تاریخ میں پہلی بار انڈیکس ایک لاکھ 25ہزار پوائنٹس کی سطح پر پہنچ گیا
اشاعت کی تاریخ: 30th, June 2025 GMT
چین کی جانب سے پاکستان کے لیے 3ارب 40کروڑ کا قرض رول اوور کیے جانے سے مالی سال اختتام تک آئی ایم ایف کی شرائط کے مطابق ذرمبادلہ کے سرکاری ذخائر 14ارب ڈالر تک پہنچنے، امریکا کے ساتھ متوقع تجارتی معاہدوں کے باعث پاکستان اسٹاک ایکس چینج میں پیر کو بھی تیزی کا رحجان برقرار رہا۔
رپورٹ کے مطابق اس رجحان کے سے ملکی تاریخ میں پہلی بار انڈیکس کی 1لاکھ ہزار 25ہزار پوائنٹس کی سطح بھی رقم ہوگئی۔
خام تیل کی عالمی قیمتوں میں کمی کے رحجان، گردشی قرضوں میں کمی کے لیے حکومتی اقدامات، آنے والے دنوں میں ریزلٹ سیزن میں لسٹڈ کمپنیوں کے اچھے مالیاتی نتائج کی توقعات مارکیٹ پر اثرانداز رہے جس سے کاروبار کے تمام دورانیئے میں مارکیٹ کا گراف بلندی کی جانب گامزن رہا۔
اور ایک موقع پر 1370پوائنٹس کی تیزی بھی ہوئی لیکن اختتامی لمحات میں فوری منافع کے حصول پر رحجان غالب ہونے سے تیزی کی مذکورہ شرح میں کمی واقع ہوئی۔
نتیجتا کاروبار کے اختتام پر کے ایس ای 100 انڈیکس 1248.
کے ایس ای 30 انڈیکس 238.06پوائنٹس کے اضافے سے 38153.79پوائنٹس، کے ایس ای آل شئیر انڈیکس 904.89پوائنٹس کے اضافے سے 78584.71پوائنٹس اور کے ایم آئی 30انڈیکس 13.72پوائنٹس کے اضافے سے 184886.50پوائنٹس پر بند ہوا۔
کاروباری حجم گذشتہ جمعہ کی نسبت 48فیصد زائد رہا اور مجموعی طور پر 1ارب 14کروڑ 45لاکھ 53ہزار 310 حصص کے سودے ہوئے جبکہ کاروباری سرگرمیوں کا دائرہ کار 481 کمپنیوں کے حصص تک محدود رہا۔
ان میں 297 کے بھاو میں اضافہ 152 کے داموں میں کمی اور 32 کی قیمتوں میں استحکام رہا۔
جن کمپنیوں کے حصص کی قیمتوں میں نمایاں اضافہ ہوا ان میں پی آئی اے ہولڈنگ کمپنی کے بھاو 1469.73روپے بڑھکر 16167.03 روپے اور یونی لیور پاکستان فوڈز کے بھاو 113.33روپے بڑھکر 23613.33روپے ہوگئے جبکہ رفحان میظ کے بھاو 45.66روپے گھٹ کر 9553.67روپے اور سفائر فائبرز کے بھاو 37.96روپے گھٹ کر 1069.36روپے ہوگئے۔
ذریعہ: Express News
کلیدی لفظ: کے اضافے سے کے بھاو
پڑھیں:
وزیراعظم یوتھ پروگرام کے تحت نوجوانوں کو بااختیار بنانے کا مشن جاری، ملکی تاریخ کا سب سے بڑا یوتھ لون پروگرام شروع کیا ہے۔رانا مشہود احمد خان
لاہور (اُردو پوائنٹ اخبارتازہ ترین - اے پی پی۔ 28 جون2025ء) چیئرمین وزیراعظم یوتھ پروگرام رانا مشہود احمد خان نے کہا ہے کہ وزیرِاعظم محمد شہباز شریف کی قیادت میں نوجوانوں کو مختلف شعبوں میں مواقع فراہم کر رہے ہیں ،نوجوانوں کو بااختیار بنانا حکومتی ترجیحات میں شامل ہے ،پاکستان کی نوجوان نسل میں بہت ٹیلنٹ موجود ہے ،نوجوان آئی ٹی اور کھیل سمیت دیگر میں اپنا لوہا منوا رہے ہیں ،یوتھ ہب پورٹل کے ذریعے نوجوانوں کو سکالر شپ دے رہے ہیں۔ ان خیالات کا اظہار انہوں نے ہفتہ کو لاہور چیمبر آف کامرس اینڈ انڈسٹری میں پاکستان انفارمیشن ٹیکنالوجی اکیڈمک ایسوسی ایشن اور لاہور چیمبر کے اشتراک سے منعقدہ تقریب سے خطاب کرتے ہوئے کیا۔ اس موقع پرصدر لاہور چیمبر میاں ابوذر شاد، نائب صدر شاہد نذیر چوہدری اور چیئرمین پاکستان آئی ٹی اکیڈمک ایسوسی ایشن وہاب یونس سمیت تاجر برادری کی بڑی تعداد موجود تھی۔(جاری ہے)
رانا مشہود نے کہا کہ نوجوان پاکستان کا روشن مستقبل ہیں اور ان کی فلاح، فنی تربیت اور روزگار کی فراہمی حکومت کی اولین ترجیحات میں شامل ہے۔ انہوں نے بتایا کہ حکومت آئی ٹی برآمدات کو 25 ارب ڈالر تک لے جانے کے ہدف پر کام کر رہی ہے جبکہ آن لائن ارننگ کے شعبے میں نوجوانوں کو سہولیات فراہم کی جا رہی ہیں۔انہوں نے کہا کہ اس وقت 8 لاکھ سے زائد نوجوان بیرونِ ملک باعزت روزگار حاصل کر رہے ہیں جبکہ حکومت رواں سال یہ تعداد 15 لاکھ تک لے جانے کی خواہاں ہے، اس کے ساتھ ہی دسمبر میں پاکستان کی پہلی ''یوتھ گیمز'' کے انعقاد کا اعلان بھی کیا تاکہ نوجوانوں کو صحت مندانہ سرگرمیوں کی طرف راغب کیا جا سکے۔چیئرمین یوتھ پروگرام نے ''آپریشن بنیان المرصوص''کے دوران نوجوانوں کے کردار کو سراہتے ہوئے کہا کہ ان کی دفاعی صلاحیتوں نے پاکستان کا وقار دنیا بھر میں بلند کیا، بھارت کی پاکستان مخالف سرگرمیوں پر شدید ردعمل دیتے ہوئے انہوں نے خبردار کیا کہ اگر بھارت نے پانی بند کرنے کی کوشش کی تو اسے سنگین نتائج بھگتنا ہوں گے۔انہوں نے خوشخبری دی کہ پاکستان آئندہ برس اقوام متحدہ کی سلامتی کونسل کی صدارت کرے گاجو ملک کی خارجہ پالیسی کی بڑی کامیابی ہے، بجٹ سے متعلق گفتگو میں انہوں نے کہا کہ موجودہ بجٹ متوازن اور عوام دوست ہے جبکہ آئندہ سال مزید عوام کو ریلیف دینے کیلئے بہتر بجٹ پیش کیا جائے گا۔ انہوں نے اس عزم کا اظہار کیا کہ حکومت دو سال میں آئی ایم ایف سے نجات حاصل کر لے گی،تاجر برادری کو ملکی معیشت کی ریڑھ کی ہڈی قرار دیتے ہوئے رانا مشہود نے کہا کہ ان کے جائزمطالبات مشاورت سے پورے کئے جائیں گے۔ تقریب سے خطاب کرتے ہوئے چیئرمین آئی ٹی اکیڈمک ایسوسی ایشن وہاب یونس نے نیوٹیک کے منصوبوں میں شمولیت کے لیے تعاون کی درخواست کی تاکہ نوجوانوں کو جدید ہنر سکھا کر روزگار کے قابل بنایا جا سکے۔تقریب کے اختتام پر معزز مہمانوں کو یادگاری شیلڈز پیش کی گئیں اور نوجوانوں کے لیے خصوصی تربیتی پروگرامز میں اشتراک کے امکانات پر مشاورت کی گئی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی