کراچی ایئر پورٹ پر غیر ملکی ایئر لائن کی پرواز سے پرندہ ٹکرا گیا
اشاعت کی تاریخ: 27th, June 2025 GMT
کراچی:
کراچی سے استبول کے لیے اڑان بھرنے والی غیر ملکی ایئر لائن کی پرواز سے پرندہ ٹکرا گیا۔
تفصیلات کے مطابق ٹیکسی وے کے بعد اڑان کی تیاری کے دوران پرندہ ہٹ ہوا، پرندہ ٹکرانے کے سبب پرواز کی روانگی روک دی گئی۔
پرواز ٹی کے 709 کو پرندہ ٹکرانے کا واقعہ آج صبح پیش آیا، ایئر پورٹ ٹارمک پر انجینیئرز طیارے کا معائنہ کر رہے ہیں۔ طیارے کے انجن کے پاس پرندے کے پَر ملے ہیں۔
بارش کے بعد ایئرپورٹ پر کیڑے مکوڑوں کی بہتات ہو جاتی ہے اور کیڑوں کو کھانے کے لیے منڈلانے والے پرندے جہازوں سے ٹکرا جاتے ہیں۔
ایئر پورٹ ذرائع کے مطابق پاکستان ایئر پورٹس اتھارٹی نے بارش سے قبل فنل ایریا میں اضافی برڈ شوٹر تعینات کر دیے تھے۔
پرواز کی روانگی آج رات 9 بجے ری شیڈول کر دی گئی۔
.ذریعہ: Express News
پڑھیں:
کراچی: بارش کی پیشگوئی، اقدامات کا آغاز، 60 پروازوں کو تاخیر کا سامنا
— فائل فوٹوبارشوں کی پیشگوئی پر کراچی ایئرپورٹ انتظامیہ کی جانب سے اقدامات کا آغاز کر دیا گیا ہے۔
پاکستان ایئرپورٹس اتھارٹی نے کراچی ایئرپورٹ پر تمام اداروں کو مون سون کے دوران چوکس رہنے کی ہدایت جاری کر دی ہے۔
ایئرپورٹس اتھارٹی کے مطابق بارش کے دوران کیڑوں کی افزائش سے پرندوں کی سرگرمی بڑھنے کا خدشہ ہے لہٰذا ایئر سائیڈ پر انسپکٹرز اور برڈ کنٹرول اہلکاروں کی تعیناتی یقینی بنائی جائے۔
پاکستان ایئرپورٹس اتھارٹی نے ہدایت جاری کرتے ہوئے کہا ہے کہ کھلی اشیاء اور سازو سامان کو محفوظ طریقے سے باندھنے یا ذخیرہ کرنے، ہلکے طیارے محفوظ جگہ منتقل یا باندھنے کے اقدامات اور بارش کے پانی کی مؤثر نکاسی کے لیے باڑ کے باہر رکاوٹیں دور کی جائیں۔
ایئرپورٹس اتھارٹی نے تمام بیکن لائٹس اور پولز محفوظ اور آپریشنل رکھنے، ایئر فیلڈ لائٹنگ ٹیم کو تمام روشنیوں کی درستگی یقینی بنانے کی ہدایت کی ہے۔
قومی ایئر لائن کا بھی خلیج کے لیے فلائٹ آپریشن بحال ہوگیا تاہم پروازوں میں 4 سے 13 گھنٹے تاخیر ہے۔
دوسری جانب خلیج بحران کے بعد پاکستان کے فلائٹ آپریشن میں بہتری آنے کے بعد آج کوئی پرواز منسوخ نہیں ہوئی۔ تاہم کراچی، لاہور، اسلام آباد سمیت مختلف ایئرپورٹس کی 60 پروازوں کو تاخیر کا سامنا ہے۔
موسمی خرابی پر مسقط سے سیالکوٹ آنے والی پرواز او وی 505 کو ملتان لینڈ کرایا گیا جبکہ اسلام آباد کی 17، لاہور کی 16، کراچی کی 14 پروازوں کی آمد و روانگی میں تاخیر کا امکان ہے۔
اس کے علاوہ پشاور کی 5، سیالکوٹ کی 3، فیصل آباد، کوئٹہ، ملتان کی دو دو پروازوں میں تاخیر متوقع ہے۔
اسلام آباد سے دوحہ، دمام، شارجہ، ریاض کی پروازوں میں 6 سے 9 گھنٹے تاخیر کا خدشہ ہے۔
متبادل لینڈنگ کی وجہ سے سیالکوٹ سے مسقط جانے والی پرواز او وی 506 میں 7 گھنٹے تاخیر کا سامنا ہے جبکہ قومی ایئر کی جدہ سے کراچی کی پرواز پی کے 731 میں 7 گھنٹے تاخیر کا سامنا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی