قومی اسکواش چمپئن شپ، سیڈڈ کھلاڑیوں کی شاندار فتح
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسپورٹس ڈیسک)رانیہ قاضی، سعدیہ گل،نمبرہ بتول،دعا نزاکت،زہرہ عبداللہ، سارہ علی،دامیہ خان اور کومل خان نے پہلی رچزنیشنل جونیئر اینڈ ویمنز اسکواش چیمپئن شپ کے ویمنز کے کوارٹر فائنل میں جگہ بنالی جبکہ ایم بن عاطف،سمیر خان،عمرافضل خان،دانش سکندر،شاہنواز بٹ، عبدلہادی گل،عامر عدنان اورحزیفہ شاہد اور بوائز انڈر15کے ٹاپ ایٹ میں جگہ بنانے میں کامیاب رہے۔پی ایس ایف جہانگیر خان اسکواش کمپلیکس پی ایس بی کراچی سینٹر سندھ اسکواش ایسو سی ایشن کے زیر اہتمام جاری آٹھ لاکھ روپے مالیت کی انعامی رقم کی حامل چیمپئن شپ میں پری کوارٹر فائنلز کھیلے گئے۔سندھ اسکواش ایسوسی ایشن کے سیکریٹری محمد عامر کے مطابق چیمپئن شپ کے دوسرے روز ویمنز کے پری کوارٹر فائنل میچوں میں کے پی کی رانیہ قاضی نے پنجاب کی فجر نور کو 3-0سے،ایس این جی پی ایل کی سعدیہ گل نے کے پی کی ام کلثوم کو3-1سے،سندھ کی نمبرہ بتول نے کے پی کی حفصہ نور کو 3-0سے،سندھ کی دعا نزاکت نے سندھ کی زنیرہ عمران کو3-0سے،کے پی کی زہرہ عبداللہ نے پنجاب کی فجر حامد کو 3-0سے،سندھ کی سارہ علی نے بلوچستان کی اربش گل کو 3-0سے،سندھ کی دامیہ خان نے سخت مقابلے کے بعد سندھ ہی کی ویسانوی کو 3-2سے اور واپڈا کی کومل خا ن نے سندھ کی ایمن فاطمہ کو 3-1سے شکست دے کر کوارٹر فائنل کے لئے کوالیفائی کیا۔بوائز انڈر15میں پنجاب کے ایم بن عاطف نے آرمی کے ہرمس علی راجا کو 3-1سے،کے پی کے دانش سکندر نے پنجاب کے توصیف وسیم کو 3-0سے،سندھ کے حزیفہ شاہد نیکے پی کے مامون خان کو 3-0سے اور پنجاب کے شاہنواز بٹ نے کے پی کے فیضان انور کو 3-0سے ہرا کر کوارٹر فائنل میں جگہ بنائی ان کے ساتھ ساتھ پنجاب کے سمیر خان،عمر افضل،عامر عدنان اور کے پی کے عبدالہادی بھی ٹاپ ایٹ میں پہنچ گئے۔بوائز انڈر 13میں سندھ کے راحیل وکٹر،فضل رحمان،پی اے ایف کے احمد صفوان،پنجاب کے رحمان شوریم،اور کے پی کے ارمان علی،مصطفی احمد،زوہیب خان اور فہد خان بھی اپنے میچز جیت کر کوارٹر فائنل میں پہنچ گئے،بوائز انڈر9میں کوارٹر فائنل لائن اپ میں جگہ حاصل کرنے والوں میں سندھ کے ایم بن نسیم،رحیم رضا،نذیرملک،فیض خان،عبدالرافع،بلاول، عدنان خان اور کے پی کے ایم طلحہ شامل ہیں،تمام کوارٹر فائنلز آج کھیلے جائیں گے۔چیمپئن شپ میں ملک بھر سے واپڈا اور آرمی سمیت مختلف محکموں اور صوبوں کے200سے زائد کھلاڑی شرکت کر رہے ہیں۔
.
