صوبائی وزیرتعلیم نے سہولیات سے آراستہ ٹیچرٹریننگ کا افتتاح کردیا
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ ( آئی این پی ) بلوچستان میں طرز تعلیم جدید دور میں داخل ، صوبائی وزیر تعلیم راحیلہ حمید خان درانی نے پہلے انٹرنیشنل طرز پر بنے اسمارٹ آڈیٹوریم اور دور جدید کی تمام سہولیات سے آراستہ ٹیچر ٹریننگ کا افتتاح کیا ۔ اس موقع پر رحمت العالمین و خاتم النبیین یوتھ کلب کے ممبران نے حلف اٹھایا ، ان سے صوبائی وزیر تعلیم راحیلہ حمید خان درانی نے حلف لیا ۔اس موقع پر سیکرٹری تعمیر نو ٹرسٹ محمد نسیم لہڑی ، سابق سیکرٹری ہائیر ایجوکیشن ممبر تعمیر نو بورڈ حافظ محمد طاہر ، میر غلام حسین جمالی ، ڈاکٹر عطا الرحمن ، پرنسپل تعمیر نو کالج عابد مقصود، پرنسپل تعمیر نو گرلز ہائی سکول محترمہ غزالہ شیر علی ، پرنسپل تعمیر نو ماڈل گرلز ہائی سکول میڈم صحیفہ ، پرنسپل تعمیر نو ہائی سکول بلال درانی ،پرنسپل تعمیر نو ماڈل سکول طارق منگی، پرنسپل پرائمری سکول محترمہ کومل شاہد اور محترمہ اقراء ، انچارج اسمارٹ آڈیٹیوریم عارف رانا،لیکچرار، اساتذہ اور طلباء و طالبات کی بڑی تعداد موجود تھی ۔ اسمارٹ آڈیٹیوریم کا قیام وزیر اعلیٰ بلوچستان میر سرفراز بگٹی کی خصوصی کاوشوں اور بلوچستان میں تعلیم کے فروغ اور طلباء و طالبات کو سہولیات کی فراہمی کیلئے جاری کوششوں کانتیجہ ہے ۔اس موقع پر صوبائی وزیرتعلیم راحیلہ حمید خان درانی نے خطاب کرتے ہوئے کہا کہ رحمت العالمین و خاتم النبیین ؐیوتھ کلب کا قیام خوش آئند ہے ، جس سے طلباء کو سیرت النبیؐ اور سنت کے مطابق زندگی گزارنے کا درس ملے گا ۔ تعمیر نو کی بلوچستان میں تعلیم کے فروغ کیلئے کوششیں انتہائی بہترین ہیں، خوشی ہے پروفیسر فضل حق میر کا جلایا گیادیا آج روشنی کا مینارہ بن چکا ہے ۔ وزیر اعلیٰ بلوچستان میر سرفراز بگٹی کے وژن کے مطابق بلوچستان میں فروغ تعلیم تمام دستیاب وسائل بروئے کار لائیں گے ،تعمیر نو کیساتھ ہر ممکن تعاون کو یقینی بنایا جائیگا ۔ تقریب سے خورشید ندیم چیئرمین قومی رحمت العالمین و خاتم النبیین نے آن لائن خطاب کیا ۔اور سیرت النبی ؐ پر روشنی ڈالی ، رحمت العالمین و خاتم النبیین یوتھ کلب کے ممبران کو حلف اٹھانے پر مبارکباد دی او رانہیں ان کی ذمہ داریاں باور کرائیں۔اس موقع پر سابق سیکرٹری ہائیر ایجوکیشن حافظ محمد طاہر نے خطاب کرتے ہوئے کہا کہ تعمیر نو ٹرسٹ کے زیر سایہ بلوچستان کا سب سے بڑا تعلیمی نیٹ ورک قائم ہے ، جس میں ہزاروں بچے اور بچیاں تعلیم حاصل کررہے ہیں، بلوچستان میں تعلیم کیلئے زندگی وقف کرنے والے پروفیسر فضل حق میر مرحوم کے خوابوںکو تعبیر حاصل ہورہی ہے ،اور یہ ستر سال سے زائد کی کوششوں اور قربانیوں کے بعد آج الحمد اللہ اس مقام پر پہنچ چکا ہے ، کہ جلد یونیورسٹی سے ہزاروں طلباء و طالبات فارغ التحصیل ہونگے ، سپنی روڈ اور مری آبادمیں گرلز کالج کی نئی بلڈنگ میں درس و تدریس کا سلسلہ جلد شروع ہوجائیگا۔
.
ذریعہ
ذریعہ: Jasarat News
کلیدی لفظ: رحمت العالمین و خاتم النبیین پرنسپل تعمیر نو بلوچستان میں
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا