امارت شرعیہ بہار، جھارکھنڈ و اڈیسہ کے زیر اہتمام "دستور بچاؤ، اوقاف بچاؤ کانفرنس" کا انعقاد
اشاعت کی تاریخ: 29th, June 2025 GMT
گاندھی میدان اس وقت وقف قوانین کے خلاف نعروں اور بینرز سے گونج رہا ہے اور پورے ماحول میں ایک احتجاجی جذبہ نمایاں ہے۔ اسلام ٹائمز۔ امارت شرعیہ بہار، جھارکھنڈ و اڈیسہ کے زیر اہتمام آج پٹنہ کے تاریخی گاندھی میدان میں "دستور بچاؤ، اوقاف بچاؤ کانفرنس" کا انعقاد عمل میں آیا، جس میں بہار کے طول و عرض سے لوگوں کی بڑی تعداد نے شرکت کی۔ یہ کانفرنس امارت شرعیہ کی جانب سے طلب کی گئی ہے، تاہم آل انڈیا مسلم پرسنل لاء بورڈ کی شراکت نے اسے مزید تقویت بخشی ہے۔ یہی وجہ ہے کہ نہ صرف بہار بلکہ جھارکھنڈ اور اترپردیش سے بھی بڑی تعداد میں لوگ شریک ہو رہے ہیں۔ کانفرنس کا بنیادی مقصد مودی حکومت کی جانب سے پیش کئے گئے وقف ترمیمی قانون کی واپسی کا مطالبہ کرنا ہے۔ اس مطالبے کی حمایت نہ صرف مختلف مسلم جماعتیں اور تنظیمیں کر رہی ہیں بلکہ متعدد سیکولر سیاسی جماعتیں بھی اس آواز میں شریک ہیں۔ اجلاس میں مختلف مذہبی، سماجی اور سیاسی شخصیات موجود ہیں اور مقررین حکومت سے یک زبان ہو کر مطالبہ کر رہے ہیں کہ وقف سے متعلق ترمیمی قانون کو فوری طور پر واپس لیا جائے۔
یہ بات بھی قابل ذکر ہے کہ بہار اسمبلی انتخابات کے تناظر میں یہ کانفرنس سیاسی طور پر نہایت اہمیت کی حامل سمجھی جا رہی ہے۔ یہی وجہ ہے کہ اپوزیشن کی اکثر جماعتوں نے اپنے نمائندہ رہنماؤں کو اس میں شرکت کے لئے روانہ کیا ہے۔ کانگریس کی جانب سے سید ناصر حسین اور عمران پرتاپ گڑھی شریک ہوئے ہیں، جبکہ راشٹریہ جنتا دل، بائیں بازو کی جماعتیں، سماجوادی پارٹی، ترنمول کانگریس، جھارکھنڈ مکتی مورچہ اور دیگر علاقائی جماعتوں کے نمائندے بھی موجود ہیں۔ آل انڈیا مجلس اتحاد المسلمین کے صدر اسد الدین اویسی بھی اس کانفرنس میں شریک ہیں۔ گاندھی میدان اس وقت وقف قوانین کے خلاف نعروں اور بینرز سے گونج رہا ہے اور پورے ماحول میں ایک احتجاجی جذبہ نمایاں ہے۔ عوام کی شرکت اور جوش و خروش اس بات کا ثبوت ہے کہ مسلمان اس قانون کو اپنے مذہبی اور سماجی تشخص پر حملہ تصور کر رہی ہے۔
ذریعہ
ذریعہ: Islam Times
پڑھیں:
نواز شریف پہلے یہ بتائیں ووٹ کو عزت کب دینی ہے؟ شرجیل میمن کا ردعمل
سندھ کے سینئر وزیر شرجیل انعام میمن نے میر پور جلسے میں مسلم لیگ (ن) کے قائد نواز شریف کے خطاب پر ردعمل دیتے ہوئے کہا کہ ن لیگ خیراتی مینڈیٹ والی جماعت ہے، اس کے منہ سے الیکشن اور ووٹوں کی باتیں اچھی نہیں لگتیں، میاں نواز شریف صاحب یہ بتائیں کہ ووٹ کو عزت کب دینی ہے؟
شرجیل انعام میمن نے کہا کہ نواز شریف صاحب، سیاست ہوتی رہے گی، سندھ اور کشمیر کی سرزمین و عوام کو طنز و مزاح کا موضوع مت بنائیں، سیاسی اختلاف اپنی جگہ، مگر کسی بھی صوبے، شہر یا علاقے کی تضحیک کسی صورت قابلِ قبول نہیں، سابق وزیر اعظم کا یہ رویہ نہ صرف غیر سنجیدہ بلکہ مضحکہ خیز بھی ہے۔
سینئر صوبائی وزیر نے کہا کہ آپ کے بیان نے لاکھوں پاکستانیوں، کشمیر اور سندھ کے عوام جذبات کو مجروح کیا ہے،کسی بھی شہر یا ضلع کا نام سیاسی تقریر میں مذاق یا تقابل کے انداز میں استعمال کرنا شعوری پسماندگی ہے، کشمیر پاکستان کی قومی جدوجہد کی علامت ہے ، سندھ کا ہر شہر بھی اتنا ہی محترم اور عزیز ہے۔
مزید پڑھیںآزاد کشمیر میں مخالفین کی کانپیں ٹانگ رہی ہیں، اب کشمیر کے وارث آگئے ہیں، مریم نواز
بلاول برخودار! کشمیر کو کشمور، میرپور کو میرپور خاص نہ سمجھنا، نواز شریف
شرجیل انعام میمن نے کہا کہ اگرچہ نواز شریف نے اپنی تقریر میں یہ بھی کہا کہ "تلخی نہیں ہونی چاہیے"، لیکن ان کے اپنے الفاظ ہی سیاسی تلخی اور غیر ضروری تقسیم کا باعث بن رہے ہیں، قومی رہنماؤں کو ایسے بیانات سے گریز کرنا چاہیے جو مختلف علاقوں کے عوام میں احساسِ محرومی یا تفریق کو جنم دیں۔
انہوں نے کہا کہ پاکستان سیاسی پوائنٹ اسکورنگ نہیں بلکہ قومی یکجہتی، باہمی احترام اور سنجیدہ سیاسی رویوں کا متقاضی ہے۔ سندھ اور کشمیر کے عوام اپنی سرزمین و شناخت پر فخر کرتے ہیں اور کسی کو یہ حق نہیں کہ وہ انہیں سیاسی طنز کا نشانہ بنائے، جو سیاست تقسیم اور تمسخر پر مبنی ہو، وہ قومی مفاد کے بجائے سیاسی نقصان کا سبب بنتی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم