وزیراعظم کی ناراض پارٹی رہنماء چوہدری نثار سے ملاقات، مسلم لیگ ن میں واپسی کی دعوت دیدی
اشاعت کی تاریخ: 29th, June 2025 GMT
راولپنڈی ( اُردو پوائنٹ اخبارتازہ ترین۔ 29 جون 2025ء ) وزیراعظم شہباز شریف نے ناراض پارٹی رہنماء چوہدری نثار علی خان سے ملاقات کی اور انہیں مسلم لیگ ن میں واپسی کی دعوت دیدی۔ میڈیا رپورٹس کے مطابق وزیراعظم مسلم لیگ ن کے سابق رہنما اور وفاقی وزیر چوہدری نثار سے ملاقات کے لیے ان کی رہائش گاہ پہنچے، اس موقع پر شہباز شریف نے چوہدری نثار کی عیادت کی اور دونوں رہنماؤں کے درمیان سیاسی امور پر بھی تبادلہ خیال ہوا۔
ذرائع کا کہنا ہے کہ ملاقات میں چوہدری نثار کے صاحبزادے تیمور علی خان بھی موجود تھے، چوہدری نثار علی خان سے وزیر اعظم کی ملاقات ڈیڑھ گھنٹہ جاری رہی، ملاقات میں وزیر اعظم نے شکوہ کرتے ہوئے کہا کہ ’چوہدری صاحب آپ تو ہمیں بھول ہی گئے‘، اس پر چوہدری نثار نے جواب دیا کہ ’نہیں میاں صاحب، بس طبیعت ٹھیک نہیں رہتی‘، اسی دوران شہباز شریف نے چوہدری نثار علی خان کو مسلم لیگ ن میں دوبارہ شمولیت کی دعوت دی اور کہا کہ ’اب آپ اپنے گھر واپس آجائیں‘، جس پر چوہدری نثار نے وزیراعظم سے کچھ وقت مانگ لیا۔(جاری ہے)
بتایا جارہا ہے کہ چوہدری نثار علی خان 34 سال سے زائد عرصے تک پارٹی سے وابستہ رہنے کے بعد 2018 میں جماعت سے الگ ہوگئے تھے، وزیراعظم شہباز شریف اور چوہدری نثار علی خان کی 8 برس کے دوران یہ دوسری ملاقات تھی، دونوں رہنماؤں کی گزشتہ برس 7 سال بعد پہلی ملاقات اس وقت ہوئی تھی جب شہباز شریف چوہدری نثار علی خان کی ہمشیرہ کے انتقال پر تعزیت کے لیے ان کے گھر گئے تھے۔ .ذریعہ: UrduPoint
کلیدی لفظ: تلاش کیجئے چوہدری نثار علی خان شہباز شریف مسلم لیگ ن
پڑھیں:
سروے کے مطابق کاروباری اداروں کا معیشت پر اعتماد بلند سطح پر پہنچ گیا، وزیراعظم شہباز شریف
وزیراعظم شہباز شریف نے کہا ہے کہ سروے کے مطابق کاروباری اداروں کا پاکستان کی معیشت پر اعتماد گزشتہ چار سالوں کی بلند سطح پر پہنچ گیا ہے، جو کہ انتہائی خوش آئند ہے ۔
شہباز شریف کا ملکی معیشت کے بارے میں حالیہ گیلپ سروے بزنس کانفیڈنس انڈیکس رپورٹ پر اطمینان کا اظہار کیا۔
وزیراعظم نے کہا کہ گیلپ سروے کے مطابق کاروباری اداروں کا پاکستان کی معیشت پر اعتماد گزشتہ 4 سال کی بلند سطح پر ہے، ملکی معاشی سمت کا یہ اسکور 2021 کی چوتھی سہ ماہی کے بعد بلند ترین سطح ہے، گیلپ سروے کے نتائج ملک کی سیاسی و اقتصادی صورتحال میں استحکام کے عکاس ہیں۔
شہباز شریف نے کہا کہ حکومتی اقدامات اور اصلاحاتی ایجنڈے سے سسٹم میں شفافیت آئی، تاجر برادری کیلئے آسانیاں پیدا ہوئیں، ایف بی آر کی ڈیجیٹلائزیشن، توانائی شعبے میں اصلاحات نے کاروبار اور سرمایہ کاری کیلئے نئی راہیں کھولیں۔
انہوں نے مزید کہا کہ بہتر ہوتے معاشی اشاریے، بین الاقوامی کریڈٹ ریٹنگز میں بہتری شفافیت کا ثبوت ہیں، میکرو اکنامک اصلاحات کے ثمرات عام آدمی تک پہنچنا شروع ہوگئے ہیں۔
وزیراعظم نے کہا کہ حکومت ادارہ جاتی کارکردگی کو مزید بہتر بنانے کی کوشش کررہی ہے، حال ہی میں پی ایس ای 100 انڈیکس1 لاکھ 47 ہزار پوائنٹس کی بلند ترین سطح عبور کر گیا۔
شہباز شریف نے کہا کہ وفاقی وزیر خزانہ محمد اورنگزیب اور ان کی معاشی ٹیم کی کاوشیں لائق تحسین ہیں، حکومت کاروباری برادری اور سرمایہ کاروں کیلئے مزید سہولیات فراہم کرنے کے لیے کوشاں ہے، کاروباری برادری سے مشاورت کا دائرہ کار مزید وسیع کیا جارہا ہے۔
امریکا: کتے نے بوتلوں سے ڈھکن ہٹانے کا انوکھا ریکارڈ بنا ڈالا