ٹیکس کا 60 فیصدصوبوں کو دیتے ہیں‘ اس لیے ڈیموں پر زیادہ رقم نہیں لگا پارہے‘ احسن اقبال
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
نارووال (صباح نیوز)وفاقی وزیر پلاننگ اینڈ ڈیولپمنٹ احسن اقبال نے کہا ہے کہ ٹیکس کا 60 فیصدصوبوں کو دیتے ہیں‘ اس لیے ڈیموں پر زیادہ رقم نہیں لگا پارہے‘ حکومت زرعی شعبے کی ترقی اور فروغ کے لیے انقلابی اقدامات اور تبدیلیاں لارہی ہے اور کسانوں کی معاشی ترقی اور استحکام کے لیے ہر ممکن اقدامات اٹھائے جا رہے ہیں۔نارووال میں محکمہ زراعت توسیع کے زیر اہتمام وزیراعلی پنجاب گرین ٹریکٹر اسکیم کے تحت کاشتکاروں میں ٹریکٹرز تقسیم کرنے کی تقریب سے خطاب کرتے ہوئے انہوں نے ٹریکٹرزجیتنے والے کاشت کاروں کو مبارکباد پیش کرتے ہوئے کہاکہ وزیراعلی پنجاب مریم نواز شریف کاشتکاروں کی فلاح وبہبود کے لیے دن رات کوشاں ہیں،وزیراعلی پنجاب کی طرف سیزرعی شعبے کی ترقی اور فروغ کے لیے انقلابی اقدامات اور تبدیلیاں لائی جا رہی ہیں۔وفاقی وزیرنے کہاکہ موجودہ حکومت کا عزم ہے کہ کسانوں کی معاشی ترقی اور استحکام کے لیے زیادہ سے زیادہ ہر ممکن اقدامات اٹھائے جا رہے ہیں جس کے دور رس نتائج برآمدہو رہے ہیں۔ انہوں نے کہ جیتنے والے کاشت کار ان ٹریکٹروں کے استعمال سے اپنی کاشتکاری بہتر کرتے ہوئے فصلوں کی اوسط پیداوار میں اضافہ کر کے ملکی خوشحالی میں اپنا کردار ادا کریں گے۔احسن اقبال نے کہاکہ ملکی معیشت کادارومدارزیادہ ترزراعت سے منسلک ہے اورپنجاب کاشتکاروں کے مسائل سے بخوبی آگاہ ہے،وزیراعلی پنجاب کی کوشش ہے کہ زراعت کے شعبے کومضبوط بنانے کے لیے کاشتکاروں کے ہاتھ مضبوط کرناہوں گے کیونکہ کسان خوشحال ہوگاتوشعبہ زراعت ترقی کریگا،آج کسانوں میں مفت ٹریکٹرزکی تقسیم بھی اس سلسلہ کی ایک کڑی ہے۔تقریب کے اختتام پروفاقی وزیرمنصوبہ بندی احسن اقبال نے بذریعہ قرعہ اندازی جیتنے والے خوش نصیب کاشتکاروں میں ٹریکٹرزکی چابیاں تقسیم کیں۔
.ذریعہ: Jasarat News
کلیدی لفظ: وزیراعلی پنجاب احسن اقبال ترقی اور کے لیے
پڑھیں:
2025 میں تمام بڑے اقتصادی اشاریے مثبت سمت میں رہے، جی ڈی پی میں اضافہ اور مہنگائی میں نمایاں کمی: احسن اقبال
وزیر منصوبہ بندی احسن اقبال نے کہا ہے کہ 2025 میں پاکستان کے تمام بڑے اقتصادی اشاریے مثبت سمت میں رہے، جی ڈی پی گروتھ میں اضافہ اور مہنگائی میں نمایاں کمی ہوئی، جبکہ بیرونی اور مالیاتی شعبے بھی مستحکم ہوئے۔ اسلام آباد میں ماہانہ ڈویلپمنٹ پلان پر پریس کانفرنس کرتے ہوئے انہوں نے کہا کہ صرف جولائی میں برآمدات 17 فیصد بڑھیں، جو معیشت کی بحالی کی واضح علامت ہے۔
احسن اقبال نے بتایا کہ گزشتہ مالی سال کرنٹ اکاؤنٹ میں 2.1 ارب ڈالر کا سرپلس ریکارڈ کیا گیا، جبکہ جولائی میں ترسیلات زر میں 7.4 فیصد اضافہ ہوا اور مجموعی طور پر 3.2 ارب ڈالر موصول ہوئے۔ انہوں نے کہا کہ پرائمری بیلنس سرپلس 24 سال کی بلند ترین سطح پر پہنچ گیا ہے اور یہ اعدادوشمار ثابت کرتے ہیں کہ حکومت نے معیشت کی بحالی کا بیڑہ کامیابی سے اٹھایا ہے۔
وزیر منصوبہ بندی کے مطابق بہتر مالی نظم کے باعث گزشتہ سال 1,068 ارب روپے ترقیاتی فنڈز پر خرچ کیے گئے اور ملکی تاریخ میں پہلی بار ترقیاتی اخراجات کی شرح 98 فیصد تک پہنچی۔ عالمی ریٹنگ ایجنسیوں نے بھی پاکستان کی کریڈٹ ریٹنگ میں بہتری کی تصدیق کی ہے۔
انہوں نے کہا کہ جولائی 2025 میں افراط زر کم ہوکر 4.1 فیصد رہ گئی، جو گزشتہ سال کے 11 فیصد سے نمایاں کمی ہے۔ سالانہ مہنگائی کی شرح بھی 38 فیصد سے کم ہو کر 4 فیصد پر آ گئی ہے اور یہ کمی کا رجحان مسلسل جاری ہے۔ پاکستان اسٹاک ایکسچینج دنیا کی کامیاب ترین مارکیٹس میں شامل ہے اور سرمایہ کار پاکستان پر بھرپور اعتماد کا اظہار کر رہے ہیں۔
مزید پڑھیں: پاکستانی ڈرامے نیٹ فلکس اور ایمازون پر، احسن اقبال کے بیان پر پاکستانی کیا کہتے ہیں؟
احسن اقبال نے کہا کہ امریکہ کے ساتھ ٹیرف میں نرمی کا معاہدہ تجارتی مواقع بڑھائے گا، اب یہ پاکستانی کاروباری برادری پر منحصر ہے کہ وہ امریکی مارکیٹ سے کتنا فائدہ اٹھاتی ہے۔ انہوں نے مزید بتایا کہ پہلی بار ملک بھر سے زراعت کا ڈیٹا اکٹھا کیا گیا ہے اور زرعی شعبے کی ترقی کے منصوبوں کو تیزی سے مکمل کیا جائے گا۔
انہوں نے کہا کہ سی ڈی ڈبلیو پی نے 8 منصوبوں کی منظوری دی جبکہ 3 منصوبے ایکنک کو بھجوائے گئے ہیں، ان منصوبوں سے 2 ہزار روزگار پیدا ہوں گے۔ پاکستان نے اپنا سیٹلائٹ کامیابی سے خلا میں بھیجا ہے جس کے معیشت پر مثبت اثرات ہوں گے، جبکہ 2026 میں پاکستان کا پہلا خلا باز چین کے ساتھ سائنسی تجربات کرے گا۔
وزیر منصوبہ بندی نے کہا کہ پی ایس ڈی پی فنڈز کے اجرا کے لیے جامع لائحہ عمل تیار کیا جا رہا ہے۔ وزارت خزانہ کو ہدایت دی گئی ہے کہ پہلی سہ ماہی میں فنڈز کے اجرا میں 5 فیصد اضافہ اور آخری سہ ماہی میں 40 کے بجائے 30 فیصد فنڈز جاری کیے جائیں۔ وزارتوں کے پرنسپل اکاؤنٹس آفیسرز کو قومی نوعیت کے منصوبوں پر اخراجات کی ہدایت کی گئی ہے۔
انہوں نے کہا کہ ٹیرف لائنز اور ڈیوٹیز میں کمی سے خام مال کی درآمد آسان ہوگی اور خام مال کی دستیابی برآمدات میں مزید اضافہ کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسن اقبال اقتصادی اشاریے مثبت امریکہ پاکستان ٹیرف میں نرمی وزیر منصوبہ بندی
پاکستان ترکیہ بحری اسپیشل فورسز کی پہلی دوطرفہ مشق کامیابی سے مکمل