کراچی کی گلیوں کی مرمت کے ایم سی کی ذمہ داری نہیں، میئر مرتضیٰ وہاب
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
میئر کراچی بیرسٹر مرتضیٰ وہاب نے کہا ہے کہ شہر کی اندرونی گلیوں کی ذمہ داری کراچی میٹروپولیٹن کارپوریشن (KMC) کی نہیں ہے۔
انہوں نے وضاحت کی کہ کراچی میں 25 ٹاؤنز قائم ہیں اور KMC صرف مین شاہراہوں اور بڑی سڑکوں کی ذمہ دار ہے، جبکہ گلیوں اور ٹاؤن سطح کی سڑکوں کی دیکھ بھال کی ذمہ داری متعلقہ ٹاؤن کمیٹیوں پر عائد ہوتی ہے۔
مرتضیٰ وہاب کے مطابق جب وہ مختلف علاقوں کا دورہ کرتے ہیں تو اکثر اندرونِ گلیوں کی سڑکیں کٹی ہوئی نظر آتی ہیں، جو کہ سوئی گیس یا پانی کی لائن بچھانے کے دوران خراب کی گئی ہوتی ہیں۔
ان کا کہنا تھا کہ شہریوں کو یہ سمجھنے کی ضرورت ہے کہ بہت سی گلیاں اور سڑکیں KMC کے دائرہ کار میں نہیں آتیں، اور ان مسائل کو حل کرنا ٹاؤن کمیٹیوں کا کام ہے، جنہیں اس مقصد کے لیے فنڈز بھی فراہم کیے جاتے ہیں۔ تاہم، میئر نے واضح کیا کہ یہ ٹاؤن کمیٹیاں ان کے ماتحت نہیں آتیں، جس کی وجہ سے شہری انتظامی مشکلات کا سامنا کرتے ہیں۔
.ذریعہ: Jasarat News
کلیدی لفظ: کی ذمہ
پڑھیں:
جماعت اسلامی کراچی کے عوام کو تنہا نہیں چھوڑے گی: حافظ نعیم
لاہور (خصوصی نامہ نگار) امیر جماعت اسلامی پاکستان حافظ نعیم الرحمن نے کہا کہ کراچی میں بحرانوں کا انبار لگا ہوا ہے، ملک اور صوبے کو چلانے والے شہر کا کوئی پْرسانِ حال نہیں، انفراسٹرکچر تباہ حال اور شہری بجلی، پانی، سیوریج، خستہ حال سڑکوں و ٹرانسپورٹ سمیت صحت و تعلیم کے مسائل کا شکار ہیں، نوجوانوں کے لیے سرکاری نوکریوں کے دروازے بند ہیں۔ پیپلز پارٹی اور ایم کیو ایم کو مسلط کر کے کراچی کو تباہ و برباد کر دیا گیا ہے۔ ٹریفک حادثات کی بنیاد پر لسانی فسادات کو ہوا دی جا رہی ہے۔ پیپلز پارٹی اور ایم کیو ایم یہاں ایک بار پھر لسانی فسادات کروانا چاہتی ہیں، کراچی میں ملک کے ہر علاقے اور زبان بولنے والے لوگ رہتے ہیں، جماعت اسلامی کراچی کے عوام کو تنہا نہیں چھوڑے گی۔ کراچی کو اس کا جائز اور قانونی حق نہ دیا گیا اور عوام کے مسائل حل نہیں کیے گئے تو جماعت اسلامی بھر پور تحریک چلائے گی۔ ملک میں عدلیہ کو تباہ اور 26ویں آئینی ترمیم کے ذریعے عدلیہ کے دانت توڑ دئیے گئے ہیں اور اب 27 ویں آئینی ترمیم کی تیاری کی جا رہی ہے۔ پی ٹی آئی کے پارلیمانی نمائندوں کی نااہلی کا فیصلہ سیاسی اور قابل ِ مذمت ہے۔ ملک میں اعتماد کا بحران مزید بڑھ رہا ہے اور نوجوان مایوس ہو رہے ہیں۔ اہل غزہ و فلسطین کو بھی ہر گز تنہا نہیں چھوڑا جا سکتا، ان کے حق میں احتجاج اور صہیونی مصنوعات کے بائیکاٹ کی مہم وقت کی ضرورت ہے، یوم ِ آزادی کے فوری بعد فلسطین کے حوالے سے پورے ملک میں از سر نو تحریک چلائیں گے، ان خیالات کا اظہار انہوں نے ادارہ نور حق میں پریس کانفرنس سے خطاب کرتے ہوئے کیا۔ اس موقع پر امیر جماعت اسلامی کراچی منعم ظفر خان، نائب امیر کراچی و اپوزیشن لیڈر کے ایم سی سیف الدین ایڈووکیٹ، سیکرٹری اطلاعات زاہد عسکری، ٹاؤن چیئرمین گلشن اقبال ڈاکٹر فواد، ٹاؤن چیئرمین نارتھ ناظم آباد عاطف علی خان، ٹاؤن چیئرمین لیاقت آباد فراز حسیب، سیکرٹری پبلک ایڈ کمیٹی نجیب ایوبی، نائب صدر عمران شاہد و دیگر بھی موجود تھے۔
سی ای او کے الیکٹرک مونس علوی نے خاتون ہراسانی کیس میں عائد 25 لاکھ کا جرمانہ جمع کرادیا