کراچی میں 3 روزہ بارش کے دوران سرجانی میں سب سے زیادہ ریکارڈ کی گئی
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: محکمہ موسمیات نے 27 تا 30 جون کے درمیان مون سون کی 3 روزہ بارش کے اعداد و شمار جاری کر دیے، جس کے مطابق شہر کے مختلف علاقوں میں کہیں ہلکی اور کہیں شدید بارش ریکارڈ کی گئی، سب سے زیادہ بارش شہر کے مضافاتی علاقے سرجانی ٹاؤن میں 78.
میڈیا رپورٹس کےمطابق محکمہ موسمیات جی جانب سے جاری کردہ اعداد وشما رمیں بتایا گیا ہے کہ سعدی ٹاؤن میں 58 ملی میٹر، گلشن حدید میں 56 ملی میٹر، نارتھ کراچی میں 45.6 ملی میٹر، پی اے ایف بیس فیصل (شاہراہِ فیصل) پر 45 ملی میٹر اور گلشن معمار (جامعتہ الرشید) میں 42.8 ملی میٹر بارش ریکارڈ کی گئی۔
یونیورسٹی روڈ پر 39.4 ملی میٹر، جناح ٹرمینل پر 37، اورنگی ٹاؤن میں 35.4، ڈی ایچ اے میں 34.3، ناظم آباد میں 31.9، اولڈ ائیرپورٹ پر 29.7، کیماڑی میں 28، کورنگی میں 27.7، پی اے ایف بیس مسرور (ماڑی پور) پر 17، بحریہ ٹاؤن میں 16.5 اور گڈاپ ٹاؤن میں 8.4 ملی میٹر بارش ہوئی۔
محکمہ موسمیات کے مطابق سب سے کم بارش صدر کے علاقے میں ہوئی، جہاں صرف 5 ملی میٹر بارش ریکارڈ کی گئی۔
خیال رہےکہ بارش کے ان اعداد و شمار کے ساتھ ہی شہر کی عملی صورتحال نہایت سنگین رہی، بارش کا پہلا قطرہ گرتے ہی کراچی اندھیرے میں ڈوب گیا، بجلی کی فراہمی معطل ہوگئی اور شہری شدید اذیت میں مبتلا ہو گئے تھے، پانی گلیوں، سڑکوں اور بازاروں میں جمع ہوگیا، اور جگہ جگہ گاڑیاں بند ہو گئیں۔
میئر کراچی مرتضیٰ وہاب اور سندھ حکومت کی ناقص حکمت عملی و بدانتظامی کے باعث شہر گویا ایک کھلے تالاب کا منظر پیش کرنے لگا، نالوں کی صفائی نہ ہونے، سڑکوں کی ٹوٹ پھوٹ اور نکاسی آب کے ناقص انتظامات نے صورتحال کو مزید سنگین کر دیا۔
ایسے میں جماعت اسلامی کے منتخب کردہ ٹاؤن چیئرمینوں نے اپنی مدد آپ کے تحت شہری مسائل حل کرنے کی کوشش کی۔ کئی علاقوں میں پانی کی نکاسی، صفائی، اور رکاوٹیں دور کرنے کے لیے ٹاؤنز کی سطح پر فوری اقدامات کیے گئے، جسے عوام نے سراہا۔
شہریوں کا کہنا ہے کہ اگر بلدیاتی ادارے سنجیدہ ہوتے اور وسائل کی منصفانہ تقسیم کی جاتی تو شہر کو یہ دن نہ دیکھنے پڑتے۔
شہریوں نے سندھ حکومت اور میئر کراچی سے مطالبہ کیا ہے کہ وہ محض الزامات سے گریز کرتے ہوئے اپنی کارکردگی بہتر بنائیں اور آئندہ بارشوں سے پہلے عملی اقدامات یقینی بنائیں۔
ذریعہ: Jasarat News
کلیدی لفظ: ریکارڈ کی گئی ٹاؤن میں ملی میٹر
پڑھیں:
کراچی میں بارش سے اربن فلڈنگ کی صورتحال، بجلی کا نظام درہم برہم
