اسما عباس کا شیفالی جریوالا کی موت پر ردعمل
اشاعت کی تاریخ: 1st, July 2025 GMT
پاکستان کی سینئر اداکارہ اسما عباس نے بھارتی فنکارہ شیفالی جریوالا کی اچانک موت پر دکھ اور افسوس کا اظہار کرتے ہوئے کہا ہے کہ زندگی میں بڑھاپے کو قبول کرنا چاہیے، مصنوعی طریقوں سے جوانی حاصل کرنا نہ صرف غیر فطری ہے بلکہ جان لیوا بھی ثابت ہو سکتا ہے اپنے یوٹیوب اکاؤنٹ پر شیفالی کی موت پر گفتگو کرتے ہوئے اسما عباس نے کہا کہ 42 سال کی عمر میں اچانک اس طرح موت واقع ہونا انتہائی افسوسناک ہے کوئی بھی شخص کہیں بھی ہو اس طرح کی ناگہانی اور کم عمری کی موت تکلیف دہ ہوتی ہے انہوں نے مزید کہا کہ شیفالی کے شوہر اور والدہ کی حالت دیکھ کر دل دہل گیا ہے اندازہ لگائیں ان پر کیا گزر رہی ہوگی اسما عباس نے شیفالی کی اینٹی ایجنگ انجیکشنز کے استعمال پر بھی تشویش کا اظہار کیا اور کہا کہ میں نے سنا ہے وہ باقاعدگی سے اینٹی ایجنگ انجیکشن لگواتی تھیں بڑھاپا کوئی بیماری نہیں بلکہ ایک فطری عمل ہے اور اس کو اپنانے میں کوئی برائی نہیں ہے انہوں نے بھارت کی مشہور اداکارہ سری دیوی کی مثال دیتے ہوئے کہا کہ انہوں نے بھی اپنی عمر چھپانے کے لیے مختلف طریقے اپنائے تھے اور ان کی موت بھی ایک افسوسناک انجام تھا یہ سب غیر قدرتی چیزیں انسان کی صحت کو تباہ کرتی ہیں اور دل کو کمزور بناتی ہیں اسما عباس نے سوال اٹھایا کہ آخر عمر چھپانے اور ہمیشہ جوان رہنے کا ایسا کون سا جنون ہے انسان کیسے ہمیشہ جوان رہ سکتا ہے انہوں نے نوجوان نسل کو پیغام دیا کہ خود سے محبت کریں اور اپنی فطری عمر کو خوش دلی سے قبول کریں یاد رہے کہ شیفالی جریوالا 27 جون کو اچانک انتقال کر گئی تھیں پولیس کی ابتدائی تحقیقات کے مطابق وہ خالی پیٹ اینٹی ایجنگ انجیکشن لینے کی عادی تھیں اور موت سے چند گھنٹے قبل بھی انہوں نے انجیکشن لیا جس کے بعد انہیں کپکپی ہوئی اور وہ بے ہوش ہو کر گر پڑیں جس پر فوری طور پر اسپتال منتقل کیا گیا مگر ڈاکٹرز نے ان کی موت کی تصدیق کر دی
.ذریعہ: Nawaiwaqt
کلیدی لفظ: انہوں نے کی موت کہا کہ
پڑھیں:
’میری امی کو لازوال عشق پسند آیا، میرے لیے یہی اہم ہے‘، پابندی کے مطالبے پر عائشہ عمر کا ردعمل
معروف اداکارہ اور ٹی وی میزبان عائشہ عمر کے ریئلٹی شو’لازوال عشق‘ کی پہلی قسط یوٹیوب پر جاری کردی گئی ہے۔ جس کے بعد صارفین کی جانب سے اس پر خوب تنقید کی جا رہی ہے۔ عائشہ عمر نے ناقدین کو جواب دیتے ہوئے کہا کہ ان کی والدہ کو یہ شو بے حد پسند آیا اور والدہ کی رائے ان کے لیے سب سے اہم ہے۔
عائشہ عمر نے فوٹو اینڈ ویڈیو شیئرنگ ایپ انسٹاگرام پر ایک پوسٹ کے ذریعے اپنے جذبات کا اظہار کرتے ہوئے کہا کہ کیا امی کو پہلی قسط پسند آئی؟ بالکل! اور انہی کی رائے اور فیڈ بیک میرے لیے سب سے زیادہ اہم ہے۔
یہ بھی پڑھیں: ’لازوال عشق‘ ریئلٹی شو کے خلاف شکایات پر پیمرا کا ردعمل آگیا
اداکارہ و میزبان نے بتایا کہ ان کی والدہ نے کہا کہ یہ بہت دلچسپ اور مختلف شو ہے۔ آج کل کے نوجوان کس طرح سوچتے ہیں، کیا محسوس کرتے ہیں، ان کی پسند ناپسند کیا ہے یہ دیکھنا اور سننا بہت نیا تجربہ تھا اور شو کے دوران ہونے والی گفتگو بہت صحت مند اور متوازن تھی۔
View this post on Instagram
A post shared by Ayesha Omar (@ayesha.m.omar)
انہوں نے مزید کہا کہ میری والدہ اس شو کو فالو کرنے کے لیے پُر جوش ہیں اور میرے لیے یہی سب کچھ ہے کیونکہ انہیں میرا ڈرامہ ’بلبلے‘ پسند کرنے میں بھی کئی سال لگے تھے۔ انہوں نے مداحوں کو پہلی قسط دیکھنے کی دعوت دی اور کہا کہ ان کو فیڈ بیک سے ضرور آگاہ کیا جائے۔
یہ بھی پڑھیں: ’کیا پاکستان کا کوئی ادارہ اس پروگرام کے خلاف ایکشن لینے کو تیار نہیں؟‘، لازوال عشق کے ٹریلر پر تہلکہ مچ گیا
واضح رہے کہ ’لازوال عشق‘ کا ٹیزر آتے ہی اس پر پابندی لگانے کا مطالبہ کیا جانے لگا تھا۔ صارفین کا کہنا تھا کہ اس شو کے شروع ہونے سے پہلے ہی اس کا بائیکاٹ کیا جائے لیکن پیمرا کی جانب سے وضاحت دی گئی کہ چونکہ یہ کسی لائسنس یافتہ ٹی وی چینل پر نشر نہیں ہو رہا بلکہ صرف سوشل میڈیا پلیٹ فارمز پر دکھایا جا رہا ہے، لہٰذا یہ پروگرام براہِ راست پیمرا کے دائرہ کار میں نہیں آتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیمرا ڈیٹنگ شو عائشہ عمر عائشہ عمر تنقید لازوال عشق لازوال عشق پر پابندی
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری