کراچی میں بارش سے اربن فلڈنگ کی صورتحال، بجلی کا نظام درہم برہم
اشاعت کی تاریخ: 28th, June 2025 GMT
گورنر ہاؤس اور ڈیفنس موڑ کے قریب سڑک دریا کا منظر پیش کرنے لگیں، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیرآب آگئے۔ اسلام ٹائمز۔ شہر قائد میں ہفتے کو بارش نے جل تھل ایک کر دیا، کہیں درمیانی اور کہیں موسلادھار بارشوں کے یکے بعد دیگرے کئی اسپیلز ہوئے، اولڈ سٹی ایریا سمیت کئی علاقوں میں اربن فلڈنگ کی صورتحال پیدا ہوئی۔ تفصیلات کے مطابق ملک میں داخل ہونے والے مون سون سلسلے کے تحت ہفتے کو شہر بھر میں کہیں درمیانی اور کہیں تیز بارشوں کا سلسلہ جاری رہا، چند مقامات پر موسلادھار بارش ہوئی، شہر کے علاقوں آئی آئی چندریگر، کلفٹن، سہراب گوٹھ، میٹ کمپلیکس، سرجانی ٹاؤن، اورنگی ٹاون، ڈیفنس فیز 2، کلفٹن، ڈی ایچ اے، ملیر، بولٹن مارکیٹ، صدر، نشتروڈ، جیل روڈ سمیت وقفے وقفے سے بارش ہوئی۔ محکمہ موسمیات کے مطابق سب سے زیادہ بارش سرجانی ٹاؤن میں 58.
بڑی شاہراؤں کی صورتحال تو قدرے بہتر رہی، مگر اندرونی سڑکیں تالاب بن گئیں، گورنر ہاؤس اور ڈیفنس موڑ کے قریب سڑک دریا کا منظر پیش کرنے لگیں، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیرآب آگئے، نارتھ کراچی اقبال پلازہ کے قریب نالہ ابل پڑا، کئی علاقوں میں گٹر کا پانی باہر آنے سے تعفن پھیل گیا، پانی جمع ہونے سے کئی سڑکوں پر ٹریفک جام بھی رہا، گرومندر سے نمائش چورنگی جانے والا ایک ٹریک پانی میں ڈوب گیا۔ نارتھ کراچی اقبال پلازہ کے قریب نالہ ابل پڑا، گورنر ہاؤس کے قریب سڑک دریا بن گئی، کورنگی روڈ ڈیفنس موڑ کے قریب بھی سڑک، سروس روڈ اور فٹ پاتھ بھی اربن فلڈنگ جیسے صورتحال کا منظر پیش کرنے لگی، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیر آب آگئے، صورتحال پر شہری برہم دکھائی دیئے۔
درجنوں کاریں، جبکہ سینکڑوں کی تعداد میں موٹرسائیکلیں خراب ہوئیں، مسافر بسوں کی چھتوں پر سفر کرتے دکھائی دیئے۔ محکمہ موسمیات ارلی وارننگ سینٹر نے پیر تک بارشوں کا سسٹم برقرار رہنے کی پیشگوئی کی ہے۔ اتوار کو شہر میں کہیں درمیانی، کہیں موسلادھار بارشیں ہونے کی توقع ہے، پیر کو مطلع جزوی ابرآلود اور ہلکی بارش کا امکان رہے گا۔ کراچی میں بارش کے بعد شہر میں بجلی کا نظام درہم برہم ہوگیا، شہر کے مختلف علاقوں میں بجلی کی طویل بندش رہی، آنکھ مچولی کا سلسلہ بھی جاری رہا، جبکہ لوڈشیڈنگ سے مستشنیٰ علاقوں میں بھی بجلی بند رہی، 500 سے زائد فیڈرز متاثر رہے۔
ذریعہ: Islam Times
کلیدی لفظ: سرجانی ٹاؤن نارتھ کراچی علاقوں میں کے قریب
پڑھیں:
