خیرپور: شہدائے کربلا کی یاد میں عزاداری کا سلسلہ تیز ہوگیا
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
خیرپور (بیورورپورٹ ) خیرپور اور آس پاس کے علاقوں میں شہدائے کربلا کی یاد میں عزاداری کا سلسلہ تیز ہو گیا ہے۔3 محرم الحرام کو محلہ علی مراد میں واقع سید طاہر شاہ کے پڑھ سے چار امام بارگاہوں کا ماتمی جلوس برآمد ہوگا۔ جلوس سے قبل مجلس عزا منعقد کی جائے گی جس سے معروف ذاکر خطاب کریں گے۔ جلوس مقررہ راستوں سے ہوتا ہوا چار مختلف امام بارگاہوں میں پہنچے گا۔مرکزی امام بارگاہ انجمن حیدری میں مولانا سید عرفان علی شاہ اور مولانا منظور حسین سولنگی نے خطاب کرتے ہوئے کہا کہ”کربلا والوں نے اپنی جانوں کی قربانی دے کر یہ درس دیا کہ چاہے ظلم کتنا ہی طاقتور ہو، اصولوں پر قائم رہنا ہی اصل کامیابی ہے۔ امام حسینی نے اللہ کی رضا کی خاطر اپنی اور اپنے اہل خانہ کی قربانی دینے سے دریغ نہ کیا۔مجالس میں نظامت کے فرائض معروف عزادار در محمد کولاچی اور سید سمیع حیدر کاظمی نے ادا کیے۔”امام بارگاہ قصر زینب ثانی زہرہ، امام بارگاہ فیض حسینی، امام بارگاہ قصر حسینی، امام بارگاہ امام بارگاہ لقمان، امام بارگاہ امام بارگاہ قصر پنجتنی، امام بارگاہ سجادیہ، امام بارگاہ شاہ کربلا، امام بارگاہ قصر عباس، امام بارگاہ عون محمد، امامیہ، دبیر حسین کاظمی، امام مہدی، ہاشمیہ، محبان حیدری، پنجتن سرائی والا، بھرگری، امام بارگاہ میں مختلف علمائے کرام نے مجلس سے خطاب کیا، جن میں علامہ غلام باقر ڈیراج، مولانا منظور حس?ن سولنگی، علامہ عباس حیدر نقوی، سید باقر حسین زیدی، علامہ مستجاب حیدر عابدی، مولانا قمر عباس کریمی، مولانا علی گوہر قمی، مولانا حسن لاشاری، مولانا ذوالفقار لای، مولانا میثم عباس، مولانا شاہد حسین مغل نے مجالس سے خطاب کرتے ہوئے کہا کہ “محرم، تلوار پر خون کی فتح کا مہینہ ہے۔
.ذریعہ: Jasarat News
کلیدی لفظ: امام بارگاہ قصر
پڑھیں:
اسلام آباد میں پارلیمانی اسپیکرز کانفرنس کے شرکا کی آمد کا سلسلہ جاری
دنیا کے مختلف ممالک سے پارلیمانی وفود بین الپارلیمانی اسپیکرز کانفرنس میں شرکت کے لیے اسلام آباد پہنچ گئے۔ یہ کانفرنس 11 اور 12 نومبر کو اسلام آباد میں منعقد ہو گی۔
سینیٹ سیکرٹریٹ کے مطابق آذربائیجان، ازبکستان، کینیا، فلسطین، مراکش، روانڈا، مالدیپ، ملیشیا، فلپائن، سربیا، نیپال، لائبیریا، سعودی عرب اور دیگر دوست ممالک کے وفود اسلام آباد پہنچ چکے ہیں۔
یہ بھی پڑھیے: بین الاقوامی اسپیکرز کانفرنس میں شرکت کے لیے سعودی پارلیمانی وفد اسلام آباد پہنچ گیا
اردن سے نائب وزیرِاعظم توفیق کریشان کی قیادت میں وفد پہنچا جس میں رکن ایوانِ بالا راکان حمادہ الفواز سمیت دیگر حکام شامل ہیں۔ سینیٹ آف پاکستان کے سینئر افسران نے وفد کا گرمجوشی سے استقبال کیا۔
آذربائیجان سے نائب اسپیکر ملی مجلس مسٹر علی احمدوف، ازبکستان سے نائب چیئرمین سینیٹ صادق سافویف، جبکہ کیمرون سے رکن پارلیمنٹ کاماسی سیمون پوہے کی قیادت میں وفود پہنچے۔
یہ بھی پڑھیے: برادرانہ تعلقات کی تاریخ میں نیا باب رقم، پاکستان، ترکیہ، آذربائیجان اسپیکرز اجلاس اختتام پذیر
سابق صدرِ گواتیمالا جمی مورالیس، کینیا کے نائب اسپیکر فراح معلم محمد، اور فلسطینی نیشنل کونسل کے اسپیکر راوحی احمد محمد فتوح بھی اپنے وفود کے ہمراہ اسلام آباد پہنچے۔
سعودی عرب سے شورٰی کونسل کے نائب چیئرمین عبداللہ بن آدم فلّاتہ کی قیادت میں وفد پہنچا جس میں ڈاکٹر عثمان حقامانی، عبداللہ اطلَس اور ڈاکٹر معین المدنی شامل ہیں۔ سینیٹر ندیم احمد بھٹو اور سینیٹ سیکرٹریٹ کے سینئر افسران نے سعودی وفد کا استقبال کیا۔
مراکش سے ایوانِ بالا کے اسپیکر محمد ولد راشد، روانڈا سے سینیٹ کے صدر فرانسوا زاویئر، مالدیپ سے اسپیکر عبدالرؤف عبداللہ، ملیشیا سے ایوانِ بالا کے نائب صدر نور جزلان بن محمد، اور فلپائن کے اعلیٰ حکام بھی کانفرنس میں شرکت کے لیے اسلام آباد پہنچ گئے ہیں۔
یہ بھی پڑھیے: سہ فریقی اسپیکرز اجلاس سے عوام کو کیا فوائد حاصل ہو سکتے ہیں؟
الجزائر سے رکن پارلیمنٹ سعد عروس، بارباڈوس سے اسپیکر آرتھر یوجین ہولڈر، اور سربیا سے قومی اسمبلی کے نائب اسپیکر ایڈن جیرلیک کی قیادت میں بھی وفود اسلام آباد پہنچے۔
تاجکستان کے ایوانِ نمائندگان کے نائب اسپیکر عزیز گیوزودا، بین الاقوامی تنظیم GCPR گلوبل کے ڈاکٹر نورالعلام مزمدار، اور نیپال کی ایوانِ نمائندگان کے سیکرٹری ہرکا راج رائے بھی اسلام آباد پہنچ چکے ہیں۔
یہ بھی پڑھیے: قائم مقام صدر یوسف رضا گیلانی کی روسی اسپیکر کو انٹرنیشنل اسپیکرز کانفرنس میں شرکت کی دعوت
لائبیریا کے اسپیکر رچرڈ ناگبے کون اور ہاؤس آف ریپریزنٹیٹوز کی امن و مصالحت کمیٹی کے رکن سیم پی جاللہ نے بھی کانفرنس میں شرکت کے لیے اسلام آباد آمد کی۔
سینیٹ سیکرٹریٹ کے سینئر ڈائریکٹر جنرل پروٹوکول طارق بن وحید اور دیگر افسران نے تمام معزز مہمانوں کا ائیرپورٹ پر پرتپاک استقبال کیا۔
یہ کانفرنس عالمی امن، پارلیمانی سفارتکاری، جمہوری اقدار اور بین الاقوامی مکالمے کے فروغ میں سنگِ میل ثابت ہو گی اور مختلف ممالک کی پارلیمانوں کے درمیان تعاون و تعلقات کو مزید مستحکم کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکرز اسلام آباد پارلیمان
27ویں آئینی ترمیم کا مسودہ پیر یا منگل کو قومی اسمبلی میں پیش کیا جائے گا: رانا ثناء اللہ