اسلام آباد سے دبئی جانیوالی پرواز خراب موسم کے باعث بھارتی حدود میں داخل
اشاعت کی تاریخ: 27th, June 2025 GMT
اسلام آباد (اردوپوائنٹ اخبار تازہ ترین۔27جون 2025) اسلام آباد سے دبئی جانے والی پرواز خراب موسم کے باعث بھارتی حدود میں داخل ہوگئی۔ میڈیا رپورٹس کے مطابق جمعرات کی صبح پنجاب کا موسم شدید خراب ہونے اور طوفان باد و باراں کے دوران پاکستان سے اوور فلائنگ کی متعدد پروازوں کو مشکلات کا سامنا رہا ۔ ایسے میں اسلام آباد سے دبئی کی غیر ملکی ائیر لائن کی پرواز بھارتی حدود میں داخل ہو گئی جو 12 منٹ بعد واپس پاکستانی حدود میں آسکی۔
ایوی ایشن ذرائع کے مطابق اسلام اباد سے امارات ائیر کی پرواز ای کے 715 صبح 4 بجے دبئی کیلئے روانہ ہوئی تو شدید بارش اور طوفان باد و باراں جاری تھا۔ جس کی وجہ سے پرواز روٹ سے بھٹک گئی اور نارووال کے قریب سے صبح 4 بج کر 25 منٹ پر بھارت کی فضائی حدود میں داخل ہوگئی۔(جاری ہے)
شدید موسمی حالات کے باعث نہ صرف امارات کی پرواز متاثر ہوئی، بلکہ درجن سے زائد بین الاقوامی پروازوں کو بھی پاکستانی فضائی حدود میں تاخیر یا راستہ بدلنے جیسے مسائل کا سامنا رہا۔
ذرائع کے مطابق بینکاک سے لندن جانے والی تھائی ایئرویز کی پرواز کو 15 منٹ تک پاکستان کی فضائی حدود میں چکر کاٹنا پڑا۔ اسی طرح دیگر متاثرہ پروازوں میں ٹائپی سے پیرس، باکو سے اسلام آباد، لندن سے اسلام آباد، منیلا سے استنبول، دہلی سے استنبول، مسقط سے لاہور اور استنبول سے لاہور جانے والی پروازیں شامل تھیں۔ ایوی ایشن حکام کے مطابق اس قسم کے خراب موسم میں فضائی حدود کی نگرانی اور پائلٹس کو فوری رہنمائی فراہم کرنا انتہائی اہم ہوتا ہے تاکہ ایسی کسی بھی غیر متوقع صورتحال کو بغیر نقصان کے قابو کیا جا سکے۔.ذریعہ: UrduPoint
کلیدی لفظ: تلاش کیجئے اسلام آباد کے مطابق کی پرواز
پڑھیں:
پنجاب کے تعلیمی اداروں میں موسمِ سرما کی تعطیلات، شیڈول جاری ہوگیا
پنجاب حکومت نے صوبے بھر کے تمام تعلیمی اداروں کے لیے موسمِ سرما کی تعطیلات کا باضابطہ اعلان کر دیا ہے۔
ایسوسی ایٹڈ پریس آف پاکستان کے مطابق، صوبائی محکمہ تعلیم کی جانب سے جاری نوٹیفکیشن میں کہا گیا ہے کہ موسمِ سرما کی تعطیلات 23 دسمبر 2025 سے شروع ہوں گی اور 10 جنوری 2026 تک جاری رہیں گی۔ تمام اسکول 13 جنوری 2026 کو دوبارہ کھلیں گے، جس کے ساتھ نئے تعلیمی سیشن کا آغاز ہوگا۔
محکمہ تعلیم نے ہدایت کی ہے کہ پنجاب کے تمام سرکاری اور نجی تعلیمی ادارے یکساں تعطیلاتی شیڈول پر عمل کریں تاکہ صوبے بھر میں طلبہ کو مساوی چھٹیوں کا موقع مل سکے۔
یہ اعلان اس وقت سامنے آیا ہے جب دسمبر کے آخر میں درجہ حرارت میں نمایاں کمی کی توقع ہے، اور حکومت چاہتی ہے کہ سخت موسم میں طلبہ کو ریلیف فراہم کیا جائے۔
گزشتہ ہفتے پنجاب حکومت نے بڑھتی ہوئی اسموگ کی شدت کے باعث اسکولوں کے اوقاتِ کار میں بھی تبدیلی کی تھی۔ نوٹیفکیشن کے مطابق کوئی بھی تعلیمی ادارہ صبح 8:45 بجے سے پہلے نہیں کھولا جا سکے گا۔
سرکاری نوٹیفکیشن کے مطابق، پنجاب کے تمام سرکاری و نجی اسکولوں کے اوقات اسموگ کی شدت کے پیش نظر تبدیل کیے گئے ہیں۔ جو ادارہ مقررہ وقت سے پہلے کھلے گا، اس کے خلاف کارروائی کی جائے گی اور اسے ایک لاکھ سے دس لاکھ روپے تک جرمانہ کیا جا سکتا ہے۔
یہ نیا شیڈول 27 اکتوبر 2025 سے 15 اپریل 2026 تک مؤثر رہے گا۔
صوبائی وزیرِ تعلیم رانا سکندر حیات کے مطابق، تمام اسکول صبح 8:45 بجے کھلیں گے اور دوپہر 1:30 بجے بند ہوں گے۔
سنگل شفٹ اسکول: 8:45 صبح تا 1:30 دوپہر (جمعہ کو 12:30 بجے تک)
ڈبل شفٹ اسکول: پہلی شفٹ 8:45 صبح تا 1:30 دوپہر، دوسری شفٹ 1:00 دوپہر تا 4:00 شام
اساتذہ کے اوقاتِ کار: 8:30 صبح تا 2:00 دوپہر (جمعہ کو 12:30 بجے تک)
محکمہ تعلیم نے اساتذہ، طلبہ اور والدین کو نئے اوقات اور تعطیلاتی شیڈول پر مکمل عمل درآمد کی ہدایت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب موسم سرما کی تعطیلات
حیدر آباد ، ایک روزہ ڈینگی علاج کیلیے مفت طبی کیمپ کا قیام