نالوں کی بروقت صفائی نہ ہونے سے بارش کے بعد شہر میں بد ترین صورتحال پیدا ہوئی ،منعم ظفر خان
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے شہر میں بارش سے پیدا شدہ صورتحال اور برساتی نالوں کے بھر نے کے باعث شہریوں کو درپیش مشکلات و پریشانیوں پر گہری تشویش کا اظہار اور سندھ حکومت و قابض میئر کی ناقص کارکردگی کی شدید مذمت کی اور کہا ہے کہ بار بار توجہ دلانے کے باوجود بروقت نالوں کی صفائی کا بندو بست نہ کرنے کی وجہ سے شہر میں یہ بدترین صورتحال پیدا ہوئی ہے ، سندھ حکومت و قابض میئر کی نا اہلی کی سزا کراچی کے عوام بھگت رہے ہیں ۔ منعم ظفر خان نے کہا کہ بارش ہوتے ہی نیو کراچی نالہ ، گجر نالہ اور محمود آباد نالہ، شادمان ٹائون نالہ برساتی پانی سے بھر گیا اور پانی سڑکوں پر آگیا ہے جبکہ برساتی پانی کی نکاسی کا کوئی موثر انتظام نہ ہونے کے باعث شہر بھر میں سڑکوں و شاہرائوں اور گلیوں میں بھی پانی بھر گیا ہے ،
گٹر اُبلنے سے گندگی بھی پھیل گئی ہے اور جگہ جگہ بارش کا اور گٹر کا گندا پانی جمع ہو گیا ہے جس سے شہریوں کی آمد و رفت ، ٹریفک کی روانی اور تجارتی مراکز میں کاروباری سرگرمیاں بھی متاثر ہو رہی ہیں اور شہری شدید ذہنی و جسمانی اذیت اور پریشانی کا شکار ہو گئے ہیں ، منعم ظفر خان نے کہا کہ گزشتہ سال 41کروڑ روپے نالوں کی صفائی کے لیے مختص کیے گئے تھے اور قابض میئر نے دعویٰ کیا تھا کہ ہر تین ماہ بعد نالوں کی صفائی کی جائے گی مگر افسوس کہ ان کا یہ دعویٰ دیگر دعوئوں کی طرح دعویٰ ہی رہا اور نالوں کی صفائی نہ کروائی گئی ، منعم ظفر خان نے کہا کہ ایک ہفتہ قبل اپوزیشن لیڈر کے ایم سی سیف الدین ایڈوکیٹ نے متوقع برسات کے پیش ِ نظر کراچی کے مختلف نالوں کی صورتحال کا جائزہ لینے کے لیے شہر کے مختلف علاقوں اختر کالونی ، منظور کالونی ، محمود آباد ، پی ای سی ایچ ایس ، کراچی ایڈمن سوسائٹی ، عیسیٰ نگری اور گجر نالہ ،لیاقت آباد ، ناظم آباد اور دیگر جگہوںکا دورہ کیا اور بذات ِ خود نالوں کی صورتحال کاجائزہ لیا ، ہر جگہ صورت حال انتہائی تشویش ناک پائی گئی ، نالے کچرے سے بھرے ہوئے ملے ، اپوزیشن لیڈر نے سندھ حکومت و قابض میئر کو توجہ دلائی اور خبر دار کیا کہ نالوں کی فی الفور صفائی نہ کرائی گئی تو ان کی نا اہلی کے باعث صورتحال سنگین ہونے کا خطرہ ہے اورجس خدشے کا اظہار کیا گیا تھا دو روز کی بارش کے بعد وہی صورتحال پیدا ہو گئی ،ابھی تو بارشوں کا آغاز ہو ا ہے اور یہ صورتحال ہے تو اندازہ لگایا جا سکتا ہے کہ کیا صورتحال پیدا ہو سکتی ہے اس لیے ہنگامی بنیادوں پر نالوں کی صفائی پر توجہ دی جائے ۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی