کراچی: 3 طیاروں کے ساتھ حادثات، طیاروں کو گراؤنڈ کر دیا گیا
اشاعت کی تاریخ: 27th, June 2025 GMT
کراچی میں آج 3 طیاروں کے ساتھ مختلف واقعات رونما ہوئے، جس کے بعد طیاروں کو گراؤنڈ کر دیا گیا۔
کراچی سے جدہ جانے والی غیر ملکی ایئر لائن کی پرواز کے انجن میں آگ لگ گئی، ہنگامی لینڈنگ کے بعد مسافروں کی امیگریشن منسوخ کر دی گئی۔
کراچی سے جدہ کے لیے پرواز کرنے والی سعودی ایئر لائن کی پرواز ایس وی 701 کے طیارے میں ٹیک آف کے کچھ دیر بعد پائلٹ کو کاپٹ میں ایک انجن میں آگ کی نشاندہی ملی جس کے بعد طیارے نے ایئر ٹریفک کنٹرولر سے رابطہ کر کے واپس کراچی ایئر پورٹ پر بحفاظت ایمرجنسی لینڈنگ کی۔
کراچی ایئر پورٹ پر غیرملکی ایئر لائن کی پرواز سے پرندہ ٹکرا گیااے 330 طیارے کو گراؤنڈ کردیا گیا ہے اور مسافروں کو آف لوڈ کر کے پرواز ٹی کے 709 کی روانگی رات 9 بجے ری شیڈیول کردی گئی ہے۔
طیارے میں 200 سے زیادہ مسافر موجود تھے، طیارے کے معائنے کے بعد فنی خرابی کا شکار سعودی ایئر لائن کے طیارے کو گراؤنڈ کر کے پرواز ایس وی 701 منسوخ کر دی گئی، مسافروں کی امیگریشن منسوخ کر کے انہیں گھر بھیج دیا گیا۔
ایئر پورٹ ذرائع کے مطابق سعودی ایئر لائن کی پرواز ایس وی 701 اب کل ہفتے کو روانہ ہو گی جو سعودی عرب سے آنے والے ایک اور طیارے کے ذریعے آپریٹ ہو گی۔
ایئر پورٹ ذرائع کے مطابق کراچی سے استنبول جانے والی غیر ملکی ایئر لائن کی ایک پرواز سے پرندہ ٹکرا گیا، جس سے طیارہ پرواز کے قابل نہیں رہا۔
پرندہ ٹکرانے کا دوسرا واقعہ کچھ ہی دیر بعد لاہور سے آنے والی نجی فضائی کمپنی کے طیارے کے ساتھ لینڈنگ کے وقت پیش آیا، تینوں واقعات میں مسافر محفوظ رہے۔
.ذریعہ: Jang News
کلیدی لفظ: ایئر لائن کی پرواز ایئر پورٹ کے بعد
پڑھیں:
انڈین ائیرچیف کا پاکستانی طیارے گرانے کا دعویٰ؛ بھارتی تجزیہ کار نے ہی بھانڈا پھوڑ دیا
پاکستان سے جنگ کے تناظر میں بھارت کا ایک اور نیا تماشہ اُس وقت اپنی موت آپ مر گیا جب انڈین ائیرچیف کے پاک فضائیہ کے طیارے گرانے کا مضحکہ دعوے کو خود بھارتی دفاعی تجزیہ کار نے مسترد کردیا۔
ایک انٹرویو میں معروف بھارتی دفاعی تجزیہ کار پراوین ساہنی نے خود اپنی حکومت کے طیارہ گرانے کے دعوے پر بڑا سوالیہ نشان لگا دیا۔
پراوین ساہنی نے اپنے تجربے، مشاہدے اور مستند معلومات کی بنیاد پر کہا کہ اگر واقعی پاکستانی ایف-16 گرا دیا گیا تھا 3 مہینے تک یہ بات کسی کو بتائی کیوں نہیں گئی۔
انھوں نے مزید کہا کہ اگر بھارت نے پاکستانی طیاروں کو فضا میں یا ہینگرز پر کھڑے طیاروں کو نشانہ بنایا ہوتا تو ساری دنیا کو پتا چل چکا ہوتا۔
پراوین ساہنی نے انڈین ایئر چیف کے بیان پر سوال اٹھایا کہ آخر وہ تباہ شدہ طیارے کہاں گئے؟ ان کا ملبہ کہاں ہے؟ کوئی تصویر؟ ویڈیو؟ سیٹلائٹ امیجز؟ کچھ تو ثبوت دکھائیں۔
انھوں نے مزید کہا کہ اب بھی بات صرف تقریر کی حد تک بات کی گئی ہے، کسی بڑی پریس کانفرنس میں نہیں کہا گیا کیوں کہ وہاں کوئی نہ کوئی ثبوت دینا پڑتے۔
پراوین ساہنی نے کہا کہ اس کا مطلب یہ ہے کہ بھارتی ایئر چیف کا یہ دعویٰ حقیقت سے کوسوں دور ہے۔
یاد رہے کہ انڈین ائیر فورس کے سربراہ اے پی سنگھ نے تین ماہ قبل ہونے والی 4 روزہ جنگ میں پاکستان کے 5 لڑاکا طیاروں سمیت 6 طیارے تباہ کرنے کا دعویٰ کیا تھا۔
تاہم یہ مضحکہ خیز دعویٰ پوری دنیا میں مودی سرکار کے لیے ہزیمت کا سبب بن گیا ہے۔ یہاں تک کہ بھارت کے اندر سے تنقید ہور ہی ہے۔
سرکاری اسکیم کی حج درخواستیں اور اخراجات آج سے وصول کیے جائیں گے