خیبر سے اغوا ہونیوالی 10 سالہ بچی کو پشاور سے بازیاب کروالیا گیا
اشاعت کی تاریخ: 30th, June 2025 GMT
---فائل فوٹو
صوبۂ خیبر پختونخوا کے ضلع خیبر میں دو روز قبل اغوا ہونے والی 10 سالہ بچی کو پشاور سے بازیاب کروالیا گیا۔
ضلع خیبر کے ڈی پی او رائے مظہر اقبال کے مطابق دو روز قبل تھانہ حدود ملوارڈ کے علاقے میری خیل سے 10 سالہ بچی لاپتہ ہو گئی تھی، ملزمان نے بچی کو پشاور کے علاقہ سوڑیزئی میں جھاڑیوں میں چھپا رکھا تھا۔
رائے مظہر اقبال کا کہنا ہے کہ خیبر اور پشاور پولیس نے اطلاع موصول ہونے پر مشترکا کارروائی کی۔
پولیس کے مطابق ملزمان پولیس کو دیکھ کر بچی چھوڑ کر فرار ہوگئے تھے، بچی کو بازیاب کروا کے والدین کے حوالے کر دیا گیا ہے۔
.ذریعہ: Jang News
کلیدی لفظ: بچی کو
پڑھیں:
غیرت کے نام پر 7 افراد کو قتل کرنے والے مجرم کو 7 بار سزائے موت دینے کا فیصلہ
غیرت کے نام پر 7 افراد کو قتل کرنے والے مجرم کو عدالت نے 7 بار سزائے موت کا فیصلہ سنادیا۔
سیشن کورٹ پشاور نے غیرت کے نام پر 7 افراد کے قتل کے مقدمے میں جرم ثابت ہونے پر ملزم محمد ابراہیم کو 7 بار سزائے موت اور 21 لاکھ 50 ہزار روپے جرمانے کی سزا سنادی۔
مقدمے کی سماعت ایڈیشنل ڈسٹرکٹ اینڈ سیشن جج محمد جمیل نے کی۔
پراسیکیوشن کے مطابق ملزم محمد ابراہیم، جو چارسدہ کے علاقے تنگی کا رہائشی ہے، نے جون 2021 میں پشاور کے علاقے پھندو روڈ پر گھر میں گھس کر فائرنگ کی اور اپنی بیوی بانو، کم سن بیٹوں سلیم، سلمان، جلال، چچازاد بھائی حبیب اللہ، اس کی اہلیہ شکیلہ اور بیٹی سمیہ کو قتل کر دیا۔ افسوس ناک واقعہ تھانہ چمکنی کی حدود میں پیش آیا تھا۔
عدالت نے مقدمے میں شواہد اور گواہوں کے بیانات کی بنیاد پر جرم ثابت ہونے پر فیصلہ سنایا۔
ملزم نے اس سے قبل سزا کے خلاف ہائی کورٹ میں اپیل دائر کی تھی، جس پر پشاور ہائی کورٹ نے کیس دوبارہ ٹرائل کے لیے متعلقہ عدالت کو بھیج دیا تھا۔ دوبارہ ٹرائل کے بعد عدالت نے ایک بار پھر جرم ثابت ہونے پر ملزم کو 7 بار سزائے موت اور 21 لاکھ روپے سے زائد جرمانے کی سزا سنائی۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت