انٹرنیشنل کھلاڑی سعدیہ گل کی 4 برس بعد اسکواش میں واپسی، قومی ویمنز چمپیئن شپ جیت لی
اشاعت کی تاریخ: 29th, June 2025 GMT
کراچی:
اسکواش میں 4 برس بعد قدم رکھنے والی انٹرنیشنل کھلاڑی سعدیہ گل نے قومی جونیئر اینڈ ویمنز اسکواش چیمپئن شپ کا ویمنز ٹائٹل جیت لیا، حذیفہ شاہد بوائز انڈر-15 کے چیمپین بن گئے، فہد خان نے بوائز انڈر-13 اور ابان خان نے بوائز انڈر-9 کا ایونٹ اپنے نام کرلیا۔
قومی جونیئر اینڈ ویمنز اسکواش چیمپئن شپ کی اختتامی تقریب میں کراچی میں امریکا کے قونصل جنرل اسکاٹ اربوم مہمان خصوصی تھے۔
پی ایس ایف جہانگیر خان اسکواش کمپلیکس پر سندھ اسکواش ایسوسی ایشن کے زیراہتمام پاکستان امریکن بزنس کونسل کے تعاون سےمنعقدہ 8 لاکھ روپے مالیت کی انعامی رقم کی چیمپئن شپ کا ویمنز ایونٹ سابق قومی چیمپئین سعدیہ گل نے سندھ کی دامیہ خان کو یک طرفہ مقابلے کے بعد 0-3 سے مات دے کر جیت لیا۔
سابق قومی چیمپئین فرحان زمان کی اہلیہ اور ایک بیٹی کی ماں 27 سالہ سعدیہ گل نے پہلا گیم 8-11، دوسرا گیم 5-12 اورتیسرا گیم 6-11 سے جیتا۔
سندھ کے سیڈ 3 حذیفہ شاہد نے خیبرپختونخوا (کے پی) کے دانش سکندر کو سخت جدوجہد کے بعد 2-3 سے قابو کرکے بوائز انڈر-15 ایونٹ جیت لیا۔
بوائز انڈر-13 کا فائنل ٹاپ سیڈ سندھ کے راحیل وکٹرنے کے پی کے فہد خان کو 1-3 سے زیر کرکے جیت لیا۔
ابان خان نے محمد بن نسیم کو 1-3 سے شکست دے کر بوائز انڈر-9 کا ایونٹ اپنے نام کر لیا۔
چیمپئن شپ میں ملک بھر سے واپڈا اور آرمی سمیت مختلف محکموں اور صوبوں کے 200 سے زائد کھلاڑیوں نے شرکت کی۔
اختتامی تقریب میں اسکواش لیجنڈ جہانگیر خان، سندھ اسکواش ایسوسی ایشن کے صدرعدنان اسد اور دیگر شریک ہوئے اور مہمان خصوصی نے کھلاڑیوں میں انعامات تقسیم کیے۔
.ذریعہ: Express News
کلیدی لفظ: بوائز انڈر چیمپئن شپ سعدیہ گل جیت لیا
پڑھیں:
بھارت کی پھر کھیل میں سیاست، کمنٹیٹر ثنا میر کو آزاد کشمیر کے ذکر پر پینل سے ہٹانے کا مطالبہ
بھارت ایک بار پھر کھیل میں سیاست لانے سے باز نہ آیا۔ویمن کرکٹ ورلڈ کپ میں کمنٹری کے دوران ثنا میر کے آزاد کشمیر کے ذکر پر بھارت نے پراپیگنڈا شروع کر دیا، بھارتی میڈیا نے ثنا میر کو کمنٹری پینل سے ہٹانے کا مطالبہ کر دیا۔کمنٹیٹر ثنا میر نے سوشل میڈیا پیغام میں کہا کہ میرا تبصرہ ایک کھلاڑی کے سفر اور مشکلات کو اجاگر کرنے کیلئے تھا، کھلاڑیوں کے آبائی علاقوں کا ذکر کمنٹری کا حصہ ہوتا ہے، بطور کمنٹیٹر توجہ صرف کھیل، کھلاڑیوں اور ٹیموں پر ہوتی ہے ،برائے مہربانی ہر چیز کو سیاست کا رنگ نہ دیں۔واضح رہے کہ ثنا میر نے کمنٹری کے دوران قومی ویمن ٹیم کی کھلاڑی نتالیہ پرویز کا تعلق آزاد کشمیر سے بتایا تھا۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