بھارتی حکومت لداخ خطے میں جابرانہ کارروائیوں کا سلسلہ فوری طور پر بند کرے، آغا سید حسن
اشاعت کی تاریخ: 27th, September 2025 GMT
ذرائٰع کے مطابق آغا سید حسن نے بڈگام میں ایک عوامی اجتماع سے خطاب میں کہا کہ لداخ کے عوام گزشتہ چھ برس سے اپنے جائز اور بنیادی آئینی حقوق کا مطالبہ کر رہے ہیں۔ اسلام ٹائمز۔ بھارت کے غیر قانونی زیر قبضہ جموں و کشمیر میں کل جماعتی حریت کانفرنس کے سینئر رہنما اور انجمن شرعی شیعیان کے صدر آغا سید حسن موسوی الصفوی نے لداخ خطے کے علاقے لیہہ میں بھارتی فورسز کی طرف سے نہتے مظاہرین پر طاقت کے وحشیانہ استعمال کی شدید مذمت کرتے ہوئے جابرانہ کارروائیوں کے فوری خاتمے کا مطالبہ کیا ہے۔ ذرائٰع کے مطابق آغا سید حسن نے بڈگام میں ایک عوامی اجتماع سے خطاب میں کہا کہ لداخ کے عوام گزشتہ چھ برس سے اپنے جائز اور بنیادی آئینی حقوق کا مطالبہ کر رہے ہیں، جن میں ریاستی درجہ، بااختیار اسمبلی (مقننہ) اور چھٹے شیڈول میں شمولیت شامل ہیں، مگر بھارتی حکومت ان مطالبات کو مسلسل نظرانداز کر رہی ہے۔ انہوں نے کہا خطے کے لوگوں نے مطالبات پر زور دینے کیلئے بھوک ہڑتالیں بھی کیں لیکن بھوک ہڑتال پر بیٹھے لوگوں کو بھی گرفتار کیا گیا۔ انہوں نے کہا کہ حکومت کی بے حسی اور تین برس کے بے نتیجہ مذاکرات کے بعد لوگ سڑکوں پر آنے کیلئے مجبور ہوئے۔آغا سید حسن نے بھارتی حکومت پر زور دیا کہ وہ جابرانہ کارروائیوں کا سلسلہ فوری طور پر بند اور لوگوں کی خواہشات کا احترام کرتے ہوئے ان کے آئینی و سیاسی حقوق بحال کرے۔
.ذریعہ: Islam Times
پڑھیں:
جائیداد تنازعات، اوور سیز کو فوری انصاف ملے گا، حکومت کا خصوصی عدالتیں بنانے کا اعلان
وزیر خارجہ اور نائب وزیراعظم اسحاق ڈار نے کہا ہے کہ بیرون ملک مقیم پاکستانیوں کے جائیداد کے تنازعات کے حل کے لیے خصوصی عدالتیں قائم کی جا رہی ہیں تاکہ انہیں فوری انصاف فراہم کیا جا سکے۔
یہ بھی پڑھیں:اوورسیز پاکستانیوں کا اعتماد: اگست میں 3 ارب 10 کروڑ ڈالر کی ترسیلات زر موصول
ان عدالتوں میں اوور سیز پاکستانیوں کو بذریعہ ویڈیو لنک شہادت ریکارڈ کرانے کی سہولت بھی دستیاب ہوگی، اس طرح انہیں مقدمات کی پیروی کے لیے پاکستان واپسی کی ضرورت نہیں رہے گی۔
میڈیا رپورٹس کے مطابق اسحاق ڈار نے تقریب سے خطاب کرتے ہوئے کہا کہ حکومت نے 126 ممالک کے شہریوں کے لیے ویزا پرایئر ٹو ارائیول کیٹیگری متعارف کرائی ہے اور بیرون ملک مقیم پاکستانیوں کے لیے مزید سہولتوں کی فراہمی پر بھی پُرعزم ہے۔
ان کا کہنا تھا کہ اوور سیز کو وہ تمام حقوق ملنے چاہئیں جو پاکستان کے لیے ان کی خدمات کے برابر ہوں کیونکہ عالمی سطح پر وہ پاکستان کی توانا آواز ہیں۔
انہوں نے کہا کہ اوور سیز پاکستانی درخواستیں اور ضروری دستاویزات آن لائن جمع کرا سکیں گے جبکہ ایف بی آر کی جانب سے انہیں بطور فائلرز تسلیم کیا جائے گا، جس سے ان کے بینکنگ اور کاروباری معاملات مزید آسان ہو جائیں گے۔
یہ بھی پڑھیں:بارسلونا میں معرکۂ حق، جشنِ آزادی ریلی اور کانفرنس، اوورسیز پاکستانیوں کا ملک سے اظہارِ وفا
وفاقی وزیر نے مزید بتایا کہ دنیا بھر میں پاکستانی سفارتی مشنز کی تزئین و آرائش کی جا رہی ہے تاکہ بیرون ملک مقیم پاکستانیوں کو براہِ راست اصلاحات کا فائدہ پہنچایا جا سکے۔
انہوں نے کہا کہ پنجاب اور بلوچستان میں بورڈ آف ریونیو کی جانب سے اوور سیز سہولت مراکز قائم کیے جا چکے ہیں جبکہ ہوائی اڈوں پر گرین چینل کی سہولت بھی دوبارہ شروع کی جا رہی ہے۔
اسحاق ڈار کا کہنا تھا کہ بیرون ملک مقیم پاکستانیوں کے بچوں کے لیے جامعات اور میڈیکل کالجز میں خصوصی کوٹہ بھی رکھا گیا ہے تاکہ وہ اعلیٰ تعلیم کے بہتر مواقع حاصل کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار امریکا اوورسیز پاکستانی جائیداد تنازعات خصوصی عدالت نائب وزیراعظم
وین ڈرائیور ز اورمالکان نے کرایوں میں من مانا اضافہ کردیا