گورنر ہاؤس اور ڈیفنس موڑ کے قریب سڑک دریا کا منظر پیش کرنے لگیں، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیرآب آگئے۔ اسلام ٹائمز۔ شہر قائد میں ہفتے کو بارش نے جل تھل ایک کر دیا، کہیں درمیانی اور کہیں موسلادھار بارشوں کے یکے بعد دیگرے کئی اسپیلز ہوئے، اولڈ سٹی ایریا سمیت کئی علاقوں میں اربن فلڈنگ کی صورتحال پیدا ہوئی۔ تفصیلات کے مطابق ملک میں داخل ہونے والے مون سون سلسلے کے تحت ہفتے کو شہر بھر میں کہیں درمیانی اور کہیں تیز بارشوں کا سلسلہ جاری رہا، چند مقامات پر موسلادھار بارش ہوئی، شہر کے علاقوں آئی آئی چندریگر، کلفٹن، سہراب گوٹھ، میٹ کمپلیکس، سرجانی ٹاؤن، اورنگی ٹاون، ڈیفنس فیز 2، کلفٹن، ڈی ایچ اے، ملیر، بولٹن مارکیٹ، صدر، نشتروڈ، جیل روڈ سمیت وقفے وقفے سے بارش ہوئی۔ محکمہ موسمیات کے مطابق سب سے زیادہ بارش سرجانی ٹاؤن میں 58.2 ملی میٹر ریکارڈ ہوئی، سعدی ٹاون 47.5، گلشن معمار 37.4، گلشن حدید 37، پی اے ایف فیصل 31، نارتھ کراچی 29.8، جناح ٹرمینل 29.2، ڈی ایچ اے 25.5، کورنگی 25.2، یونیورسٹی روڈ 24، ناظم آباد 20.5، اورنگی ٹاون 19.4، کیماڑی 18.5، اولڈ ائیرپورٹ 18.2، پی اے ایف مسرور 10، بحریہ ٹاؤن میں 6.3 ملی میٹر بارش ریکارڈ ہوئی۔
بڑی شاہراؤں کی صورتحال تو قدرے بہتر رہی، مگر اندرونی سڑکیں تالاب بن گئیں، گورنر ہاؤس اور ڈیفنس موڑ کے قریب سڑک دریا کا منظر پیش کرنے لگیں، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیرآب آگئے، نارتھ کراچی اقبال پلازہ کے قریب نالہ ابل پڑا، کئی علاقوں میں گٹر کا پانی باہر آنے سے تعفن پھیل گیا، پانی جمع ہونے سے کئی سڑکوں پر ٹریفک جام بھی رہا، گرومندر سے نمائش چورنگی جانے والا ایک ٹریک پانی میں ڈوب گیا۔ نارتھ کراچی اقبال پلازہ کے قریب نالہ ابل پڑا، گورنر ہاؤس کے قریب سڑک دریا بن گئی، کورنگی روڈ ڈیفنس موڑ کے قریب بھی سڑک، سروس روڈ اور فٹ پاتھ بھی اربن فلڈنگ جیسے صورتحال کا منظر پیش کرنے لگی، لیاقت آباد، سرجانی ٹاؤن، نارتھ کراچی، اورنگی ٹاؤن، گلشن اقبال اور اولڈ سٹی ایریا میں کئی سڑکیں اور خاص طور پر نشیبی علاقے زیر آب آگئے، صورتحال پر شہری برہم دکھائی دیئے۔
درجنوں کاریں، جبکہ سینکڑوں کی تعداد میں موٹرسائیکلیں خراب ہوئیں، مسافر بسوں کی چھتوں پر سفر کرتے دکھائی دیئے۔ محکمہ موسمیات ارلی وارننگ سینٹر نے پیر تک بارشوں کا سسٹم برقرار رہنے کی پیشگوئی کی ہے۔ اتوار کو شہر میں کہیں درمیانی، کہیں موسلادھار بارشیں ہونے کی توقع ہے، پیر کو مطلع جزوی ابرآلود اور ہلکی بارش کا امکان رہے گا۔ کراچی میں بارش کے بعد شہر میں بجلی کا نظام درہم برہم ہوگیا، شہر کے مختلف علاقوں میں بجلی کی طویل بندش رہی، آنکھ مچولی کا سلسلہ بھی جاری رہا، جبکہ لوڈشیڈنگ سے مستشنیٰ علاقوں میں بھی بجلی بند رہی، 500 سے زائد فیڈرز متاثر رہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی