26 ویں آئینی ترمیم کیخلاف جماعت اسلامی نے موثر آواز اٹھائی: حافظ نعیم
اشاعت کی تاریخ: 29th, June 2025 GMT
لاہور (نوائے وقت رپورٹ) امیر جماعت اسلامی حافظ نعیم الرحمنٰ نے کہا کہ جماعت اسلامی نے 26ویں ترمیم کے خلاف موثر اور جاندار آواز بلند کی اور اس ترمیم کو یکسر مسترد کردیا تھا تاہم بعض اپوریشن جماعتیں دانستہ یا غیر دانستہ طور پر اس کا حصہ بن گئیں، امیر جماعت نے کہا کہ مخصوص نشستوں پر فیصلہ کے بعد دیکھنا ہوگا کہ حکومتی اور بالخصوص اپوزیشن پارٹیاں کس طرح کا ردعمل دیتی ہیں، کیا وہ پی ٹی آئی کی اصولی نشستوں کو مال غنیمت سمجھ کر قبول کر لیں گی یا اخلاقی، اصولی اور جمہوری موقف اپناتے ہوئے انکار کریں گی۔ انہوں نے کہا کہ پاکستان کی نام نہاد سیاسی پارٹیوں کے لیے جمہوریت محض اپنے مفاد کو سمیٹنے کا الاپ ہے، سیاسی جماعتیں اپنا قبلہ درست کرلیں اور جمہوری اصولوں کو ذاتی مفادات پر ترجیح دیں تو ملک میں آئین و قانون کی بالادستی قائم ہوسکتی ہے۔ انہوں نے کہا کہ عوام کو ہی اپنے حق کے لیے پرامن مزاحمت کی طرف جانا ہوگا اور اس وقت صرف جماعت اسلامی ہی ان کے لیے جدوجہد کا بہترین پلیٹ فارم ہے۔ حافظ نعیم الرحمنٰ نے سیاحوں کے دریائے سوات میں ڈوبنے کے اندوہناک واقعہ پر گہرے دکھ کا اظہا ر کرتے ہوئے لواحقین سے اظہار ہمدردی اور مرحومین کی مغفرت کے لیے دعا کی۔
.ذریعہ: Nawaiwaqt
کلیدی لفظ: جماعت اسلامی نے کہا کہ کے لیے
پڑھیں:
شہباز بھٹی ورکرز موومنٹ پاکستان کے نام سے نئی سیاسی جماعت کے قیام ،13نکاتی منشور کا اعلان
شہباز بھٹی ورکرز موومنٹ پاکستان کے نام سے نئی سیاسی جماعت کے قیام ،13نکاتی منشور کا اعلان WhatsAppFacebookTwitter 0 11 August, 2025 سب نیوز
اسلام آباد(آئی پی ایس )اقلیتی امور کے سابق وفاقی وزیر شہباز بھٹی کے مشن کو آگے بڑھانے کے لیے شہباز بھٹی ورکرز موومنٹ پاکستان کے نام سے نئی سیاسی جماعت اور اس کے 13 نکاتی منشور کا بھی اعلان کر دیا گیا ہے۔ معروف مسیحی لیڈر بشارت کھوکھر شہباز بھٹی ورکرز موومنٹ پاکستان کے چیئرمین ہوں گے۔ ندیم مٹو کو پارٹی کا وائس چیئرمین مقرر کیا گیا ہے،داد بھٹی سیکرٹری جنرل جبکہ جوشوا ولیم کو پارٹی کا سیکرٹری فنانس مقرر کیا گیا ہے۔
فرانس میں موجود پارٹی چیئرمین بشارت کھوکھر نے اسلام آباد میں منعقدہ نیوز کانفرنس سے ٹیلی فون کے ذریعے خطاب کیا۔ ان کا کہنا تھا کہ اقلیتوں کے دن کے موقع پر پارٹی کا قیام اس بات کا مظہر ہے کہ اقلیتیں پاکستان کی تعمیر و ترقی میں بھر پور کردار ادا کرنے کا جذبہ رکھتی ہیں۔ چیئرمین بشارت کھوکھر نے شہباز بھٹی ورکرز موومنٹ پاکستان کے قیام کے اغراض و مقاضد بیان کرتے ہوئے کہا کہ ان کی پارٹی کا مقصد بانی پاکستان قائد اعظم محمد علی جناح کے اصولوں کے مطابق شہید قائد شہباز بھٹی کے مشن کو آگے بڑھاتے ہوئے ملک بھر میں بین المذاہب ہم آہنگی کو فروغ دینے کے ساتھ ساتھ پاکستان میں اقلیتوں سمیت پسے ہوئے تمام طبقات کو حقوق دلانے کے لیے جدوجہد کرنا ہے۔ انہوں نے کہا کہ اس نئی سیاسی جماعت کے پلیٹ فارم سے سیاسی کشیدگی، دہشت گردی فرقہ واریت اور جبری تبدیلی مذہب جیسے مسائل سے نمٹنے کے لیے جدوجہد کی جائے گی۔
چیئرمین، شہباز بھٹی ورکرز موومنٹ پاکستان بشارت کھوکھر کا کہنا تھا کہ پارٹی کا مرکزی دفتر اسلام آباد میں قائم کر دیا گیا ہے، پارٹی کی الیکشن کمیشن آف پاکستان میں رجسٹریشن کے لیے وکلا کا ایک وفد آئیندہ ہفتے الیکشن کمیشن آف پاکستان کے ساتھ باضابطہ طور پر رابطہ کرے گا۔ چاروں صوبائی دارلحکومتوں سمیت آزاد کشمیر اور گلگت بلتستان میں بھی تنظیمی ڈھانچہ جلد مکمل کیا جائے گا۔ ملک بھر میں پارٹی کے ضلعی دفاتر قائم کیے جائینگے اس مقصد کے لیے ملک بھر کے تنظیمی دوروں کا شیڈول ترتیب دیا جارہا ہے۔ پارٹی چیئرمین بشارت کھوکھر کے ہمراہ مشترکہ نیوز کانفرنس میں موجود وائس چیئرمین ندیم مٹو، سیکرٹری جنرل داد بھٹی اور فنانس سیکرٹری جوشوا ولیم کا کہنا تھا کہ شہباز بھٹی ورکرز موومنٹ پاکستان دیگر متعدد جماعتوں کی طرح کسی کی عزت یا پگڑی اچھالنے پر یقین نہیں رکھتی یہ اپنی قابلیت اور منشور کے ذریعے ملک میں امن کی خواہاں ہے ۔پارٹی منشور کے حوالے سے پارٹی لیڈروں کا کہنا تھا کہ شہباز بھٹی ورکرز موومنٹ پاکستان کا منشور پاکستان کی ترقی، خوشحالی، سلامتی اور استحکام کے لیے ملکی اداروں کے ساتھ مل کر جدوجہد کرنا ہے۔
مذہب کی آڑ میں بنائے گئے تمام قوانین کے غلط استعمال کی روک تھام کے لیے بھی اداروں کے ساتھ مل کر عملی اقدامات کیے جائیں گے۔ اقلیتوں کی منتشر سیاسی و سماجی تنظیموں کو متحد، منظم اور متحرک کیا جائے گا۔ اقلیتی طلبہ کے لیے قومی و بین الاقوامی سطح پر تعلیمی مواقع پیدا کیے جائیں گے، اقلیتوں کی کمسن بچیوں کی جبری تبدیلی مذہب اور جبری گمشدگی کی روک تھام کے لیے عملی اقدامات کیے جائیں گے، ملک کے تمام اداروں میں اقلیتی نوجوانوں کو پانچ فیصد کوٹہ کے تحت ملازمتوں کو یقینی بنایا جائے گا، ملک کی تمام سیاسی جماعتوں کے ساتھ مل کر ملک میں جمہوری نظام کو مضبوط بنانے کے ساتھ ساتھ مذہبی رواداری کے لیے کام کیا جائے گا، ملک کی تمام مذہبی اقلیتوں کے لیے سیاسی و سماجی تفریق کے خاتمے کے لیے جدوجہد کی جائے گی، بنیاد پرستی، مذہبی تنگ نظری، مذہبی تعصب اور فرقہ واریت کے خاتمے کے لیے جدوجہد کی جائے گی۔
دہشت گردی کے خلاف ملکی اداروں کے ساتھ مل کر عوامی شعور بیدار کرتے ہوئے پرامن معاشرے کی تشکیل کے لیے جدوجہد کی جائے گی، مذہبی اقلیتوں کی عبادت گاہوں اور جائیدادوں کے تحفظ کو یقینی بنایا جائے گا،نوجوانوں، مزدوروں ،کسانوں، ہاریوں، طالب علموں اور خواتین کے ساتھ ساتھ ملک کی مذہبی اقلیتوں کے بنیادی و انسانی حقوق کے لیے بھرپور جدوجہد کی جائے گی، ملک میں جمہوری نظام کو مضبوط کرنے کے لیے تمام مذہبی اقلیتوں کو حلقہ بندیوں کے ساتھ جداگانہ انتخابات کے ساتھ ساتھ قومی و صوبائی اسمبلیوں اور سینٹ میں فیڈرل کی اقلیتی نشست میں اضافے کے لیے بھرپورجدوجہد اور عملی اقدامات کیے جائینگے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحکومت کے چینی کی برآمد کرنے کی اجازت کے فیصلے سے بحران پیدا ہوا، کمپیٹیشن کمیشن نے رپورٹ پیش کردی حکومت کے چینی کی برآمد کرنے کی اجازت کے فیصلے سے بحران پیدا ہوا، کمپیٹیشن کمیشن نے رپورٹ پیش کردی عمران خان کے گھر کی نیلامی کی خبریں بے بنیاد ہیں، نیب ذرائع وزارت صنعت نے چینی کا استعمال کم کرنے کیلئے زیادہ ٹیکسز کی تجویز دیدی غیر رجسٹرڈ عازمین حج سے درخواستوں کی وصولی کا دوسرا مرحلہ شروع قومی اسمبلی اور سینیٹ سے ڈی نوٹیفائی کرنیکا معاملہ، عمر ایوب، شبلی فراز کا پشاور ہائیکورٹ سے رجوع باجوڑ میں دہشتگردوں کیخلاف ٹارگٹڈ آپریشن کا آغاز، کئی علاقوں میں کرفیو نافذCopyright © 2025, All Rights Reserved
رابطہ کریں ہمارے بارے ہماری ٹیم
تحریک انصاف کا لاہور سے 300سے زائد کارکنان کی گرفتاری کادعویٰ