گلگت میں 12 امام بارگاہوں کو انتہائی حساس قرار دیدیا گیا
اشاعت کی تاریخ: 29th, June 2025 GMT
ڈپٹی کمشنر گلگت امیر اعظم نے کہا کہ یوم عاشور (10 محرم) کو پاک فوج، رینجرز، گلگت بلتستان اسکاوٹس، فرنٹیئر کانسٹیبلری اور جی بی پولیس کے 1600 اہلکاروں کو تعینات کیا جائے گا۔ اسلام ٹائمز۔ ضلع گلگت میں محرم الحرام کے دوران امن و امان برقرار رکھنے کیلئے سکیورٹی کے فول پروف انتظامات کر لیے گئے ہیں۔ ڈپٹی کمشنر گلگت امیر اعظم نے سکیورٹی اقدامات کے حوالے سے میڈیا کو بریفنگ دیتے ہوئے بتایا کہ شہر میں موجود 187 امام بارگاہوں میں سے 12 کو انتہائی حساس اور 19 کو حساس قرار دیا گیا ہے۔ انہوں نے بتایا کہ یوم عاشور (10 محرم) کو پاک فوج، رینجرز، گلگت بلتستان اسکاوٹس، فرنٹیئر کانسٹیبلری اور جی بی پولیس کے 1600 اہلکاروں کو تعینات کیا جائے گا۔ ڈپٹی کمشنر کا کہنا تھا کہ سوشل میڈیا کے ذریعے فرقہ واریت یا بدامنی پھیلانے کی کوشش کرنے والے عناصر کے خلاف سخت کارروائی کی جا رہی ہے۔ اب تک متنازع مواد شیئر کرنے والے چار افراد کے خلاف مقدمات درج کر لیے گئے ہیں۔ انہوں نے علمائے کرام اور نوجوانوں سے اپیل کی کہ وہ معاشرتی ہم آہنگی، بھائی چارے اور پائیدار قیام امن کیلئے اپنا مثبت کردار ادا کریں۔
.ذریعہ: Islam Times
پڑھیں:
تحریک نفاذ فقہ جعفریہ نے محرم کنٹرول روم بنانے کا مطالبہ کردیا
کراچی میں پریس کانفرنس سے خطاب کے دوران عمار یاسر علوی نے کہا کہ حکومت سندھ محرم کنٹرول روم قائم کرکے باقاعدہ میڈیا کے ذریعے اسکی تشہیر کرے, سندھ کے تمام اضلاع کی مقامی انتظامیہ کو مجالس و جلوس کے راستوں میں روشنی وصفائی کا انتظام کرنے کا پابند بنایا جائے اور متعلقہ ادارے مجالس و جلوس کے لیے بجلی و گیس کی لوڈشیڈنگ سے اجتناب کریں۔ اسلام ٹائمز۔ تحریک نفاذ فقہ جعفریہ نے حکومت سندھ سے محرم الحرام میں ضابطہ عزاداری کے تحت محرم کنٹرول روم بنانے کا مطالبہ کردیا ہے۔ یہ مطالبہ تحریک نفاذ فقہ جعفریہ سندھ کے کنوینر عمار یاسر علوی نے ہفتے کو کراچی پریس کلب میں دیگر رہنماؤں کے ہمراہ پریس کانفرنس سے خطاب کے دوران کیا۔ انہوں نے کہا کہ محرم کنٹرول روم سے ہمارے سندھ میں قائم شدہ 72 عزاداری سیلوں کے کنوینرز کے ساتھ منسلک کیا جائے، ضلعی کنوینرز سے مربوط رابطے سے کل عدم عناصر کی ممکنہ ناخوشگوار واقعات کی روک تھام ممکن ہوگی۔ انہوں نے کہا کہ ہمارا ازلی دشمن اسرائیل زخمی ہے اس تناظر میں عزادروں کے تحفظ کے لیے فول پروف اقدامات کی ضرورت ہے۔
انہوں نے کہا کہ حکومت سندھ محرم کنٹرول روم قائم کرکے باقاعدہ میڈیا کے ذریعے اسکی تشہیر کرے، سندھ کے تمام اضلاع کی مقامی انتظامیہ کو مجالس و جلوس کے راستوں میں روشنی و صفائی کا انتظام کرنے کا پابند بنایا جائے اور متعلقہ ادارے مجالس و جلوس کے لیے بجلی و گیس کی لوڈشیڈنگ سے اجتناب کریں۔ انہوں نے کہا کہ کالعدم جماعتوں کے ہر پلیٹ فارم پر حوصلہ شکنی کی جائے، ضلعی کنوینرز کی کنٹرول روم سے مربوط کیے جانے سے کالعدم عناصر کسی بھی ناخوشگوار حالات پیدا کرنے یا خرابی کا سبب نہیں بن سکیں گے۔
عمار یاسر علوی نے کہا کہ بھارتی جبر و استعداد کا بے جگری سے مقابلہ کرنے والے نہتے کشمیری ہوں یا عوام یا اسرائیلی جارحیت کے سامنے سینہ سپر فلسطینی و ایرانی ہوں، سب کے پیچھے وہی جذبہ حسینی کار فرما ہے جس نے شہ رگ سے خنجر کو کاٹ دینے کا ہنر سکھلایا۔ انہوں نے کہا کہ اندرون سندھ دادو اور شکارپور میں سیکورٹی اور روٹس کیمسائل حل نہیں ہوئے ہیں۔ انہوں نے کہا کہ کالعدم تنظیموں کے عناصر کو امن کمیٹیوں سے نکالا جائے تاکہ ملک و قوم کے بد خواہوں کے ناپاک عزائم کو ناکام بنایا جاسکے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی