مستحکم اور ترقی پسند نسل کی تربیت کیلئے انتہا پسندی کا بھرپور مقابلہ کرنا ہو گا، پیر مظہر سعید
اشاعت کی تاریخ: 30th, June 2025 GMT
ذرائع کے مطابق سنٹر فار انٹرنیشنل اسٹریٹجک اسٹڈیز آزاد جموں و کشمیر میں تعلیمی اداروں میں’’بلڈنگ ریزیلنٹ یوتھ کمیونٹیز ایٹ ایجوکیشنل کیمپسز‘‘ کے عنوان سے سیمینار کا انعقاد کیا گیا۔ اسلام ٹائمز۔ سنٹر فار انٹرنیشنل اسٹریٹجک اسٹڈیز آزاد جموں و کشمیر میں تعلیمی اداروں میں’’بلڈنگ ریزیلنٹ یوتھ کمیونٹیز ایٹ ایجوکیشنل کیمپسز‘‘ کے عنوان سے سیمینار کا انعقاد کیا گیا جس کا مقصد نوجوانوں میں شعور اور مکالمے کو فروغ دینا تھا۔سیمینار کے مہمان خصوصی وزیر اطلاعات حکومتِ آزاد کشمیر پیر محمد مظہر سعید شاہ تھے۔ سیمینار میں ایڈیشنل چیف سیکریٹری آزادجموں و کشمیر مدحت شہزاد، اسلامی ریسرچ انسٹی ٹیوٹ اسلام آباد کے ڈائریکٹر جنرل پروفیسر ڈاکٹر محمد ضیا، ڈپٹی ڈائریکٹر آئی آر آئی ڈاکٹر رستم خان، ایسوسی ایٹ ڈائریکٹر ذوہیب الطاف، ایسوسی ایٹ ڈائریکٹر سیدہ طاہرین بخاری و دیگر نے شرکت کی۔ وزیر اطلاعات پیر محمد مظہر سعید شاہ نے سیمینار سے خطاب کرتے ہوئے کہا کہ منفی سوچ اور غیر معتدل رویوں کو بدلنا ہو گا۔حسن سلوک، صبر و برداشت اور مساوات کو فروغ دینے کی ہر ممکن کوشش کرنی ہو گی، نوجوان ہماری سب سے بڑی طاقت ہیں، والدین اور اساتذہ کے درمیان مضبوط تعاون اور مشترکہ کوششیں بچوں کے روشن مستقبل کی ضمانت ہیں، دونوں کا کردار ایک دوسرے کی تکمیل کرتا ہے اور بچوں کی مجموعی ترقی کے لئے بے حد ضروری ہے۔
وزیراطلاعات نے اپنے خطاب میں والدین اور بچوں کے درمیان اور اساتذہ و طلبہ کے درمیان بہتر روابط پر زور دیتے ہوئے کہا کہ کمیونیکیشن گیپ کو ختم کرنا نوجوانوں میں مایوسی، تنہائی اور انتہاپسند رجحانات کی روک تھام کے لیے کلیدی حیثیت رکھتا ہے۔ انہوں نے کہا کہ انتہاپسندی کا بھرپور مقابلہ کیا جانا چاہیے تاکہ ایک مستحکم اور ترقی پسند نسل کی تربیت کی جا سکے۔
سیمینار سے خطاب میں اسلامی ریسرچ انسٹی ٹیوٹ اسلام آباد کے ڈائریکٹر جنرل پروفیسر ڈاکٹر محمد ضیاء الحق نے کہا کہ قوم کو قرآن کے استعارے "بنیان مرصوص" کی مانند بنانے کے لیے اجتماعی اور انفرادی سطح پر محاسبہ ضروری ہے۔ ڈاکٹر ضیاء نے خواتین اور بچوں کے حقوق کو کسی بھی قوم کی ترقی کا پیمانہ قرار دیا۔ ڈاکٹر رستم خان نے نوجوانوں پر ڈیجیٹل پلیٹ فارمز اور ابھرتی ہوئی ٹیکنالوجیز کے اثرات پر روشنی ڈالی۔ انہوں نے کہا کہ جہاں یہ ٹولز نوجوانوں کو بااختیار بناتے ہیں وہیں اگر تنقیدی سوچ کے بغیر استعمال ہوں تو یہ خطرناک ذہنی قید خانے بھی بن سکتے ہیں۔ ذوہیب الطاف نے مرکز کے وژن اور مقاصد پر روشنی ڈالی۔ انہوں نے کہا کہ علاقائی پیچیدگیوں اور تیز رفتار تکنیکی تبدیلیوں کے پیش نظر نوجوانوں کی استقامت انتہائی اہمیت اختیار کر چکی ہے۔ سیدہ طاہرین بخاری نے تعلیمی اداروں میں پرتشدد انتہاپسندی کے خلاف کردار پر پریزنٹیشن دی۔ ریسرچ آفیسر نمرہ جاوید نے آن لائن انتہا پسندی کے خلاف مصنوعی ذہانت کے استعمال پر بات کی۔
ذریعہ: Islam Times
کلیدی لفظ: نے کہا کہ
پڑھیں:
فیس بک کی جانب سے صارف کی پرائیویٹ فوٹوز کو اے آئی کی تربیت کیلئے استعمال کیا جاسکتا ہے، رپورٹ
data-id="863a0a8" data-element_type="widget" data-widget_type="theme-post-content.default">
میٹا (Meta) گزشتہ کئی برسوں سے اپنی آرٹیفشل انٹیلیجنس (AI) پروگرامز کی تربیت کے لیے فیس بک اور انسٹاگرام پر اپ لوڈ کی گئی اربوں پبلک تصاویر سے فائدہ اٹھا رہا ہے۔ تاہم اب کمپنی ایسی تصاویر تک بھی رسائی حاصل کرنا چاہتی ہے جو صارفین نے سرور پر اپ لوڈ ہی نہیں کیں۔
حالیہ رپورٹس کے مطابق، متعدد صارفین کو فیس بک اسٹوریز پوسٹ کرنے کی کوشش کے دوران ایک پاپ اپ میسج دکھائی دیا جس میں ان سے “کلاؤڈ پروسیسنگ” کی اجازت طلب کی گئی۔ اس اجازت کے نتیجے میں فیس بک کو صارفین کے فونز میں موجود کیمرا رول یعنی ایسی تصاویر اور ویڈیوز تک رسائی حاصل ہو سکتی ہے جو ابھی تک کسی سوشل میڈیا پلیٹ فارم پر شیئر نہیں کی گئیں۔
اس پیغام میں واضح کیا گیا کہ اجازت دینے کا مطلب یہ ہوگا کہ صارف میٹا کی AI شرائط کو قبول کر رہا ہے، جس کے تحت کمپنی نہ صرف ان نجی تصاویر بلکہ ان میں موجود چہروں اور دیگر بصری تفصیلات کا تجزیہ کر سکے گی۔
اس کے ساتھ ہی، صارفین درپردہ اپنی ذاتی معلومات کے استعمال کی بھی اجازت دے رہے ہوں گے۔
میٹا نے حال ہی میں یہ اعتراف کیا ہے کہ وہ 2007 سے فیس بک اور انسٹاگرام پر اپ لوڈ کی جانے والی پبلک پوسٹس کو اپنے جنریٹیو AI ماڈلز کی تربیت کے لیے استعمال کر رہا ہے۔ کمپنی کا کہنا ہے کہ یہ مواد صرف ان صارفین کا ہوتا ہے جو 18 سال یا اس سے زیادہ عمر کے ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی