الحرام کے آغاز اور نئے اسلامی سال 1447ھ کے موقع پر امت مسلمہ کو مبارکباد دیتے ہوئے دعا کی ہے کہ نیا ہجری سال پاکستان، عالم اسلام اور پوری دنیا کیلئے امن، سلامتی، ترقی اور خوشحالی کا پیغام لے کر آئے۔ اپنے خصوصی پیغام میں وزیراعلیٰ پنجاب نے کہا کہ دعا ہے نیا اسلامی سال امت مسلمہ کیلئے وحدت، اتحاد اور اخوت کا پیامبر ثابت ہو، اللہ تعالیٰ نئے ہجری سال 1447ھ کو پاکستان کیلئے ترقی، خوشحالی اور امن کا سال بنائے، نیا ہجری سال پوری انسانیت کیلئے سکون، خوشیاں اور برکتیں لے کر آئے۔
انہوں نے مزید کہا ہے کہ محرم الحرام ہمیں نواسہ رسولؐ حضرت امام حسینؓ کی عظیم قربانی کی یاد دلاتا ہے، حضرت امام حسینؓ کا پیغام ہر دور کے مظلوم کو حوصلہ دیتا ہے اور ظالم کو للکارتا ہے، عوام سے اپیل ہے کہ محرم الحرام کے مقدس مہینے میں اختلافات اور تفرقہ بازی سے گریز کیا جائے اور برداشت، رواداری اور بھائی چارے کو فروغ دیا جائے۔
ذریعہ: Islam Times
کلیدی لفظ: ہے کہ محرم الحرام محرم الحرام کے مریم نواز
پڑھیں:
پنجاب: چیف منسٹر آئی ٹی انٹرن شپ پروگرام کا آغاز
— فائل فوٹوحکومت پنجاب کے ترجمان کا کہنا ہے کہ چیف منسٹر آئی ٹی انٹرن شپ پروگرام کا آغاز کردیا گیا ہے۔ 5 ماہ کی انٹرن شپ کے دوران 50 ہزار روپے ماہانہ اسکالر شپ دی جائے گی۔
ترجمان کے مطابق وزیراعلیٰ پنجاب مریم نواز کا کہنا ہے کہ پنجاب کو آئی ٹی کا حب بنا کر ترقی کی نئی راہوں پر گامزن کر رہے ہیں، نواز شریف آئی ٹی سٹی گیم چینجر منصوبہ ثابت ہوگا۔
ترجمان نے کہا کہ آئی ٹی گریجویٹس کو آئی ٹی کمپنیوں کے ساتھ منسلک کیا جائے گا۔ اس انٹرن شپ سے ایکسپرٹ ماہرین سے استفادہ کرنے کا نادر موقع بھی ملے گا۔
ترجمان کا کہنا ہے کہ آئی ٹی گریجویٹس اسکلز اور ٹیکنالوجی میں ٹریننگ حاصل کرسکیں گے۔ آئی ٹی گریجویٹ 4 سال میں ڈگری مکمل کر کے آن لائن اپلائی کرسکتے ہیں۔
اجتماعِ عام منظم اور باوقار اجتماعیت کا مظہر ہوگا، شگفتہ ابراہیم