ذریعہ
ذریعہ: Jasarat News
کلیدی لفظ: کوارٹر فائنل کو 3 0سے سندھ چیمپئن شپ پنجاب کے کے پی کی کے پی کے میں جگہ سندھ کی
پڑھیں:
ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز شاندار اور رنگا رنگ افتتاحی تقریب سے ہوگیا، جہاں اولمپک چیمپئن ارشد ندیم کی قیادت میں پاکستانی دستے نے قومی پرچم کے ساتھ باوقار انداز میں مارچ پاسٹ کیا۔ پاکستان ایونٹ میں 6 مختلف کھیلوں میں حصہ لے گا اور تمغوں کی سب سے زیادہ امید ارشد ندیم سے وابستہ ہے۔
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز جمعرات کو ہائیڈرو ایرینا میں ایک شاندار، رنگا رنگ اور منفرد افتتاحی تقریب سے ہوا، جس نے اسکاٹ لینڈ کی بھرپور ثقافتی روایات کو جدید انداز میں پیش کرتے ہوئے گیمز کی تاریخ کی یادگار افتتاحی تقریبات میں اپنا مقام بنا لیا۔
یہ بھی پڑھیے کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
افتتاحی تقریب میں سینکڑوں کھلاڑیوں، آفیشلز اور شائقین نے شرکت کی۔ موسیقی، دلکش روشنیوں، جدید بصری اثرات اور فنکارانہ پرفارمنسز نے پورے ایرینا کو جشن کے رنگوں میں رنگ دیا، جبکہ دولتِ مشترکہ کے مختلف رکن ممالک سے آنے والے کھلاڑیوں کا پرتپاک خیرمقدم کیا گیا۔
27 رکنی پاکستانی دستہ اولمپک گولڈ میڈلسٹ اور عالمی ریکارڈ ہولڈر جیولن تھروور ارشد ندیم کی قیادت میں میدان میں داخل ہوا۔ مارچ پاسٹ کے دوران ارشد ندیم نے قومی پرچم تھام رکھا تھا۔ اس بار روایت سے ہٹ کر کھلاڑیوں کی پریڈ انگریزی حروفِ تہجی کے بجائے براعظموں کی بنیاد پر ترتیب دی گئی، جس کے تحت سب سے پہلے افریقی ممالک کے دستے اور اس کے بعد ایشیائی ممالک کے کھلاڑی میدان میں آئے۔
پاکستان کامن ویلتھ گیمز میں 6 مختلف کھیلوں میں اپنی صلاحیتوں کا مظاہرہ کرے گا، جن میں ایتھلیٹکس، باکسنگ، جمناسٹکس، جوڈو، لان بولز اور تیراکی شامل ہیں۔
قومی دستے کی سب سے بڑی امید ارشد ندیم ہیں، جنہوں نے اپنی غیرمعمولی کارکردگی اور عالمی سطح پر نمایاں کامیابیوں کے باعث ایک بار پھر پاکستان کے لیے تمغہ جیتنے کی توقعات کو مضبوط کر دیا ہے۔
ایک ہفتے سے زائد جاری رہنے والے ان کھیلوں میں دولتِ مشترکہ کے بہترین ایتھلیٹس مختلف مقابلوں میں اپنی صلاحیتوں کا لوہا منوائیں گے، جبکہ پاکستان خصوصاً ایتھلیٹکس اور باکسنگ میں نمایاں کامیابی حاصل کرکے اپنے تمغوں کی تعداد میں اضافہ کرنے کے عزم کے ساتھ میدان میں اترے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
23ویں کامن ویلتھ گیمز اسکاٹ لینڈ اولمپک چیمپئن ارشد ندیم کھیل گلاسگو
بھارت سے جنگ اور افغانستان میں کارروائی خارج ازامکان نہیں، وزیردفاع