لاہور میں آندھی کے دوران بل بورڈ گر گیا، موٹرسائیکل سوار جاں بحق، اہلیہ اور کمسن بچہ زخمی
اشاعت کی تاریخ: 29th, June 2025 GMT
لاہور کے علاقے شیراکوٹ بند روڈ پر بارش کے دوران گرنے والے بل بورڈ کی زد میں آکر موٹرسائیکل سوار جاں بحق ہوگیا۔
ایکسپریس نیوز کے مطابق لاہور میں ہونے والی بارشوں کے دوران شیرا کورٹ بند روڈ پر افسوسناک واقعہ پیش آیا جس میں اپنی اہلیہ اور کمسن بچے کے ساتھ موٹرسائیکل پر جانے والا شخص بل بورڈ تلے دب کر جاں بحق ہوگیا۔
ریسکیو حکام کے مطابق بل بورڈ بائیک سوار فیملی پر گرنے سے بائیک سوار جاں بحق اور دو افراد زخمی ہوئے، متوفی کی شناخت 45 سالہ شاہد کے نام سے ہوئی۔
حادثے میں بائیک سوار کی اہلیہ جمیلہ اور اسکا بچہ زخمی ہوا جنہیں طبی امداد کیلیے اسپتال منتقل کردیا گیا ہے۔
ریسکیو رضاکاروں نے بتایا کہ شاہد اپنی اہلیہ اور بچے کیساتھ جا رہا تھا کہ بارش اور آندھی کی وجہ سے بل بورڈ انکے اوپر گرا، جسکے نتیجے میں شاہد موقع پر جاں بحق ہو گیا۔
شاہد کی لاش کو مردہ خانے منتقل کر دیا گیا گیا ہے۔ پولیس کے مطابق واقعے کے حوالے سے قانونی کارروائی جاری ہے جبکہ لاش کو ضابطے کی کارروائی کے بعد لواحقین کے حوالے کردیا جائے گا۔
.
ذریعہ: Express News
پڑھیں:
24 گھنٹوں کے دوران غزہ میں 81 فلسطینی شہید اور 400 سے زائد زخمی
اسرائیلی حملوں کے نتیجے میں گزشتہ 24 گھنٹوں کے دوران غزہ میں 81 فلسطینی شہید اور 400 سے زائد زخمی ہو چکے ہیں۔ اس دوران قطر، امریکہ اور مصر کی جانب سے غزہ میں جنگ بندی کے لیے مذاکرات کی رفتار میں بھی تیزی آگئی ہے۔
قطر کی وزارتِ خارجہ کے ترجمان ماجد الانصاری نے کہا ہے کہ ایران اور اسرائیل کی حالیہ جنگ بندی کے بعد غزہ میں بھی جنگ بندی کے امکانات روشن ہو گئے ہیں۔ ان کے مطابق دوحہ، قاہرہ اور واشنگٹن غزہ میں ثالثی عمل کے اہم فریق ہیں اور اب اس موقع کو ضائع ہونے نہیں دینا چاہتے۔
دوسری جانب امریکی صدر ڈونلڈ ٹرمپ نے بھی امید ظاہر کی ہے کہ اگلے ہفتے تک اسرائیل اور حماس کے درمیان جنگ بندی معاہدہ طے پا سکتا ہے۔
ادھر غزہ کی وزارتِ صحت نے بتایا ہے کہ غزہ شہر کے ایک سٹیڈیم کے قریب اسرائیلی حملے میں بچوں سمیت 11 افراد شہید ہوئے۔ بی بی سی کے مطابق یہ اسٹیڈیم بے گھر افراد کے خیمہ بستی میں تبدیل ہو چکا تھا۔
اس کے علاوہ المواسی علاقے میں ایک اپارٹمنٹ اور خیمے پر بمباری کے نتیجے میں مزید 14 افراد شہید ہوئے جبکہ جافا اسکول کے قریب ایک فضائی حملے میں 5 بچوں سمیت 8 فلسطینی جان سے گئے۔
شہری، خوراک اور تحفظ کے لیے بے یار و مددگار ہیں۔ لوگ ’موت کی شاہراہ‘ پر شیلنگ، اسنائپرز اور ڈرون حملوں کے سائے میں محفوظ مقام کی تلاش میں نقل مکانی پر مجبور ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی