پریش راول نے ’ہیرا پھیری‘ کے مداحوں کو بڑی خوشخبری سنا دی
اشاعت کی تاریخ: 30th, June 2025 GMT
بولی وڈ کے سینئر اداکار پریش راول نے آخرکار اپنی واپسی کی تصدیق کر دی ہے اور کہا ہے کہ “ہیرا پھیری “3 سے متعلق تمام مسائل اب حل ہو چکے ہیں۔
پریش راول نے حال ہی میں ایک پوڈ کاسٹ میں شرکت کی اور فلم کے حوالے سے ہونے والے تنازعہ پر کھل کر بات کی۔
پوڈ کاسٹ میں پریش سے جب ”ہیرا پھیری 3“ کے تنازعہ کے بارے میں سوال کیا گیا تو انہوں نے جواب دیا، ”کوئی تنازعہ نہیں ہے۔ میرا ماننا ہے کہ جب لوگوں نے آپ کو اتنی محبت دی ہو تو پھر آپ کو ایکسٹرامحتاط رہنا پڑتا ہے۔ یہ ہماری ذمہ داری ہے کہ ہم ناظرین کے لیے بہترین کام کریں۔ ناظرین نے ہمیں اتنی عزت دی ہے، آپ اس کو نظرانداز نہیں کر سکتے۔ محنت کر کے انہیں (فلم) دیں۔“
پریش راول نے مزید کہا، ”اس لئے میں یہ چاہتا تھا کہ سب ایک ساتھ آئیں، محنت کریں اور بس۔ اب سب کچھ حل ہو چکا ہے۔“
پریش سے جب دوبارہ پوچھا گیا کہ کیا اصلی کاسٹ کے ساتھ ”ہیرا پھیری 3“ بن رہی ہے تو انہوں نے کہا، ”پہلے بھی یہ فلم آ رہی تھی، لیکن بس ہمیں خود کو بہتر بنانے کی ضرورت تھی آخرکار، یہ سب تخلیقی لوگ ہیں، چاہے وہ پریا درشن ہوں، اکشے ہوں یا سنیل۔ یہ سب کئی سالوں کے دوست ہیں۔“
انہوں نے نے ”ہیرا پھیری 3“ میں اپنی واپسی کی تصدیق کرتے ہوئے کہا، ”ہاں، میں واپس آ رہا ہوں۔“
پریش راول کی ”ہیرا پھیری 3“ سے اچانک علحیدگی نے کافی سرخیاں بنائی تھیں۔ ابتدائی طور پر یہ کہا گیا تھا کہ پریش نے تخلیقی اختلافات کی وجہ سے فلم چھوڑ دی تھی، لیکن 18 مئی کو پریش نے اپنی ایک ٹوئٹ میں واضح کیا کہ ان کی ”ہیرا پھیری 3“ سے علحیدگی تخلیقی اختلافات کی وجہ سے نہیں تھی۔
انہوں نے کہا، ”میرا ”ہیرا پھیری 3“ سے نکلنا تخلیقی اختلافات کی وجہ سے نہیں تھا۔ میں محترم پریا درشن صاحب کے ساتھ محبت اور عزت کاتعلق رکھتا ہوں۔“
پریش راول کی علحیدگی کے بعد، اکشے کمار نے ان کے خلاف 25 کروڑ روپے کا مقدمہ دائر کیا تھا، جس میں کہا گیا تھا کہ پیرش کی علحیدگی سے مالی نقصان ہوا اور پروڈکشن میں تاخیر ہوئی۔
جبکہ پریش راول کے وکیل نے اس کے بعد کہا کہ پریش نے 11 لاکھ روپے کے ساتھ 15 فیصد سود بھی واپس کر دیا ہے۔
“ہیرا پھیری 3 “کی شوٹنگ جنوری 2026 میں شروع ہونے والی ہے، اور مداح جلد ہی اپنے پسندیدہ اداکاروں کو اسکرین پر دوبارہ دیکھ سکیں گے۔
Post Views: 2.
ذریعہ
ذریعہ: Daily Mumtaz
کلیدی لفظ: پریش راول نے ہیرا پھیری 3 انہوں نے
پڑھیں:
واپڈا صارفین کے لیے خوشخبری، جون میں 20 پیسے فی یونٹ ریلیف برقرار
اسلام آباد،بجلی صارفین(awais laghari) کے لیے اچھی خبر سامنے آئی ہے کیونکہ جون 2026 کے دوران صارفین کو فی یونٹ 20 پیسے کا خالص ریلیف ملے گا جبکہ بجلی کی مجموعی قیمتوں میں کوئی اضافہ نہیں ہوگا۔
حکومتی ذرائع کے مطابق اس ریلیف کے نتیجے میں جون 2026 کے بجلی نرخ جنوری سے مئی 2026 کے مقابلے میں برقرار رہیں گے اور صارفین پر کوئی اضافی مالی بوجھ نہیں پڑے گا۔
پس منظر میں اپریل 2026 کے دوران عالمی توانائی منڈی کو شدید دباؤ کا سامنا رہا۔ ایران اور امریکا کے درمیان کشیدگی کے باعث آر ایل این جی کی قلت پیدا ہوئی جبکہ برینٹ خام تیل کی قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
ماہرین کے مطابق اگر بروقت اقدامات نہ کیے جاتے تو صارفین پر 5 سے 6 روپے فی یونٹ تک اضافی بوجھ پڑ سکتا تھا۔حکومت نے صورتحال سے نمٹنے کے لیے محدود لوڈ مینجمنٹ، مارکیٹوں کی جلد بندش، مقامی گیس کی اضافی فراہمی اور فرنس آئل کے محدود استعمال سمیت متعدد اقدامات کیے۔
، جس کے نتیجے میں فیول ایڈجسٹمنٹ کا اثر صرف 1.73 روپے فی یونٹ تک محدود رہا۔ حکام کا کہنا ہے کہ ان اقدامات سے تقریباً 38 ارب روپے کا ممکنہ اضافی بوجھ صارفین پر منتقل ہونے سے بچ گیا۔
دوسری جانب بہتر انتظامی اصلاحات، لائن لاسز میں کمی، بجلی کی طلب میں اضافے اور مختلف ٹیرف پیکیجز کے مثبت اثرات کے باعث سہ ماہی ایڈجسٹمنٹ میں 1.93 روپے فی یونٹ کمی ہوئی۔
مزید پڑھیں:وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
جس سے صارفین کو مجموعی طور پر 65 ارب روپے کا فائدہ پہنچا۔حکومت کا مؤقف ہے کہ توانائی کے شعبے میں بروقت فیصلوں اور مؤثر انتظامی حکمت عملی کے باعث عالمی اور علاقائی چیلنجز کے باوجود بجلی صارفین کو بڑے مالی بوجھ سے محفوظ رکھا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